ଭୁବନେଶ୍ୱର (ଶାସକ ପ୍ରଶାସକ)  ରାଜ୍ୟରେ ବିଗିଡି ଯାଇଥିବା ଉଚ୍ଚଶିକ୍ଷା ବ୍ୟବସ୍ଥାକୁ ଶୃଙ୍ଖଳିତ କରି ଶଗଡ଼ ଗୁଳାକୁ ଫେରାଇ ଆଣିବାକୁ ଗତକିଛି ମାସ ହେବ ଉଦ୍ୟମ ଜାରି  କରିଛନ୍ତି ଉଚ୍ଚଶିକ୍ଷା ମନ୍ତ୍ରୀ ଡ଼ ଅରୁଣ ସାହୁ | କେବଳ ଲୋକ ସେବା ଭବନ ଭିତର ଶୀତ ତାପ କୋଠରୀରେ ବସି ବା ଭାଷଣ ମଧ୍ୟମରେ ନୁହେଁ, ନିଜେ ମନ୍ତ୍ରୀ ଡ଼ ସାହୁ ସଘନ ଉଦ୍ୟମ ଜାରି ରଖିଛନ୍ତି | ଅଚାନକ ବିଭିନ୍ନ କଲେଜକୁ  ବିଶ୍ୱ ବିଦ୍ୟାଳୟକୁ ଘନ ଘନ ଗସ୍ତ କରୁଛନ୍ତି  | ଆଉ ଏହାକୁ କେହି ଅସ୍ଵୀକାର କରିପାରିବେନି ଯେ ମନ୍ତ୍ରୀ ଡ଼ ସାହୁ ହେଉଛନ୍ତି ଏକ ମାତ୍ର ଉଚ୍ଚଶିକ୍ଷା ମନ୍ତ୍ରୀ ଯେ ଅଚାନକ ରାଜ୍ୟର ସବୁଠାରୁ ଅଧିକ କଲେଜ ବୁଲି ପାଠପଢା ବ୍ୟବସ୍ଥାର ସୁଧାର ପାଇଁ ଆନ୍ତରିକତା ଦେଖାଇଛନ୍ତି | ଯାହାର ପ୍ରଭାବ ମହାବିଦ୍ୟାଳୟ ସ୍ତରରେ ପଡିଛି | ମନ୍ତ୍ରୀ ଡ଼  ସାହୁ  କଲେଜରେ ଅଚାନକ ପଶି, ସାରଙ୍କ ସହିତ ବସି, ପିଲାଙ୍କ ସହିତ ମିଶି, ଆଟେଣ୍ଡାନ୍ସ ରେଜିଷ୍ଟାରରେ ପିଲାଙ୍କ ସଂଖ୍ୟା କଷି  ତଥ୍ୟ ଓ ଅନୁଭୂତି ସଂଗ୍ରହ କରିବା ପରେ ପ୍ରଥମ ପର୍ଯ୍ୟାୟରେ ପାଠପଢା ବ୍ୟବସ୍ଥାକୁ ଶୃଙ୍ଖଳିତ ତଥା ନିୟମିତ କରିବା ପାଇଁ ମନସ୍ଥ କଲେ | କଲେଜରେ ଉପସ୍ଥାନ ବଢ଼ାଇବା ପାଇଁ ୭୫% ଉପସ୍ଥାନ ବାଧ୍ୟତାମୁଳକ କରିବା ପରେ ପ୍ରକ୍ଟୋରିଆଲ କ୍ଲାସ ଓ ମେଣ୍ଟରିଙ୍ଗ ବ୍ୟବସ୍ଥା ଉପରେ ଗୁରୁତ୍ୱ ଦେଲେ |  ଏବେ ସମଗ୍ର ରାଜ୍ୟରେ ସବୁ ବିଶ୍ୱବିଦ୍ୟାଳୟ, ସ୍ବୟଂଶାସିତ ମହାବିଦ୍ୟାଳୟ ଇତ୍ୟାଦିରେ ପରୀକ୍ଷା ବ୍ୟବସ୍ଥାକୁ ଶୃଙ୍ଖଳିତ କରିବା ପାଇଁ ପଦକ୍ଷେପ ନେବା ଆରମ୍ଭ କରିଛନ୍ତି | ରାଜ୍ୟର ବିଭିନ୍ନ ବିଶ୍ଵବିଦ୍ୟାଳୟ ଅଧୀନରେ ଥିବା ବିଭିନ୍ନ କଲେଜ ଗସ୍ତ କଲା ପରେ ଏବେ ସବୁ କଲେଜରେ ଏକ ସମୟରେ ପରୀକ୍ଷା କରିବା ତଥା ପରୀକ୍ଷାଫଳ ବାହାର କରିବା ପାଇଁ ଏବେ ମଜଭୁତିଆ ପଦକ୍ଷେପଟିଏ ନେଇଛନ୍ତି | ନିହାତି ପକ୍ଷେ ଯଦି ସବୁଠି ଏକ ସାଙ୍ଗରେ ପରୀକ୍ଷା ହେବ ଆଉ ଫଳ ବି ଏକ ସାଙ୍ଗରେ ଠିକଣା ସନତାରେ ବାହାରିବା ତେବେ ଓଡ଼ିଶାର ଛାତ୍ରଛାତ୍ରୀମାନେ ଅନେକାଂଶରେ ଉପକୃତ ହୋଇପାରିନେ | ଆପାତତଃ ମନ୍ତ୍ରୀ ଡ଼ ସାହୁଙ୍କ ନିର୍ଦ୍ଦେଶରେ ପରୀକ୍ଷା କରିବା ଓ ଫଳ ବାହାର କରିବା ଏକ ନିର୍ଦ୍ଦିଷ୍ଟ ସମୟ ସୀମା ଭିତରେ ସାରିବା ଉପରେ ତଥ୍ୟ ତତ୍କାଳ ଜଣାଇବାକୁ ଉଚ୍ଚଶିକ୍ଷା ବିଭାଗ ପକ୍ଷରୁ ନିର୍ଦ୍ଦେଶ ଦିଆଯାଇଛି | 

ଓଡ଼ିଶାରେ ଉଚ୍ଚଶିକ୍ଷା ବ୍ୟବସ୍ଥା ଏମିତି ଯେ ପାଠପଢା ପରୀକ୍ଷା ଓ ଫଳ ବାହାରିବା ନେଇ କାହା ଭିତରେ ସମନ୍ୱୟ ନାହିଁ | ସବୁ "ବିହାର" ନିଜ ସୁବିଧା ଅନୁସାରେ ବିହରଣ କରୁଛନ୍ତି | ଯିଏ ଯାହା ମର୍ଜିର ଚାଲିଛନ୍ତି ଏକସିଙ୍ଗା ହୋଇ  | ଉତ୍କଳର ମୁହଁ ପଛକୁ ହେଲେ ଭଞ୍ଜବିହାରର ମୁହଁ ଆଗକୁ | ଜ୍ୟୋତି ବିହାରର ମୁହଁ ପଶ୍ଚିମକୁ ହେଲେ ଉତ୍ତର ଓଡ଼ିଶାର ମୁହଁ ଉତ୍ତରକୁ |  ଆଉ ଅଟୋନମସ ମହାବିଦ୍ୟାଳୟ କଥା ନକହିଁବା ଭଲ | ପୁରା ଅଟୋ ଗିଅରରେ, ନିଜ ହାତରେ ନିଜେ ଚଉଦ ପା ଆଉ ବିଶ୍ୱ ବିଦ୍ୟାଳୟଠୁଁ ଦି ଚାରି ଇଞ୍ଚ ଅଧିକ ଉଚ୍ଚ ବୋଲି ଭାବିନେଉଛନ୍ତି | ତେଣୁ ସବୁ ବିଶ୍ୱବିଦ୍ୟାଳୟ ଅଧିନସ୍ଥ ସବୁ କଲେଜରେ ପାଠପଢ଼ା କୁ ବ୍ୟବସ୍ଥିତ କରିବା ପାଇଁ ପ୍ରକ୍ଟୋରିଆଲ କ୍ଲାସ ଓ ମେଣ୍ଟରିଙ୍ଗ ବ୍ୟବସ୍ଥାକୁ କଡାକଡ଼ି ଲାଗୁ କରି ଅଚାନକ ପରିଦର୍ଶନ ମାଧ୍ୟମରେ ଅଧ୍ୟାପକ ଓ ଅଧ୍ୟାପିକାମାନଙ୍କୁ ଅଧିକ ଉତ୍ତରଦାୟୀ କରିବାରେ ଅନେକାଂଶରେ ସଫଳ ହୋଇଛନ୍ତି