ପାରଳାଖେମୁଣ୍ଡି /ବାଳକୃଷ୍ଣ ପାଣିଗ୍ରାହୀ : ୨ୟ ଜାତୀୟ ଶାସ୍ତ୍ରୀୟ ସଙ୍ଗୀତ ସମାରୋହ ଗତକାଲି ରାଉରକେଲା ସ୍ଥିତ ମାଁ ବାଟ ମଙ୍ଗଳା କମ୍ୟୁନିଟି ହଲ ଠାରେ ଅନୁଷ୍ଠିତ ଉଦ୍ ଘାଟିତ ହୋଇଥିଲା ।
ଏହି ସମାରୋହ କାର୍ଯ୍ୟକ୍ରମରେ ଝାରସୁଗୁଡା ଜିଲ୍ଲାର ଅତିରିକ୍ତ ଜିଲ୍ଲାପାଳ ହିମାଂଶୁ ଶେଖର ବେହେରା ଯୋଗଦେଇ ପ୍ରଦୀପ ପ୍ରଜ୍ୱଳନ କରି ଆନୁଷ୍ଠାନିକ ଭାବେ ଉଦ୍ ଘାଟନ କରିଥିଲେ ।
ଅନ୍ୟତମ ଅତିଥି ଭାବେ ଏହି କାର୍ଯ୍ୟକ୍ରମରେ ରାଇରାଖୋଲ ଉପ- ଜିଲ୍ଲାପାଳ ବିଷିକେଶନ ଦେହୁରୀ , ଡେପୁଟି କମିଶନର (ଆରଏମସି) ସୀତା ଦେବୀ ମାଝି , ଡାଃ ରାମହରି ଦାସ , ଶିଳ୍ପପତି ଅତୁଲ ଗର୍ଗ , ବିଏସଏନଏଲ. ସାଧାରଣ ପରିଚାଳକ ଗୁରୁଦାସ ମେହେର , ବିଶିଷ୍ଠ ସଂଗୀତ ନିର୍ଦ୍ଦେଶକ ଗୁରୁ ରଘୁନାଥ ପାତ୍ର ଏବଂ କାର୍ଯ୍ୟକ୍ରମର ମୁଖ୍ୟ ଆୟୋଜକ ରାଜ କିଶୋର ପାଢ଼ୀ ପ୍ରମୁଖ ଯୋଗ ଦେଇଥିଲେ ।
ଉଦଘାଟନୀ ଉତ୍ସବର ସଭା କାର୍ଯ୍ୟକ୍ରମରେ ସଂଗୀତ ନିର୍ଦ୍ଦେଶକ ଗୁରୁ ରଘୁନାଥ ପାତ୍ର ଅତିଥି ଭାବେ ଯୋଗଦେଇ ଶାସ୍ତ୍ରୀୟ ସଂଗୀତର ଉପାଦେୟ ଓ ମନୁଷ୍ୟ ଉପରେ ତାର ପଡୁଥିବା ବିଭିନ୍ନ ରାଗ-ରାଗିଣୀର ପ୍ରଭାବ ସମ୍ପର୍କରେ ବୁଝାଇଥିଲେ ।
ସଭା କାର୍ଯ୍ୟକ୍ରମ ପରେ ପରେ ଶାସ୍ତ୍ରୀୟ ସଙ୍ଗୀତ କାର୍ଯ୍ୟକ୍ରମ ଆରମ୍ଭ ହୋଇଥିଲା । ପାରଳାଖେମୁଣ୍ଡିର ଗୁରୁ ରଘୁନାଥ ପାତ୍ର କଳହଂସ ଭକ୍ତକବି ଗୋପାଳ କୃଷ୍ଣ ପଟ୍ଟନାୟକଙ୍କ ରଚନା ପଦ୍ୟାବଳି ରୁ ରାଗ ଦେଶ୍ ଓ ପରେ ପରେ ରାଗ ପନ୍ତୁ ବରାଡି ଦୀର୍ଘ ସମୟ ଧରି ଚିତ୍ତାକର୍ଷକ ସଙ୍ଗୀତ ପରିବେଷଣ କରି ଉପସ୍ଥିତ ଶ୍ରୋତା ମାନଙ୍କ ମନକୁ ମନ୍ତ୍ରମୁଗ୍ଧ କରି ପକାଇଥିଲେ ।
ଏହି ଶାସ୍ତ୍ରୀୟ ସଙ୍ଗୀତ ସମାରୋହରେ ଭାରତର ବିଭିନ୍ନ ରାଜ୍ୟର ଯଥା ଓଡିଶା ସମେତ ଉତ୍ତର ପ୍ରଦେଶ , ରାଜସ୍ଥାନ , ପଶ୍ଚିମବଙ୍ଗ , ତାମିଲନାଡୁ ଓ ଆନ୍ଧ୍ର ପ୍ରଦେଶ ପ୍ରଭୃତି ରାଜ୍ୟ ଅଞ୍ଚଳ ରୁ ପ୍ରାୟ ୫୦ ରୁ ଅଧିକ ପ୍ରତିଷ୍ଠିତ ଶାସ୍ତ୍ରୀୟ ସଙ୍ଗୀତଜ୍ଞ ଯୋଗଦେଇ ନିଜ ନିଜର ନିପୁଣ କଳା ପ୍ରଦର୍ଶନ କରିଥିଲେ ।
ଦୀର୍ଘ ୧୨ ଘଣ୍ଟା ଧରି ଚାଲିଥିବା ଏହି ସଙ୍ଗୀତ ସମାରୋହ କାର୍ଯ୍ୟକ୍ରମକୁ ଆୟୋଜନ କରିଥିଲେ , ରାଉରକେଲାର ଜୟଦେବ କଳା ବିକାଶ କେନ୍ଦ୍ର ଓ ଜଗଦା ସାଂସ୍କୃତିକ କେନ୍ଦ୍ର,ରାଉଲକେଲା।
