ଭୁବନେଶ୍ୱର(ମାନସୀ ମିଶ୍ର) : କଥା ରଖିଲେ ଭୁବନେଶ୍ୱର ସଂସଦ ଅପରାଜିତା ଷଡ଼ଙ୍ଗୀ | ନିର୍ବାଚନ ବେଳେ ଲୋକଙ୍କୁ ଦେଇଥିବା ପ୍ରତିଶ୍ରୁତି ଭୁଲି ନାହାନ୍ତି । ପ୍ରତିଶ୍ରୁତି ଦେଇଥିଲେ ଆଉ ସାଂସଦ ହେବା ପରେ ପ୍ରଥମ ଲକ୍ଷ୍ୟ ଥିଲା ହଂସପାଳରେ କିପରି ଫ୍ଲାଇଓଭର ତିଆରି ହେବ | ଦୁର୍ଘଟଣା କମିବ । କାର୍ଯ୍ୟ କରୋନା ପାଇଁ ବିଳମ୍ବ ହୋଇଥିଲେ ମଧ୍ୟ ଆଜି ଠାରୁ କାମ ଆରମ୍ଭ ହୋଇଯିବ ବୋଲି କହିଛନ୍ତି ସଂସଦ ଅପରାଜିତା |
ଆଜି ହଂସପାଳ ଠାରେ ବହୁ ପ୍ରତିକ୍ଷୀତ ଏହି ଓଭର ବ୍ରିଜ ଭୂମି ପୂଜନ ଏବଂ ଭିତ୍ତି ପ୍ରସ୍ଥର ସ୍ଥାପନା କରିବା ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ବିଭାଗୀୟ କେନ୍ଦ୍ରମନ୍ତ୍ରୀ ଶ୍ରୀ ନିତୀନ ଗଡ଼କରୀଙ୍କୁ ଧନ୍ୟବାଦ ଜ୍ଞାପନ କରିଛନ୍ତି | ଏହି କାର୍ଯ୍ୟକ୍ରମରେ ଜାତୀୟ ରାଜପଥ କର୍ତ୍ତୃପକ୍ଷ କ୍ଷେତ୍ରୀୟ ନିର୍ଦେଶକ ଉପସ୍ଥିତ ଥିଲେ | ଓଭର ବ୍ରିଜମୋଟ 24କୋଟି 63 ଲକ୍ଷ ଟଙ୍କା ବ୍ୟୟ ହେବାକୁ ଥିବା ବେଳେ ଆଗାମୀ 18 ମାସ ମଧ୍ୟରେ କାର୍ଯ୍ୟ ସମାପନ ହେବ l
ଏହି ଅଞ୍ଚଳଟି ସ୍ଥାନୀୟ ଜନସାଧାରଣଙ୍କ ପାଇଁ ଅତ୍ୟନ୍ତ ବିପଦପୂର୍ଣ୍ଣ ହୋଇଥିବାରୁ, ସାଂସଦଙ୍କ ଏଭଳି ପଦକ୍ଷେପ ପାଇଁ ଜନସାଧାରଣଙ୍କ ମିଳିତ ସଂଗଠନ ଉତ୍ତର ଭୁବନେଶ୍ୱର ଉନୟନ ପରିଷଦ ପକ୍ଷରୁ ତାଙ୍କୁ କୃତଜ୍ଞତା ଜ୍ଞାପନ କରାଯାଇଥିଲା |
