ଭୁବନେଶ୍ୱର:ହିଣ୍ଡାଲକୋ ଇଣ୍ଡଷ୍ଟ୍ରି ଏଲ୍ଟିଡି ର ଆଦିତ୍ୟ ଆଲୁମିନିୟମ କାରଖାନା କୁ ଏଏସଆଇ ପ୍ରଦର୍ଶନ ମାନଦଣ୍ଡ ପ୍ରମାଣପତ୍ର ଭି ୩.୧(୨୦୨୩) ଅନୁସାରେ ପ୍ରାଥମିକ ଅବସ୍ଥା ସହିତ ପ୍ରମାଣପତ୍ର ପାଇଛି। ଏହି ପ୍ରମାଣପତ୍ର ଉଚ୍ଚ ଶୁଦ୍ଧତାର ପ୍ରାଥମିକ ଆଲୁମିନିୟମ୍ର ଉତ୍ପାଦନ ଓ ରପ୍ତାନି ପାଇଁ ଦିଆଯାଇଛି, ଯାହା ଭିନ୍ନ ଭିନ୍ନ ଆକାର ଓ ବିଶିଷ୍ଟତାରେ ତିଆରି ହୁଏ—ଯଥା ପିଗ୍ ଇଙ୍ଗଟ୍, ସୋ ଇଙ୍ଗଟ୍ ଓ ପ୍ରାଇମାରି ଫାଉଣ୍ଡ୍ରି ଆଲୋୟ। ଏହା ସହିତ ଏହି ପ୍ରମାଣପତ୍ର ଲପଙ୍ଗା ରେ ଅବସ୍ଥିତ ଆଦିତ୍ୟ ଆଲୁମିନିୟମ ର ୯00 ଏମଡବୁଲୁ କ୍ୟାପ୍ଟିଭ୍ ପାୱାର୍ ପ୍ଲାଣ୍ଟ ପାଇଁ ମଧ୍ୟ ଲାଗୁ ହୁଏ।
ଆଲୁମିନିୟମ ଷ୍ଟେୱାର୍ଡସିପ ଇନିସିଟିଭି(ASI) ଘୋଷଣା କରିଛି ଯେ ଆଦିତ୍ୟ ଆଲୁମିନିୟମ କୁ ଏଏସଆଇ ଭି୩.୧(୨୦୨୩) ଅନୁସାରେ ପ୍ରଦର୍ଶନ ମାନଦଣ୍ଡ ପ୍ରମାଣିତ ହୋଇଛି। ଏହି ସଂସ୍ଥାରେ ପ୍ରାଥମିକ ଆଲୁମିନିୟମ୍ ସ୍ମେଲ୍ଟର୍ ଚାଲୁଛି, ଯାହାର ବାର୍ଷିକ ଉତ୍ପାଦନ କ୍ଷମତା ୩୬୦ କିଲୋଟନ୍। ଏଥିରେ ଇଲେକ୍ଟ୍ରୋଲିଟିକ୍ ପଟଲାଇନ୍ ଅପରେସନ୍, କାଷ୍ଟହାଉସ୍ କାର୍ଯ୍ୟକଳାପ ଓ ଆନୋଡ୍ ନିର୍ମାଣ ଅନ୍ତର୍ଭୁକ୍ତ।
ଏହି କାରଖାନାରେ ପିଗ୍ ଇଙ୍ଗଟ୍, ସୋ ଇଙ୍ଗଟ୍, ପ୍ରାଇମାରି ଫାଉଣ୍ଡ୍ରି ଆଲୋୟ ଓ ଲିକ୍ୱିଡ୍ ଏଲୁମିନିୟମ୍ ଉତ୍ପାଦନ କରାଯାଏ। ସ୍ମେଲ୍ଟିଂ ଅପରେସନ୍କୁ ସମର୍ଥନ କରିବା ପାଇଁ ଏଠାରେ ଏକ କ୍ୟାପ୍ଟିଭ୍ ପାୱାର୍ ପ୍ଲାଣ୍ଟ ମଧ୍ୟ ଚାଲୁଛି, ଏବଂ ଉତ୍ପାଦନ ପ୍ରଣାଳୀରେ ପୁନର୍ନବୀକରଣ ଶକ୍ତିର ବ୍ୟବହାରକୁ ମଧ୍ୟ ସମ୍ମିଳିତ କରାଯାଇଛି।
