ଭୁବନେଶ୍ୱର(ଶାସକ ପ୍ରଶାସକ) : କଥାରେ ଅଛି ମତେ ଯେତେ ମାଠିବୁ ମାଠ, ମୁଁ ସେଇ ଦରପୋଡା କାଠ । କରୋନା ନେଇ କୋଉ ସ୍ଥିତିରେ ପହଞ୍ଚାଇଲାଣି । କେତେଲୋକ ମଲେଣି । ୧୯୬ ଦେଶରେ ଆତଙ୍କ ସୃଷ୍ଟି କଲାଣି ! ଆଗକୁ ବିକଟ ପରିସ୍ଥ୍ତି ଆସିବାର ଆଶଙ୍କା ରହିଥିବା ଯୋଗୁ ଦେଶର ରାଜ୍ୟର ସରକାର ଗ୍ରହଣ କରୁଛନ୍ତି ସତର୍କତା ପଦକ୍ଷେପ । କଠୋର ପଦକ୍ଷେପ ଭାବେ ମୁଖ୍ୟମନ୍ତ୍ରୀ କାଲି ଦିନବେଳେ ରାଜ୍ୟବ୍ୟାପୀ ଲକ ଡାଉନ ଘୋଷଣା କରିବା ପରେ ପ୍ରଧାନମନ୍ତ୍ରୀ ରାତିରେ ଦେଶ ବ୍ୟାପୀ ଲକ ଆଉଟ ଘୋଷଣା କରିଥିଲେ । ପ୍ରଧାନମନ୍ତ୍ରୀ-ମୁଖ୍ୟମନ୍ତ୍ରୀ ହାତ ଯୋଡି ଲୋକଙ୍କ ସାମାଜିକ ଦୂରତ୍ୱ ବଜାୟ ରଖିବା ପାଇଁ ନିବେଦନ କରିିଥିବା ବେଳେ ଅନାବଶ୍ୟକ ଭାବେ ବାହାରକୁ ଯିବାକୁ ବାରଣ କରିଛନ୍ତି । ମୁଖ୍ୟମନ୍ତ୍ରୀ ବି ରାଣ ପକାଇ ଶପଥ ଦେଇ କହିଲେ ବାହାରକୁ ନବାହାରିବା ପାଇଁ । ହେଲେ କିଛି ଗାଲୁଆଙ୍କ ଚମଡା ଭିତରେ ଏ ନିବେଦନ ଭେଦିଲାନି । ଆଉ ଗଜପତି ଠାଣିରେ ପୁରୁଣା ଅଭ୍ୟାସ ଅନୁସାରେ ବାହାରିଲେ ବାହାରକୁ ଅମାନିଆ ହୋଇ । ଆଉ ପୋଲସିଠୁ ପଡିଲା ଏମିତି ପାହାରଯେ ଏ ଗାଲୁଆ ମାନେ ବାହାରକୁ ବାହାରିବା ପୂର୍ବରୁ ସାତ ଥର ଭାବିବେ ’ମୁଁ କାହିଁକି ବାହାରୁଛି’ ।
ରାଜ୍ୟର ବିଭିନ୍ନ ସ୍ଥାନରେ ଏମିତି କଠୋର ପଦକ୍ଷେପ ପୋଲିସ ଘଟିଥିବା ବେଳେ ଯାଜପୁରରେ କିନ୍ତୁ ଆଉ ପାଦେ ଆଗେଇ ଯାଇଥିଲା ଜିଲ୍ଲା ପ୍ରଶାସନ । ଏଠି ଜିଲ୍ଲାପାଳ ରଞ୍ଜନ କୁମାର ଦାଶ ଓହ୍ଲାଇଥିଲେ ରାସ୍ତା ଉପରକୁ ହାତରେ ଲାଠିଧରି । ବିଳମ୍ବିତ ରାତି ପର୍ଯ୍ୟନ୍ତ ଜିଲ୍ଲାପାଳ ହାତରେ ଲାଠି ଧରି ଯାଜପୁରର ବିଭିନ୍ନ ଅଞ୍ଚଳ ବୁଲି ଗାଡିଧରି ବେମତଲବ ଟହଲ ମାରୁଥିବା ଲୋକଙ୍କୁ ଚେତବାନୀ ଦେଇଛନ୍ତି ଘରୁ ଅନାବଶ୍ୟକ ନବାହାରିବା ପାଇଁ । ଆଉ କିଛି ସମ୍ବେଦନହୀନ ଯୁବକଙ୍କୁ ପକାଇଛନ୍ତି ପାହାରେ ଦି ପାହାର ।
