ବାରିପଦା(ଦିଲ୍ଲୀପ ମହାନ୍ତି )-- ମୟୂରଭଞ୍ଜ ଜିଲ୍ଲା ଅନ୍ତର୍ଗତ କପ୍ତିପଦା ଥାନା ଅଧିନସ୍ଥ ଆମ୍ବପିଛୁଳା ସୋନ ନଦୀ ଘାଟ ନିକଟରୁ ଏକ ଯୁବକର ଗଳିତ ଶଵ ଉଦ୍ଧାର । ନଦୀକୁ ଗାଧୋଇ ଯାଇଥିବା  ଲୋକମାନେ ନଦୀ ଜଳରେ ଏକ ଶବ ଭାସୁଥିବା ଦେଖି ଥିଲେ ।  ଖବରପାଇ କପ୍ତିପଦା ଥାନା ପୋଲିସ ସଦଳବଳେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ । ଏହି ସମୟୀ ମୃତ ଯୁବକ ଜଣକ ଉକ୍ତ କପ୍ତିପଦା ଥାନା  ସୁଣ୍ଢଳ ଗ୍ରାମର ସନ୍ତୋଷ ଖଣ୍ଡେଇଙ୍କ ପୁଅ ଵିଜୟ ଖଣ୍ଡେଇ  ଓ ସେ ଗତ ଶୁକ୍ରବାରଠାରୁ ନିଖୋଜ ରହିଥିଲେ ଏବଂ ପରିଵାର ପକ୍ଷରୁ ବିଭିନ୍ନ ସ୍ଥାନରେ ଖୋଜାଖୋଜି କରାଯାଇଥିଲେ ମଧ୍ୟ  ବିଜୟର କୌଣସି ସନ୍ଧାନ ମିଳିନଥିଲା। ତେଵେ ଆଜି ପୋଲିସଠାରୁ ଖଵରପାଇ ପରିବାର ଲୋକେ ନଦୀଘାଟରେ ପହଞ୍ଚି ଉଦ୍ଧାର ମୃତଦେହ ଦେଖି ତାଙ୍କ ପୁଅ ବିଜୟ ବୋଲି ଚିହ୍ନଟ କରିଥିଲେ । ମାତ୍ର ମୃତକର ବାପା କହନ୍ତି ପୁଅ ବିଜୟର ଟିକେ ନିଶାପାଣି ଅଭ୍ୟାସ ଥିବାରୁ ନିଶାଖାଇ ପାଣିରେ ପଡି ମୃତ୍ୟୁ ହୋଇ ଥାଇ ପାରେ କିମ୍ବା କେହି ମାରିଦେଇ ପାରିଥାନ୍ତି ଵୋଲି ପ୍ରକାଶ କରିଛନ୍ତି । ଏହାକୁ ନେଇ ଥାନାରେ ଏକ ଅପମୃତ ମାମଲା ରୁଜୁ କରାଯିବା ସହ ଶବକୁ ବ୍ୟବଚ୍ଛେଦ ନିମନ୍ତେ ଉପଖଣ୍ଡ ଚିକିତ୍ସାଳୟକୁ ପଠିଇଛି । ବ୍ୟବଚ୍ଛେଦ ରିପୋର୍ଟ ହସ୍ତଗତ ପରେ ମୃତ୍ୟୁର କାରଣ ସ୍ପଷ୍ଟ ହେବା ସହ ତଦନ୍ତ ଆଗକୁ ବଢ଼ିବ ବୋଲି ପୋଲିସ ସୂତ୍ରରୁ ମିଳିଥିବା ସୂଚନାରୁ ଜଣାପଡିଛି।