ଦଙ୍ଗା ପ୍ରଭାବିତ ଦିଲ୍ଲୀର ବିଭିନ୍ନ ଅଂଚଳରେ ଓଡିଶା ମୋ ପରିବାର ମାଧ୍ୟମରେ ବଣ୍ଟା ହେଲା ରିଲିଫ
ନୂଆଦିଲ୍ଲୀ( ଶାସକ ପ୍ରଶାସକ): ମିଷ୍ଟଭାଷୀ ଆଉ ମଣିଷ ପଣିଆ ପାଇଁ ବେଶ ପରିଚିତ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁଣି ଥରେ ତାଙ୍କ ଦରଦୀ ହୃଦୟର ପରିଚୟ ଦେଇଛନ୍ତି | ଦିଲ୍ଲୀ ଦଙ୍ଗା ପୀଡ଼ିତମାନଙ୍କୁ ବଢ଼ାଇଛନ୍ତି ମାନବିକତାର ହାତ | ଦଙ୍ଗା ପୀଡିତଙ୍କ ଅକଥନୀୟ ଯନ୍ତ୍ରଣା ପରିପ୍ରେକ୍ଷୀରେ ସେମାନଙ୍କ ନିକଟରେ କିଛି ସହାୟତା ପହଂଚାଇବା ପାଇଁ ସେ ନିର୍ଦ୍ଦେଶ ଦେଇଥିଲେ | ମୁଖ୍ୟମନ୍ତ୍ରୀଙ୍କ ନିର୍ଦେଶରେ ଓଡିଶା ମୋ ପରିବାର ପକ୍ଷରୁ ନୂଆଦିଲ୍ଲୀର ଦଙ୍ଗା ପ୍ରଭାବିତ ଅଂଚଳରେ ଲୋକଙ୍କୁ ରିଲିଫ ଓ ସହାୟତା ପ୍ରଦାନ କରାଯାଇଛି | ବିଧାୟକ ଧ୍ରୁବ ସାହୁଙ୍କ ନେତୃତ୍ୱରେ ଓଡିଶା ମୋ ପରିବାରର ସଭ୍ୟମାନେ ଦଙ୍ଗା ପ୍ରପୀଡ଼ିତ ବିଭିନ୍ନ ଅଂଚଳ ବୁଲି ରିଲିଫ ସହାୟତା ବଣ୍ଟନ କରିଥିଲେ |
