ରାୟଗଡା( ସରୋଜ କୁମାର ସାହୁ) ଏସିଆ ମହାଦେଶର ସର୍ବ ବୃହତ ଜେକେ କାଗଜ କଳ ସବୁ ବର୍ଷ ପରି ଚଳିତ ବର୍ଷ ମଧ୍ୟ ଛାତ୍ରଛାତ୍ରୀ  ମାନଙ୍କୁ ଉଚ୍ଚ ଶିକ୍ଷା ନିମନ୍ତେ ଆର୍ଥିକ ସହାୟତା ରାଶି ପ୍ରଦାନ କରିଛନ୍ତି । ଜେକେ କାଗଜ କଳରେ କାମ କରୁଥିବା ଶ୍ରମିକ ଠାରୁ ଅଫିସର ପର୍ଯ୍ୟନ୍ତ ଯେଉଁ ପିଲା ମାନେ ୬୦ ପ୍ରତିଶତରୁ ଅଧିକ ନମ୍ବର ରଖିଥିବା ପିଲାଙ୍କୁ ୨୦୦୮ ମସିହା ଠାରୁ ଏହି ଛାତ୍ର ବୃତି ଅର୍ଥ ମିଳିଥାଏ । ଚଳିତ ବର୍ଷ ୪୨ ଜଣ ଛାତ୍ରଛାତ୍ରୀ  ମାନଙ୍କୁ  ୫ ଲକ୍ଷ ୮୩ ହଜାର ୮୦୦ ଶହ ଟଙ୍କା ପ୍ରଦାନ କରାଯାଇଛି । ଇଂଜିନିୟର, ଏମବିଏ, ଏମ ଟେକ, ପିଏଚଡି, ଏମବିବିଏସ ଓ ଆଇଟିଆଇ ଇତ୍ୟାଦି ଛାତ୍ରଛାତ୍ରୀ ମାନଙ୍କୁ ଉକ୍ତ ରାଶି ପ୍ରଦାନ କରାଯାଇଥାଏ ବୋଲି ଲୋକସମ୍ପର୍କ ଅଧିକାରୀ ସୁନୀଲ କୁମାର ନାଥ ପ୍ରକାଶ କରିଛନ୍ତି । ଏହି କାର୍ଯ୍ୟକ୍ରମରେ ଜେକେ କାଗଜ କଳର  ଉପ-ସଭାପତି (ୱାର୍କସ୍) ଶ୍ରୀ ପବନ କୁମାର ସୁରୀ ଓ ମୂଖ୍ୟ ବକ୍ତା ଭାବେ ମହିଳା ମଣ୍ଡଳ ସଭାପତି ଶ୍ରୀମତି ବେଲା ସୁରୀ ଯୋଗ ଦେଇଥିଲେ । ଛାତ୍ରଛାତ୍ରୀ ମାନଙ୍କର ଭବିଷ୍ୟତ କେଉଁଭଳି ଭାବେ ଉନ୍ନତି ଘଟିବା ସହ ଜେକେ କାଗଜ କଳ ଓ ଜିଲ୍ଲାର ନାମକୁ କି ଭଳି ଭାବେ ରାଜ୍ୟ ଓ ଦେଶରେ ସୁନାମ ଅର୍ଜନ କରିପାରିବେ ତା ଉପରେ ଆଲୋକପାତ କରିଥିଲେ । ଅନ୍ୟ ମାନଙ୍କ ମଧ୍ୟରେ ଜେକେ କାଗଜ କଳର ହରିହର ଖମାରୀ, ଶୁସମବିତ ସାହୁ, ଅମିତ ମିଶ୍ର ପ୍ରମୂଖ ଉପସ୍ଥିତ ଥିଲେ ।