ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : କରୋନା ଭାଇରସ ପ୍ରତି ଲୋକଙ୍କୁ ସଚେତନତା କରାଇବା କାର୍ଯ୍ୟକ୍ରମକୁ ଅଧିକ ବ୍ୟାପକ କରିବା ପାଇଁ ଜିଲ୍ଲାପାଳ ଜିଲ୍ଲାରେ ୧୪୪ ଧାରା ଜାରି କରିଛନ୍ତି । ଏଥିରେ ୫ ଜଣଙ୍କୁ ଛାଡିଦେଲେ ତା ଠାରୁ ଅଧିକ ସଂଖ୍ୟକ ଏକାଠି ରହିବା ନିଷେଧ । ଏତତବ୍ୟତୀତ ବରଯାତ୍ରୀ , ସଭା ସମିତି,ସ୍କୁଲ କଲେଜ , ପାର୍କ , ମନୋରଞ୍ଜନ ସ୍ଥଳ , କୋଚିଙ୍ଗ , ଟୁଇସନ ବଡ ଦୋକାନ , ସପିଙ୍ଗ ମାଲ ପ୍ରଭୃତି ବନ୍ଦ କରିବା ପାଇଁ ନିର୍ଦ୍ଦେଶ ଦେଇଛନ୍ତି ।
ଅନ୍ୟ ପକ୍ଷରେ , ଜିଲ୍ଲା ପୋଲିସ ଓ ଜିଲ୍ଲା ପ୍ରଶାସନ ପକ୍ଷରୁ ବସ ଷ୍ଟାଣ୍ଡ ଓ ଅନ୍ୟାନ୍ୟ ସ୍ଥାନ ବୁଲି ବୁଲି ଲୋକଙ୍କୁ କରନା ଭାଇରସ ଓ ୧୪୪ ଧାରା ଉପରେ ଲୋକଙ୍କୁ ସଚେତନ କରାଇଥିଲେ ।
ଏହି ସଚେତନତା କାର୍ଯ୍ୟକ୍ରମରେ ଥନାଧିକାରୀ ବିବେକା ନନ୍ଦ ସ୍ବାଇଁ ଓ ପୋଲିସ ବାହିନୀ ଏବଂ ଉପ-ଜିଲ୍ଲାପାଳ ସଂଗ୍ରାମ ଶେଖର ପଣ୍ଡା ଓ ତହସିଲଦାର ଅଚ୍ୟୁତା ନନ୍ଦ ଯାନୀଙ୍କ ସମେତ ବହୁ ଅଧିକାରୀ କର୍ମଚାରୀ ସାମିଲ ଥିଲେ
