ଝାରବନ୍ଧ : ଆପଣ ଯାହାବି ଚିପନ୍ତୁ ବା ଯେଉଁ ବଟନ ଦାବନ୍ତୁ, ଭିଭିପଟରେ କିନ୍ତୁ ଫୁଟିଲା ପଦ୍ମ | ଏଭଳି ଯାନ୍ତ୍ରିକ ଗଡ଼ବଡ଼ିକୁ ନେଇ ଅସନ୍ତୋଷ ଦେଖା ଦେଇଥିଲା ଝାରବନ୍ଧ ବ୍ଲକରେ | ଖବର ପାଇଁ ଆମ ବ୍ୟୁରୋଚିଫ ପହଂଚିଥିଲେ ଘଟଣା ସ୍ଥଳରେ ଅର୍ଥାତ ଘଟଣା ଘଟିଥିବା ଝାରବନ୍ଧ ବ୍ଲକ ଡଭା ଗ୍ରାମର ୧୬ ନମ୍ବର ବୁଥରେ | ଘଟଣାସ୍ଥଳରେ ଯାହା ଦେଖିଲେ ତାହା ଦେଖି ମୁଣ୍ଡ ଟିଣ | ଏଭଳି ଗଡ଼ବଡ଼ି ବିଷୟରେ ପ୍ରିଜାଇଡ଼ିଂ ଆଉ ପୋଲିଂ ଅଫିସରଙ୍କୁ ଜଣାଇବା ସତ୍ତ୍ୱେ ତାକୁ ଯାଞ୍ଚ କରିବା ପରିବର୍ତ୍ତେ ଭୋଟିଂ ଜାରି ରଖିଲେ | ଘଟଣାସ୍ଥଳରେ ଜଣେ ଅଭିଯୋଗକାରୀ ନିଜ ଜିଦରେ ଅଟଳ ରହି ଧାରଣାରେ ବସିବା ପରେ ଆଉ ଘଟଣାସ୍ଥଳରେ ଶାସକ ପ୍ରଶାସକ ଟିମ ପହଂଚିବା ପରେ ଅଭିଯୋଗକୁ ଗୁରୁତ୍ୱ ଦେଇଥିଲେ ଅଧିକାରୀମାନେ | ଆଉ ଯାଞ୍ଚ କଲାବେଳକୁ ହାତ ଚିପିଲେ ପଦ୍ମ, ଶଙ୍ଖ ଚିପିଲେ ପଦ୍ମ | ବାଧ୍ୟ ହୋଇ ସେହି ବୁଥରେ ମତଦାନକୁ ବାତିଲ କରାଗଲା | ହେଲେ ପ୍ରଶ୍ନ ଉଠୁଛି, ଗୋଟାଏ ଯନ୍ତ୍ର ଖରାପ, ନା ଆଉ କେଉଁଠି ବି ଏମିତି ଘଟିଛି !!!!!!
