ବଡ଼ବିଲ (ଶାସକ ପ୍ରଶାସକ) କେନ୍ଦୁଝର ଜିଲ୍ଲା ବଡ଼ବିଲ ପୋଲିସ ଗତ ନଭେମ୍ବର ମାସ ୨୬ ତାରିଖରେ ୬ଟି ଲୁହାପଥର ବୋଝେଇ ଡ଼ମ୍ପର ଜବତ ମାମଲାରେ ଗତକାଲି ଜଣେ ଗାଡି ମାଲିକଙ୍କୁ ଝାଡଖଣ୍ଡ ରାଜ୍ୟର ଟାଟାରୁ ଗିରଫ କରିବାରେ ସଫଳ ହୋଇଛି। ଗତ ୫ ତାରିଖରେ ଏହି ମାମଲାରେ ପୋଲିସ ଦୁଇଜଣଙ୍କୁ ଗିରଫ କରିଥିଲା ବେଳେ ଗତକାଲି ଜଣେ ଦଲାଲକୁ ଗିରଫ କରିଥିଲା ପୋଲିସ। ଉକ୍ତ ଘଟଣାରେ ସମସ୍ତ ୬ଟି ଗାଡିର ମାଲିକ ଓ ଡ୍ରାଇଭର ଫେରାର ଥିଲେ। ତେବେ ପୋଲିସ ଅନୁସନ୍ଧାନ ଜାରି ରଖି ଗତକାଲି ରାତିରେ ଜବତ ହୋଇଥିବା ଦୁଇଟି ଡ଼ମ୍ପର ଓଆର୧୪ଏଚ ୧୩୮୯ ଓ ଓଆର୦୪ବି ୯୪୮୩ର ମାଲିକ ବଡ଼ବିଲ ଭଞ୍ଜ କଲୋନୀ ଅଞ୍ଚଳର  ଅମର ରଜକଙ୍କୁ ଟାଟାରୁ ଗିରଫ କରିଛି। ଆଜି ଅମରଙ୍କୁ କୋର୍ଟ ଫରୱାର୍ଡ କରାଯାଇଥିବା ବେଳେ ବଡ଼ବିଲ ଥାନାଧିକାରୀ ସୁଶାନ୍ତ କୁମାର ଦାଶ ସମ୍ପୃକ୍ତ ଅନ୍ୟ ଗାଡି ମାଲିକ ଓ ଡ୍ରାଇଭରଙ୍କୁ ଶୀଘ୍ର ଗିରଫ କରାଯିବା ନେଇ ସୂଚନା ଦେଇଛନ୍ତି।