ପଦ୍ମପୁର/ନିଳ ଦୀପ-ପଦ୍ମପୁର ଉପଖଣ୍ଡ ପାଇକମାଲ ବ୍ଳକ ଅନ୍ତର୍ଗତ ଗୋଇବାହାଲି ଠାରେ ଚାଲିଥିବା ରାଜବୋଡାସମ୍ବର ଧନୁଯାତ୍ରା ର ଚତୁର୍ଥ ଦିନରେ ଗୋପପୁର କେର୍ମେଲାବାହାଲ ଠାରେ ମହାରାଜ କଂସଙ୍କ ଦ୍ବାରା ପ୍ରେରିତ ଅଷ୍ଟମଲ୍ଲ କୄଷ୍ଣ ଓ ବଳରାମଙ୍କ ଦ୍ବାରା ବଧ ହୋଇଥିଲା | ଗୋପପୁର ରେ କୄଷ୍ଣ ଓ ବଳରାମଙ୍କ ବାଲ୍ୟ ଲୀଳା , କାଳୀୟ ଦଳନ , ବିଶ୍ବରୂପ ଦର୍ଶନ, ଗୋପିମାନଙ୍କ ଦହି ବିକ୍ରୟ ଏହି ସବୁ ଦୄଶ୍ୟ ପରିବେଷଣ ହୋଇଥିଲା ।ଅଷ୍ଟମଲ୍ଲ ର ନିଧନରେ ମହାରାଜ କଂସ ମର୍ମାହତ ହୋଇପଡିଛନ୍ତି।  ସନ୍ଧ୍ୟାରେ ମହାରାଜାଙ୍କ ଆଦେଶ କ୍ରମେ ରଙ୍ଗ ସଭା ଅନୁଷ୍ଠିତ ହୋଇଥିଲା।ଏହି ରଙ୍ଗ ସଭାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ରାଜ ଅତିଥି ଭାବରେ ପଦ୍ମାବତୀ ମେହେର ଓ ପ୍ରମୋଦ କୁମାର ସାହୁ ଯୋଗଦେଇଥିଲେ।ପଦ୍ମାବତୀ ମେହେରଙ୍କୁ ମହାରାଜା ସମ୍ବର୍ଦ୍ଧିତ କରିଥିଲେ । ଦର୍ଶକ ମାନଙ୍କ ମନୋରଞ୍ଜନ ସକାଶେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ବ୍ୟତୀତ ମୀନା ବଜାର, ସର୍କସ ଆଦିର ବ୍ୟବସ୍ଥା କରାଯାଇଛି ।