ସମ୍ବଲପୁରରୁ ରମାକାନ୍ତ ବିଶ୍ବାଳ: ହୀରାକୁଦର ମହମ୍ମଦପୁର ହାଇସ୍କୁଲ ପରିସରରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିରର ଆୟୋଜନ କରାଯାଇଥିଲା | ବିଜୁ ଜନତା ଦଳ ସମ୍ବଲପୁର ବିଧାନସଭା କ୍ଷେତ୍ର ଜୀବନବିନ୍ଦୁ ସହ ହୀରାକୁଦ ଶକ୍ତି କ୍ଲୁବ ଓ ପ୍ରଫୁଲ୍ଲ ରାଉତରାୟ ଟ୍ରଷ୍ଟ ମିଳିତ ଆନୁକୂଲ୍ୟରେ ଆୟୋଜିତ ଏହି ରକ୍ତଦାନ ଶିବିରକୁ ପୂର୍ବତନ ବିଧାୟିକା ଡା. ରାସେଶ୍ୱରୀ ପାଣିଗ୍ରାହୀ ଉଦଘାଟନ କରିଥିଲେ | ଶିବିରରେ ୩୦ଜଣ ରକ୍ତଦାତା ସ୍ବେଛାକୃତ ଭାବେ ରକ୍ତଦାନ କରିଥିଲେ ! ବୁର୍ଲା ରକ୍ତଭଣ୍ଡାର ଡାକ୍ତର ଓ କର୍ମକର୍ତ୍ତାଙ୍କ ପରିଚାଳନାରେ ଅନୁଷ୍ଠିତ ଏହି ରକ୍ତଦାନ ଶିବିରକୁ ହୀରାକୁଦ ଶକ୍ତି କ୍ଲୁବର ନାର୍ତ୍ତୃ ଗୋପାଳ ,ଅମର କୁମାର ମହାନ୍ତି ,ଅଶୋକ ଅଗ୍ରୱାଲ , ଅମରେନ୍ଦ୍ର ତ୍ରିପାଠୀ ଓ ପ୍ରଫୁଲ୍ଲ ରାଉତରାୟ ଟ୍ରଷ୍ଟର ପ୍ରଦୀପ ରାଉତରାୟ ,ବିଜୟ ରାଉତରାୟ , ବାଳଗୋପାଳ ମିଶ୍ର , ଜଗଦୀଶ ମିଶ୍ର , ଅଶୋକ ପଣ୍ଡା , ପ୍ରଫୁଲ୍ଲ ସ୍ୱାଇଁ , ରବୀନ୍ଦ୍ର ସୁବୁଦ୍ଧି ,ଧିରେନ ବେହେରା ,ପ୍ରମୋଦ ବେହେରା ,ଗୋପେସ୍ୱର ଶତପଥୀ ,ମନୋଜ ସ୍ୱାଇଁଙ୍କ ସମେତ ଦଳୀୟ ନେତୃବର୍ଗ ପ୍ରମୁଖ ସକ୍ରିୟ ସହଯୋଗ କରିଥିଲେ | ତେବେ କୋରନା କଟକଣା ସମୟରେ ବିଜୁ ଜନତା ଦଳ ସମ୍ବଲପୁର ବିଧାନସଭା କ୍ଷେତ୍ର ପକ୍ଷରୁ ଏହା ଚତୁର୍ଥ ଜୀବନବିନ୍ଦୁ ରକ୍ତଦାନ ଶିବିର ଆୟୋଜିତ ହୋଇଥିଲା | ପୂର୍ବତନ ବିଧାୟିକା ଡା. ରାସେଶ୍ୱରୀ ପାଣିଗ୍ରାହୀ ସମସ୍ତ ରକ୍ତଦାତାଙ୍କୁ ସାର୍ଟିଫିକେଟ ପ୍ରଦାନ କରିବା ସହ ସାଧୁବାଦ ଜଣାଇଥିଲେ |