ମନ୍ତ୍ରୀ ଡ଼ ସାହୁ | ଫଳରେ ଅଭିଭାବକମାନଙ୍କ ସହ ଅଧ୍ୟାପକ  ଅଧ୍ୟାପିକା ମାନେ ସିଧା ସଳଖ ଯୋଗାଯୋଗ ନିୟମିତ ହେବ ଦ୍ୱାରା ଶ୍ରେଣୀରେ ପିଲାମାନଙ୍କ ଉପସ୍ଥାନ ବୃଦ୍ଧି ପାଇଛି |  କଲେଜ ଗସ୍ତ ବେଳେ ମନ୍ତ୍ରୀ ଡ଼ ସାହୁ ପାଇଥିବା ପ୍ରତ୍ୟକ୍ଷ ଅନୁଭୂତି ଆଉ ତାଙ୍କ ପାଖରେ ପହଁଚିଥିବା ସୂଚନା ଆଧାରରେ ପରୀକ୍ଷା ଓ ଫଳ ପ୍ରକାଶନ ବ୍ୟସ୍ଥାରେ ସମନ୍ୱୟ ଆଣିବା ପାଇଁ ମନ୍ତ୍ରୀଙ୍କ ନିର୍ଦ୍ଦେଶରେ  ଗତ ସପ୍ତାହରେ ଏକ ଚିଠି    ଚିଠି ଯାଇଛି ସବୁ ସରକାରୀ ବିଶ୍ୱବିଦ୍ୟାଳୟ ଆଉ ଅଟୋନମସ କଲେଜକୁ | ଆଗରୁ ଏ ନେଇ ବିଶ୍ୱବିଦ୍ୟାଳୟ ଓ ସ୍ୱୟଂ ଶାସିତ ମହାବିଦ୍ୟାଳୟ କର୍ତ୍ତୃପକ୍ଷଙ୍କୁ ବୈଠକରେ କୁହାଯାଇଥିଲେ ମଧ୍ୟ ଏହାର ଅନୁପାଳନ ହୋଇପାରିନାହିଁ | ସେଦିନ ଜାନୁୟାରେ ୨୬ କାର୍ଯ୍ୟକ୍ରମରେ ଛତ୍ରପୁର ଗସ୍ତ କରିବା ବାଟରେ ୨୫ ତାରିଖ ଦିନ ଗଂଜାମ ଜିଲ୍ଲାର ବୁଗୁଡ଼ା ଅତିକ୍ରମ କଲାବେଳେ ବାଟରେ ପଡିଲା ପିପୁଲସ କଲେଜ | ମନ୍ତ୍ରୀଙ୍କ ଗାଡି ହଠାତ ସେଠି ଅଟକି ଗଲା | ସିଧା ପଶିଗଲେ କଲେଜ କ୍ୟାମ୍ପସ ଭିତରେ ଆଉ ମନ୍ତ୍ରୀ ଆସିଥିବା ଦେଖି ସାମାନ୍ୟ ଇତସ୍ତତଃ ହୋଇପଡିଲେ | ମନ୍ତ୍ରୀ ପ୍ରିନ୍ସିପାଲ ଓ ଅନ୍ୟ ଅଧ୍ୟାପକ ଅଧ୍ୟାପିକାଙ୍କ ସାଙ୍ଗରେ କଲେଜ ପରିସର ବୁଲିଲେ | ଉପର ମହଲରେ ପିଲାମାନଙ୍କ ପରୀକ୍ଷା ଚାଲିଥାଏ | ସେଠାକୁ ଗଲେ ମନ୍ତ୍ରୀ ଆଉ ଶ୍ରେଣୀ ଭିତରେ ପଶି ଅଳ୍ପ ସେକେଣ୍ଡ ଭିତରେ ପିଲାଙ୍କୁ ଡିଷ୍ଟର୍ବ ନକରି ବାହାରି ଆସିଲେ | ଅଧ୍ୟକ୍ଷଙ୍କୁ ପଚାରିଥିଲେ ଅନ୍ୟଆଡ଼େ ପରୀକ୍ଷା ସରିଲା ବେଳକୁ ଏଠି କଣ ଏବେ ପରୀକ୍ଷା ଚାଲିଛି !!!  ବିଶେଷ ସେ ବିଷୟରେ କିଛି ନକହି ଚାଲି ଯାଇଥିଲେ ସେଠାରୁ ମନ୍ତ୍ରୀ ଡ଼ ସାହୁ | 

