ଦୁଃଖରେ କାଳାତିପାତ କରୁଛନ୍ତି ଜାନକୀଙ୍କ ପରିବାର
ଧର୍ମଗଡ଼ରୁ ସୁଶାନ୍ତ ରାଉତ: ଧର୍ମଗଡ ବ୍ଲକ ଅନ୍ତର୍ଗତ ଡୁମେରଗୁଡା ଗ୍ରାମ ପଞ୍ଚାୟତ କିର୍କକାନି ଗ୍ରାମର ଜାନକୀ ନାଏକଙ୍କୁ ଆଜି ପର୍ଯ୍ୟନ୍ତ ବିଧବା ଭତ୍ତାଟିଏ ମିଳିପାରୁନାହିଁ | ୱାଡ଼ ମେମ୍ବର ଠାରୁ ପଞ୍ଚାୟତ ବ୍ଲକ ପର୍ଯ୍ୟନ୍ତ ଯାଇ ନିରାଶ ହେଇ ଥକି ପଡିଛନ୍ତି ଜାନକୀ ନାଏକ | ତାଙ୍କ ସ୍ୱାମୀ ଗତ ତା 0୫/୦୮/୨୦୧୭ ଯକ୍ଷ୍ମା ରୋଗରେ ମୃତ୍ୟୁ ବରଣ କରି ଥିବାବେଳେ ଆଜି ପର୍ଯ୍ୟନ୍ତ ରାସନ କାର୍ଡ ଛଡ଼ା ଅନ୍ୟ କିଛି ସୁବିଧା ମିଳି ନାହିଁ | ତାଙ୍କ ପରିବାର କଥା ନ କହିଲେ ଭଲ | ବଡ ପୁଅ ଚାଷ କାମ କରି ପରିବାର ଚଳାନ୍ତି | ଆଉ ଛୋଟ ପୁଅ ଚୌବନ ନାଏକ ଦାଦନ ଖଟିବାକୁ ବାହାର ରାଜ୍ୟକୁ ଜାଆନ୍ତି | ଝିଅ ମମିତା ନବମ ଶ୍ରେଣୀ ରୁ ପାଠ ଛାଡ଼ିଛନ୍ତି | ଏପରିସ୍ଥଳେ ଅଭାବ ଦାରିଦ୍ର୍ୟ ଭିତରେ କାଳାତିପାତ କରୁଥିବା ଏହି ପରିବାରକୁ ସରକାରୀ ଯୋଜନା ମିଳିବ !