ଲକଡାଉନ ଚାଲଥିବା ବେଳେ ଜିଲ୍ଲାପାଳ ଶ୍ରୀ ଦାଶ ଖବର ପାଇଥିଲେ ଯେ କେତେକ ଛକ ଆଉ ସ୍ଥାନରେ ଲୋକମାନେ ଅଯଥାରେ ଗହଳି କରୁଛନ୍ତି । ଏଖବର ପାଇବା ପରେ ଜଲ୍ଲାପାଳ ଶ୍ରୀ ଦାସ ଓ ଉପଜିଲ୍ଲାପାଳ ସବୁ କାମ ଛାଡି ନିଜ ସୁରକ୍ଷା କର୍ମୀଙ୍କ ସହ ପହଞ୍ଚିଥିଲେ ଅନ ଦି ସ୍ପଟ । ଗାନ୍ଧିଛକ, ବାଳାଶ୍ରମ ପଡିଆ, ଗରିଆପୁର, ତ୍ରିଲୋଚନେଶ୍ୱର ମନ୍ଦିର, ସାନ ବଜାର ସମେତ ଅନ୍ୟ ଅଞ୍ଚଳକୁ ଯାଇ ଲୋକଙ୍କୁ ଚେତାବନୀ ଦେବା ସହ ଘଊଡାଇଥିଲେ । ଆଉ କିଛି ଅମାନିଆ -ଗାଲୁଆ ଯୁବକଙ୍କ ହାତରେ ଧରିଥିବା ଲାଠିରେ ପାହାରେ ଦିପାହାର ପକାଇଥିଲେ । ଆଉ କାଲିଠୁ ବାହାରୀ ବୁଲିବା ଦେଖିବାକୁ ମିଳିଲେ ନିସ୍ତାର ନାହିଁ ବୋଲି ଜିଲ୍ଲାପାଳ ଶ୍ରୀ ଦାସ ଚେତାଇ ଦେଇଥିଲେ । କାଲିଠାରୁ ବାହାରେ ଗାଡି ବୁଲିବା ବନ୍ଦ ବୋଲି ଚେତାଇଦେବା ସହ ଯଦି ନିହାତି ବାହାରକୁ ଅସିବାକୁ ପଡେ ତେବେ ଚାଲିଚାଲି ଆସି ଜଲଦି ଚାଲିଯିବା ପାଇଁ ଚେତାଇଦେଇଥିଲେ ଜିଲ୍ଲାପାଳ । ସବୁଦିନ ଏମିତି ଯାଞ୍ଚ କରାଯିବ ଓ ଧରାପଡଲେ ନିସ୍ତାର ନାହିଁ । ଗୋଟାଏ ଦିନରେ ୨୮ଜଣ ଅମାନିଆଙ୍କ ବିରୋଧରେ ମାମଲା ରୁଜୁ ହୋଇଥିବା ବେବେଳ ବାହାରେ ଗାଡିନେଇ ବୁଲୁଥିବା ଲୋକଙ୍କ ଗାଡି ସିଜ୍ ହେବା ସହ ଫୈଜଦାରୀ ମାମଲା ରୁଜୁ କରାଯିବ ବୋଲି ଜିଲ୍ଲାପାଳ ଜାଗିଦ କରାଇ ଦେଇଥିଲେ । ଜିଲ୍ଲାପାଳଙ୍କ ଏହି ପଦକ୍ଷେପ ଅମାନିଆଙ୍କ ଛାତିରେ ଛନକା ପୁରାଇ ଦେଇଥିବା ବେଳେ ସହରର ବିଭିନ୍ନ ମହଲରୁ ଏହାକୁ ପ୍ରଶଂସା କରାଯାଇଛି ।
