ପାରଳାଖେମୁଣ୍ଡି/ବାଳକୃଷ୍ଣ ପାଣିଗ୍ରାହୀ :  ପାରଳାଖେମୁଣ୍ଡି ସ୍ଥିତି ୩ ନ ୱାର୍ଡ ସାମୁନ୍ତିଆ ସାହି ନିକଟସ୍ଥରେ ଥିବା ଡ଼ଃ.ସତ୍ୟ ନାରାୟଣ ରାଜଗୁରୁ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ବିଦ୍ୟାଳୟ ପକ୍ଷରୁ  ଛାତ୍ରଛାତ୍ରୀ ମାନଙ୍କ ନିମନ୍ତେ ପୋଷାକ ବଣ୍ଟନ ଉତ୍ସଵ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି ।
      ବିଦ୍ୟାଳୟର ପ୍ରଧାନ ଶିକ୍ଷକ ନବ କୁମାର ପଟନାୟକ ଙ୍କ ସଭାପତିତ୍ୱରେ  ପାରଳାଖେମୁଣ୍ଡି ବିଧାୟକ କେ:ନାରାୟଣ ରାଓ ମୁଖ୍ୟଅତିଥି ଭାବେ ଯୋଗଦେଇ ବିଦ୍ୟାଳୟର ୨୦୧୯-୨୦ ଶିକ୍ଷା ବର୍ଷର ଛାତ୍ରଛାତ୍ରୀ ମାନଙ୍କୁ ପୋଷାକ  ବଣ୍ଟନ କରିଥିଲେ  । ଏହି ଅବସରରେ  ବିଧାୟକ ଶ୍ରୀ ରାଓ ଛାତ୍ରଛାତ୍ରୀଙ୍କ ଉଦ୍ଦେଶ ରେ କହିଥିଲେ  ଯେ , ଡ଼ଃ ସତ୍ୟ ନାରାୟଣ ରାଜଗୁରୁ ଜଣେ ଯୁଗପୁରୁଷ ଓ ଐତିହାସିକ ସମ୍ପନ୍ନ ତଥା  ଏକାଧାରରେ ସେ ବିଭିନ୍ନ ପ୍ରତିଭାର  ବ୍ୟକ୍ତିତ୍ୱ ଥିଲେ । ତେଣୁ ଭବିଷ୍ୟତରେ ତାଙ୍କ ଭଳି ହେବାପାଇଁ ଏବଂ ତାଙ୍କ ଆଦର୍ଶରେ ଅନୁପ୍ରାଣିତ ହୋଇ  ଶୃଙ୍ଖଳିତ ଭାବେ ନିଷ୍ଠାର ସହ ପାଠ ପଢ଼ି ଭଲ ମଣିଷ ହେବାପାଇଁ ଆହ୍ବାନ କରିଥିଲେ ।
     ଏହି ଅବସରରେ ବିଦ୍ୟାଳୟ ପକ୍ଷରୁ ପ୍ରଧାନଶିକ୍ଷକ ନବ କୁମାର  ପଟନାୟକ ବିଧାୟକ ଶ୍ରୀ ରାଓଙ୍କୁ ଉପଢୌକନ ଦେଇ ସମ୍ମାନିତ କରିଥିଲେ ।
     ଅନ୍ୟମାନଙ୍କ ମଧ୍ୟରେ ଏହି ଉତ୍ସଵ  କାର୍ଯ୍ୟକ୍ରମରେ ପୌର ପରିଷଦର ପୂର୍ବତନ ନଗରପାଳ ନୃସିଂହ ଚରଣ ପଟନାୟକ ଏବଂ ପିନିଣ୍ଟି କ୍ରିଷ୍ଣା ଙ୍କ ସମେତ ସିଆରସିସି  ଟି-କ୍ରିସ୍ନା  , ବାବୁନା  ବେହେରା , ବିଦ୍ୟାଳୟ ପରିଚାଳନା କମିଟି  ସଭାପତି ଗଣପତି ବେହେରା ,ବିଦ୍ୟାଳୟର ଅବସର ପ୍ରାପ୍ତ ପ୍ରଧାନଶିକ୍ଷକ  ରାଧା ଗୋବିନ୍ଦ ପଣ୍ଡା ଏବଂ ବହୁ ସଂଖ୍ୟାରେ ଅଭିଭାଵକ  ମାନେ ଯୋଗ ଦେଇଥିଲେ ।