କନ୍ଧମାଳ/ ଗଗନ ପ୍ରଧାନ : ଘୁ.ଉଦୟଗିରି  କନ୍ଧମାଳ ଜ଼ିଲ୍ଲା କୋଟଗଡ ବ୍ଲକ ଅଧିନସ୍ଥ ଯୁବାଗୁଡା ଗ୍ରାମ ପଞ୍ଚାୟତ ରୁଷିମାଳ ଗ୍ରାମମଣ୍ଡପ ସାହିରେ ଦୀର୍ଘ ଏକ ମାସରୁ ଉର୍ଦ୍ଧହେବ ବିଦ୍ୟୁତ ସରବରାହ ବନ୍ଦ ଥିବା ଗ୍ରାମବାସୀ  ଅଭିଯୋଗ କରିଛନ୍ତି  | ଘଟଣା ସମ୍ପର୍କରେ ଅଞ୍ଚଳବାସୀ ବାରମ୍ବାର ବିଦ୍ୟୁତ ବିଭାଗର ଅଧିକାରୀ ଓ କର୍ମଚାରୀଙ୍କୁ ଅବଗତ  କରିବା ସତ୍ୱେ ମଧ୍ୟ କୌଣସି ସୁଫଳ ମିଳୁନା ଥିବା କହିଛନ୍ତି |  ଯାହାପାଇଁ ଅଞ୍ଚଳବାସୀ ବହୁ ସମସ୍ୟର ସମ୍ମୁଖୀନ ହେଉଛନ୍ତି |  ଏପରି କି ଏକ ହଷ୍ଟେଲ ମଧ୍ୟ ଏଥିରୁ ବାଦ ପଡ଼ିନାହିଁ  |ଅନ୍ତେବାସୀ ପାଠ ପଢ଼ାରେ ମଧ୍ୟ ସମସ୍ୟା ହେଉ ଥିବା କହିଛନ୍ତି | ପରୀକ୍ଷା ମୁଣ୍ଡ ଉପରେ ଥିବା ବେଳେ ଏମିତି ବିଦ୍ୟୁତ ବିଭ୍ରାଟ ସେମାନଙ୍କୁ ଚିନ୍ତାରେ ପକାଇ ଦେଇଛି |  ତେଣୁ ସରକାରଙ୍କ ବିକାଶ  କେବଳ ଏକ ପ୍ରହସନ ବୋଲି ସାଧାରଣରେ ଚର୍ଚ୍ଚା ହେଉଛି |  ଏହି କାରଣରୁ ବିଦ୍ୟା ଭବନରେ ପଢ଼ୁଥିବା ଅନ୍ତେବାସୀ ବହୁ ସମସ୍ୟାର ସମୁଖୀନ ହେଉଥିବା ଅଭିଭାବକ କହି ଛନ୍ତି | ଏ ଦିଗରେ ପ୍ରଶାସନ ପକ୍ଷରୁ ତୁରନ୍ତ ପଦକ୍ଷେପ ନେବାକୁ ଅଂଚଳବାସୀ ଦାବି କରିଛନ୍ତି |