ଭୁବନେଶ୍ୱର : ଭୁବନେଶ୍ୱର ମହାନଗର ନିଗମର ବିଜେଡ଼ି ପାର୍ଥୀ ସୁଲୋଚନା ଦାସ ଆଜି ରାଜଧାନୀର ବିଭିନ୍ନ ୱାର୍ଡରେ ପ୍ରଚାର ଜୋରଦାର କରିଛନ୍ତି। ପ୍ରଚାର ସମୟରେ ସାଧାରଣ ଲୋକଙ୍କ ସଦ୍ଦିଛା ଓ ସମର୍ଥନ ସାଉଁଟିବାରେ ସମର୍ଥ ହୋଇଛନ୍ତି । ସକାଳେ ରାଜଧାନୀର ଫରେଷ୍ଟ ପାର୍କ, ମଧୁସୂଦନ ପାର୍କ, ନେତାଜୀ ପାର୍କ, ଓ ଏ. ଜି. ଛକର ଚା ଖଟି କୁ ଯାଇ ସାଧାରଣ ଲୋକଙ୍କ ସହ ସମ୍ପର୍କ ଯୋଡିଛନ୍ତି। ମଧ୍ୟାହ୍ନ ସମୟରେ ଗୀତଗୋବିନ୍ଦ ଭବନ ଠାରେ ଆନ୍ତର୍ଜାତିକ ମହିଳା ଦିବସ ଅବସରରେ ଆୟୋଜିତ ଉତ୍ସବ ପାଳନ ରେ ଉପସ୍ଥିତ ରହି ମହିଳାଙ୍କ ବିଶ୍ୱାସ ଭାଜନ ବୃଦ୍ଧି କରିଛନ୍ତି ମହିଳାଙ୍କ ଭିତରେ ଆତ୍ମବିଶ୍ବାସ ସୃଷ୍ଟି କରିବା ପାଇଁ ଆହ୍ବାନ କରିଥିଲେ ଏବଂ ଓୟୁଏଟି ର ଛାତ୍ରୀ ମାନଙ୍କ ସହିତ ସାକ୍ଷାତ କରିଥିଲେ ।
୪୬ ନମ୍ୱର ୱାର୍ଡ଼ର ପିଚୁ ପଡ଼ିଆ, ୫୩ ନମ୍ୱର ୱାର୍ଡର ଗଙ୍ଗନଗର ପଲ୍ଲୀ, ରାମେଶ୍ବର ମନ୍ଦିର, ଆଇ ଆର୍ ସି ଭିଲେଜ୍ ଅଞ୍ଚଳରେ ସନ୍ଧ୍ୟା ସମୟରେ ବୁଲି ଜନସାଧାରଣଙ୍କ ସୁବିଧା ଅସୁବିଧା ବୁଝିବା ସହ, ଆଞ୍ଚଳିକ ବାସିନ୍ଦାଙ୍କ ଅସୀମ ସ୍ନେହ ଓ ଭଲ ପାଇବା ସାଉଁଟି ଥିଲେ ।
