ରେଢ଼ାଖୋଲ ପ୍ରତିନିଧି ଯଶୋବନ୍ତ ନାରାୟଣ ସାହୁ
ରେଢ଼ାଖୋଲ ବିଧାନସଭା ନିର୍ବାଚନ ମଣ୍ଡଳୀରେ ବର୍ତ୍ତମାନର ବିଜେଡି ବିଧାୟକ ଇଂ ରୋହିତ ପୂଜାରୀ ପୁଣି ଥରେ ବିଜୟୀ ହୋଇଛନ୍ତି I ନିର୍ବାଚନ ମଣ୍ଡଳୀରେ ୩୬ ପର୍ଯ୍ୟାୟ ଭୋଟ ଗଣତି ହୋଇଥିଲା I ବିଜେଡି ରୋହିତ ପୂଜାରୀ ୫୭ହଜାର ୧୧୧ ଭୋଟ ପାଇ ବିଜୟୀ ହୋଇଥିବା ବେଳେ ତାଙ୍କର ନିକଟତମ ପ୍ରତିଦ୍ୱନ୍ଦି ଆସଫ ଅଲି ଖାଁ ୪୨ହଜାର ୩୩୯ ଭୋଟ ପାଇଛନ୍ତି I ଭୋଟ ବ୍ୟବଧାନ ୧୪୬୭୫ ରହିଛି I
ଶ୍ରୀ ପୂଜାରୀ ପ୍ରାରମ୍ଭରୁ ଆଗୁଆ ରହିଥବା ବେଳେ ଏହି ଧାରା ଶେଷ ଯାଏ ଜାରି ରହିଥିଲା I ପ୍ରଥମ ରାଉଣ୍ଡ ରେ ଶ୍ରୀ ପୂଜାରୀ ୧୬୬୫ ଭୋଟ ପାଇଥିବା ବେଳେ ବିଜେପି ର ଦେବେନ୍ଦ୍ର ମହାପାତ୍ର ୧୪୨୫ ଭୋଟ ପାଇ ଦ୍ୱିତୀୟ ସ୍ଥାନରେ ଥିଲେ I ତୁତୀୟ ରାଉଣ୍ଡ ରେ ଶ୍ରୀ ପୂଜାରୀ ୪୯୧୨ ଭୋଟ ପାଇଥିବା ବେଳେ ଶ୍ରୀ ମହାପାତ୍ର ୪୧୫୪ ଭୋଟ ପାଇ ଦ୍ୱିତୀୟ ସ୍ଥାନରେ ଥିଲେ I ନବମ ରାଉଣ୍ଡ ରେ ଶ୍ରୀ ପୂଜାରୀ ୧୪୧୯୬ ଭୋଟ ପାଇଥିବା ବେଳେ ଶ୍ରୀ ମହାପାତ୍ର ୧୧୨୪୩ ଭୋଟ ପାଇଥିଲେ I ପରିବର୍ତ୍ତୀ ପର୍ଯ୍ୟାୟ ଗୁଡିକରେ ମଧ୍ୟ ଏହି ଧାରା ଜାରି ରହିଥିଲା I ୨୦ତମ ରାଉଣ୍ଡ ରେ ରୋହିତ ୩୧୦୭୪ ଭୋଟ ପାଇଥିବା ବେଳେ ଦେବେନ୍ଦ୍ର ୨୫୭୯୮ ଭୋଟ ପାଇଥିଲେ I ତେବେ ଶେଷ ଆଡକୁ ଦ୍ୱିତୀୟ ସ୍ଥାନରେ ଥିବା ଦେବେନ୍ଦ୍ର ତୁତୀୟ ସ୍ଥାନକୁ ଖସି ଯାଇଥିଲେ I ୩୪ତମ ରାଉଣ୍ଡ ରେ ରୋହିତ ୫୫୩୫୩ ଭୋଟ ପାଇ ଅଗ୍ରଣୀ ଥିବା ବେଳେ ଦେବେନ୍ଦ୍ର ମହାପାତ୍ର ୪୦୫୦୩ ଭୋଟ ସହ ଦ୍ୱିତୀୟ ଓ କଂଗ୍ରେସ ର ଆସଫ ଅଲି ଖାଁ ୪୦୪୪୯ ସହ ତୁତୀୟ ସ୍ଥାନରେ ଥିଲେ I ୩୬ତମ ରାଉଣ୍ଡରେ ଦେବେନ୍ଦ୍ର ମହାପାତ୍ର କଂଗ୍ରେସର ଆସଫଙ୍କ ଠାରୁ ୪୫୨ ଭୋଟ ରେ ପଛୁଆ ହୋଇ ତୁତୀୟ ସ୍ଥାନକୁ ଖସି ଯାଇଥିବା ବେଳେ ରୋହିତ ୧୪୬୩୨ ଭୋଟରେ ଆଗୁଆ ଥିଲେ I ଏହି ନିର୍ବାଚନ ମଣ୍ଡଳୀରେ ସମୁଦାୟ ୧ଲକ୍ଷ୯୮ହଜାର୮୯୭ ଯୋଗ୍ୟ ଭୋଟର ଥିବାବେଳେ ୧ଲକ୍ଷ୫୧ହଜାର ୪୮୪ଜଣ ଭୋଟ ଦେଇଥିଲେ I ଏଥି ମଧ୍ୟରୁ ୧ଲକ୍ଷ ୫୦ହଜାର ୭୯ଟି ଯୋଗ୍ୟ ଭୋଟ ଗଣତି ହୋଇଥିଲା I