ତାପରେ ବାଟରେ ପୋଲସରାର ବିଜ୍ଞାନ ମହା ବିଦ୍ୟାଳୟରେ  ପଶିଲା ବେଳକୁ ବି ସେମିତି ବି ଅବସ୍ଥା | ଅଚାନକ ପଶିଗଲା ବେଳକୁ ସେମିତି ପରୀକ୍ଷା ଚାଲିଛି | ଆଗରୁ ପରୀକ୍ଷା ସମୟରେ ହେନଥିବା କାରଣରୁ ପିଲାମାନେ ସମସ୍ୟା ଭୋଗ କରୁଥିବା ବିଷୟ ମନ୍ତ୍ରୀଙ୍କ ପାଖରେ ଖବର ହସ୍ତଗତ ହୋଇଥିଲା , ଆଉ ସେଦିନ ବି ନିଜେ ଅନୁଭବ କରିଥିଲେ ଯେ ଭିନ୍ନ ଭିନ୍ନ ବିଶ୍ୱବିଦ୍ୟାଳୟ ଓ ମହାବିଦ୍ୟାଳୟରେ ଅଲଗା ଅଲଗା ସମୟରେ ପରୀକ୍ଷା ହେଉଛି ବୋଲି | ଆଉ ସେଠାରୁ ସାଧାରଣତନ୍ତ୍ର ଦିବସ କାର୍ଯ୍ୟକରଣରୁ ଫେରିବା ପରେ ଉଚ୍ଚଶିକ୍ଷା ବିଭାଗର ଅଧିକାରୀମାନଙ୍କୁ ପରୀକ୍ଷା ବ୍ୟବସ୍ଥା କୁ ବ୍ୟବସ୍ଥିତ କରିବା ପାଇଁ ଓ ଠିକଣା ସମୟରେ ପରୀକ୍ଷା ଯେପରି ହୁଏ ତାହା ନିଶ୍ଚିତ କରାଇବା ପାଇଁ ନିର୍ଦ୍ଦେଶ ଦେଇଥିଲେ | କାରଣ ପରୀକ୍ଷା ବିଳମ୍ବ ବା ଅନିୟମିତ ହେଲେ ପରୀକ୍ଷା ଫଳ ବି ବାହାରିବା ଅନିୟମିତ ହେଉଛି | ଆଉ ଏହାର କୁପ୍ରଭାବ ରାଜ୍ୟର ମେଧାବୀ ଛାତ୍ରଛାତ୍ରୀଙ୍କ ଭବିଷ୍ୟତ ଉପରେ ପଡୁଛି | ସେମାନେ ଉଚ୍ଚତର ଶିକ୍ଷା ପାଇଁ ବାହାର ରାଜ୍ୟ ବା ବିଦେଶର ବିଶ୍ୱବିଦ୍ୟାଳୟ ବା ମହାବିଦ୍ୟାଳୟରେ ଆବେଦନ କରିବାରୁ ବଂଚିତ ହେଉଛନ୍ତି | ତେଣୁ ଏହି ଚିରାଚରିତ ସମସ୍ୟାର ଦୁରୀକରବ ପାଇଁ ବିଶ୍ୱବିଦ୍ୟାଳୟ ବା ସ୍ୱୟଂଶାସିତ  ମହାବିଦ୍ୟାଳୟ ମାନଙ୍କୁ ଲେଖିବା ପାଇ ମନ୍ତ୍ରୀ ଡ଼ ସାହୁ ନିର୍ଦ୍ଦେଶ ଦେଇଥିଲେ |

 ଆଉ ମନ୍ତ୍ରୀଙ୍କ ନିର୍ଦ୍ଦେଶ ପରେ ବିଭାଗୀୟ ଚିଠି ସଂଖ୍ୟା ୫୩୭୭-୦୫/୦୨/ ୨୦୨୦ ଜାରି କରାଯାଇଛି, ଯାହାକି ସମ୍ବୋଧିତ ହୋଇଛି ସବୁ ସରକାରୀ ବିଶ୍ୱବିଦ୍ୟାଳୟ ପରୀକ୍ଷା ନିୟନ୍ତ୍ରକ ଓ ଅଟୋନମସ କଲେଜର ଅଧ୍ୟକ୍ଷମାନଙ୍କୁ | ସେଥିରେ ଉଲ୍ଲେଖ ଅଛି ଯେ କେତେକ ବିଶ୍ୱବିଦ୍ୟାଳୟ ଓ ସ୍ୱୟଂଶାସିତ ମହାବିଦ୍ୟାଳୟରେ ଅଣ୍ଡର ଗ୍ରାଜୁଏଟ ଓ ପୋଷ୍ଟ ଗ୍ରାଜୁଏଟ ସେମିଷ୍ଟାର ପରୀକ୍ଷା ବି ଠିକଣା ସମୟରେ ହେଉନାହିଁ | ପୂର୍ବରୁ ଅନେକ ବୈଠକରେ ଏ ବିଷୟରେ ବିଶ୍ୱବିଦ୍ୟାଳୟ ବା ସ୍ବୟଂଶାସିତ ମହାବିଦ୍ୟାଳୟଙ୍କୁ ଅବଗତ କରାଯିବ ସହ ସେଥିରେ ସୁଧାର ଆଣିବା ପାଇଁ କୁହାଯାଇଥିଲେ ମଧ୍ୟ ତାହା ଏ ଯାଏ ବଳବତ୍ତର ରହିଛି | କାରଣ ପରୀକ୍ଷା ବିଳମ୍ବ ବା ଅନିୟମିତ ହେଲେ ପରୀକ୍ଷା ଫଳ ବି ବାହାରିବା ଅନିୟମିତ ହେଉଛି | ଆଉ ଏହାର କୁପରିଣାମ ଭୋଗୁଛନ୍ତି ରାଜ୍ୟର ମେଧାବୀ ଛାତ୍ରଛାତ୍ରୀମାନେ | ସେମାନେ କେବଳ ଯେ  ଉଚ୍ଚତର ଶିକ୍ଷା ପାଇଁ ବାହାର ରାଜ୍ୟ ବା ବିଦେଶର ବିଶ୍ୱବିଦ୍ୟାଳୟ ବା ମହାବିଦ୍ୟାଳୟରେ ଆବେଦନ କରିବାରୁ ବଂଚିତ ହେଉଛନ୍ତି ତା ନୁହେଁ, ଛାତ୍ରଛାତ୍ରୀମାନଙ୍କ ମନୋବଳ ଉପରେ ନକାରାତ୍ମକ ପ୍ରଭାବ ପଡିଛି | ତେଣୁ ବିଶ୍ୱବିଦ୍ୟାଳୟ ବା ସ୍ବୟଂଶାସିତ ମହାବିଦ୍ୟାଳୟ କର୍ତ୍ତୃପକ୍ଷ ପରୀକ୍ଷା ପାଇଁ ଉଦ୍ଦିଷ୍ଟ ଗାଇଡ ଲାଇନ ପାଳନ କରି ପରୀକ୍ଷା ଓ ଫଳ ପ୍ରକାଶନ ଠିକଣା ସମୟରେ କରିବା ପାଇଁ  ପଦକ୍ଷେପ ନେବାକୁ ଉଚ୍ଚଶିକ୍ଷା ବିଭାଗ ପକ୍ଷରୁ ଜାରି ଚିଠିରେ କୁହାଯାଇଛି | ଖାସ କରି ଯୁକ୍ତ୩ ଶ୍ରେଣୀ ବିଭିନ୍ନ ସେମିଷ୍ଟାର ପରୀକ୍ଷା ପାଇଁ କେତେ ତାରିଖ ଧାର୍ଯ୍ୟ ହୋଇଛି, ବାସ୍ତବିକ କେତେ ତାରିଖରେ ପରୀକ୍ଷା ଅନିଷ୍ଠିତ ହୋଇ ଶେଷ ହେବ ବା ହୋଇଛି ଓ କେଉଁମାସ କେତେ ତାରିଖ ସୁଦ୍ଧା ପରୀକ୍ଷା ଫଳପ୍ରକାଶ ହେବେ ସେ ସମ୍ପର୍କିତ ଏକ ସଂଲଗ୍ନ ଫର୍ମାଟ ପୁରଣ କରି ରାଜ୍ୟ ପରଫରମନ୍ସ ଟ୍ରାକିଙ୍ଗ ସେଲକୁ ପଠାଇବା ପାଇଁ ଚିଠିରେ ଉଲ୍ଲେଖ ଅଛି |