ଏଏସଆଇ ସର୍ଟିଫିକେସନ୍ ପ୍ରୋଗ୍ରାମ୍ଟି ବ୍ୟାପକ ମଲ୍ଟି-ଷ୍ଟେକହୋଲ୍ଡର୍ ପରାମର୍ଶ ପ୍ରକ୍ରିୟା ମାଧ୍ୟମରେ ଉନ୍ନତ କରାଯାଇଛି ଏବଂ ଏହା ଆଲୁମିନିୟମ୍ ଭ୍ୟାଲୁ ଚେନ୍ ପାଇଁ ସବୁଠାରୁ ସମ୍ପୂର୍ଣ୍ଣ ସ୍ୱଇଚ୍ଛିକ ସସ୍ଥାୟୀତା ମାନକ ଉଦ୍ୟମ। ଏଏସଆଇ ପ୍ରଦର୍ଶନ ମାନଦଣ୍ଡ ଭି୩ ଏବଂ ଏଏସଆଇ ଚେନ ଅଫ କଷ୍ଟଡି ଭି୨ ମେ ମାସ ୨୦୨୨ ରେ ଏକ ଦୀର୍ଘ ସମୟର ସଂଶୋଧନ ପ୍ରକ୍ରିୟା ପରେ ଉଦ୍ଘାଟନ କରାଯାଇଥିଲା।
ଏଏସଆଇ ପ୍ରଦର୍ଶନ ମାନଦଣ୍ଡ ଭି୩ ରେ ପରିବେଶ, ସାମାଜିକ ଓ ପ୍ରଶାସନିକ,ଏହି ତିନୋଟି ସସ୍ଥାୟୀତା ମୂଳ ଖମ୍ଭ ଅଧୀନରେ ୧୧ଟି ସିଦ୍ଧାନ୍ତ ଓ ୬୨ଟି ମାନଦଣ୍ଡ ନିର୍ଦ୍ଧାରିତ ହୋଇଛି। ଏହା ଆଲୁମିନିୟମ୍ ଭ୍ୟାଲୁ ଚେନ୍ର ମୁଖ୍ୟ ସସ୍ଥାୟୀତା ସମସ୍ୟାଗୁଡ଼ିକ—ଯଥା ଜୈବ ବିବିଧତା, ଆଦିବାସୀ ଲୋକଙ୍କ ଅଧିକାର, ସର୍କୁଲାର୍ ଅର୍ଥନୀତି ଓ ଗ୍ରୀନହାଉସ୍ ଗ୍ୟାସ୍ ନିସ୍ସରଣ—କୁ ସମାଧାନ କରିବାକୁ ଉଦ୍ଦିଷ୍ଟ।
୨୦୨୨ ର ଏହି ମାନକ ଏବଂ ସମ୍ପର୍କିତ ନଥିପତ୍ର ଗୁଡ଼ିକୁ ୨୦୨୩ ରେ ଛୋଟ ନବୀକରଣ କରାଯାଇଥିଲା, ଯେଉଁଥିରେ ସମ୍ପାଦନା ଶୁଧାର, ଛୋଟ ତ୍ରୁଟି ସୁଧାର ଓ ସାଧାରଣ ସ୍ପଷ୍ଟତା ପାଇଁ ପରିବର୍ତ୍ତନ କରାଯାଇଥିଲା। ଏହାର ଫଳରେ ପ୍ରଦର୍ଶନ ମାନଦଣ୍ଡ ଭି୩.୧(୨୦୨୩) ଓ ଚେନ୍ ଅଫ କଷ୍ଟଡି ମାନଦଣ୍ଡ ଭି୨.୧ (୨୦୨୩) ପ୍ରକାଶିତ ହୋଇଛି।
ଏହି ପ୍ରମାଣପତ୍ର ଆଲୁମିନିୟମ୍ କ୍ଷେତ୍ରର ସଂଗଠନଗୁଡ଼ିକୁ ଏଏସଆଇର ସସ୍ଥାୟୀତା ମାନକ ଢାଞ୍ଚାକୁ ଅନୁସରଣ କରିବା, ଶିଖିବା ଓ ସମୟ ସହ ନିଜ ପ୍ରକ୍ରିୟାକୁ ଉନ୍ନତ କରିବା ପାଇଁ ଏକ ଯୋଜନାବଦ୍ଧ ଓ ଲଚିଳା ପଦ୍ଧତି ଦେଇଥାଏ। ଏହା ସଦସ୍ୟମାନଙ୍କୁ ଏଏସଆଇ ପ୍ରମାଣପତ୍ର ଯାତ୍ରା ଆରମ୍ଭ କରିବାର ସୁଯୋଗ ଦେଇଥାଏ ଏବଂ ସମ୍ଭବ ଶୀଘ୍ର ସମୟରେ ସଂପୂର୍ଣ୍ଣ ପ୍ରମାଣପତ୍ର ଲାଭ କରିବା ପାଇଁ ପ୍ରତିବଦ୍ଧତା ମଧ୍ୟ ଆବଶ୍ୟକ କରେ।
