ଟିପିସିଓଡିଏଲ୍ ପକ୍ଷରୁ ଉପଭୋକ୍ତା-କୈନ୍ଦ୍ରିକ ପଦକ୍ଷେପ ପ୍ରଦର୍ଶିତ
ରାଉରକେଲାରେ ଚାଲିଥିବା ସିଆଇଆଇ ଏଣ୍ଟରପ୍ରାଇଜ୍ ଓଡ଼ିଶା କନକ୍ଲେଭରେ ଓଡ଼ିଶାର ଶକ୍ତି କ୍ଷେତ୍ରରେ ଭିଜନକୁ ପ୍ରଦର୍ଶନ କରିବା ପାଇଁ ଓଡ଼ିଶା ସରକାରଙ୍କ ଶକ୍ତି ବିଭାଗ ପକ୍ଷରୁ ଏକ ପାଭିଲିୟନ ଖୋଲାଯାଇଛି। ଟିପି ସେଣ୍ଟ୍ରାଲ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ୍ (ଟିପିସିଓଡିଏଲ୍) ଏହି ପାଭିଲିୟନର ଅଂଶବିଶେଷ ହୋଇ ଗର୍ବିତ ଅନୁଭବ କରୁଥିବାବେଳେ ଏହି ମଞ୍ଚ ମାଧ୍ୟମରେ ପରିଦର୍ଶନରେ ଆସୁଥିବା ଉପଭୋକ୍ତା ମାନଙ୍କୁ ସଚେତନ କରିବା ସହ ପ୍ରମୁଖ ସରକାରୀ ଯୋଜନା ଏବଂ କମ୍ପାନୀ ଦ୍ୱାରା ପରିଚାଳିତ ବିଭିନ୍ନ ପଦକ୍ଷେପକୁ ପ୍ରୋତ୍ସାହିତ କରୁଛି।
ଏହି ପାଭିଲିୟନକୁ ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଉଦ୍ଘାଟନ କରିଥିଲେ। ଏହି ଅବସରରେ ଓଡ଼ିଶା ବିଧାନସଭାର ମାନ୍ୟବର ଉପବାଚସ୍ପତି ଶ୍ରୀ ଭବାନୀ ଶଙ୍କର ଭୋଇ, ଶିଳ୍ପ, ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା ମନ୍ତ୍ରୀ ଶ୍ରୀ ସମ୍ପଦ ଚନ୍ଦ୍ର ସ୍ୱାଇଁ, ରଘୁନାଥପାଲୀ ବିଧାୟକ ଶ୍ରୀ ଦୁର୍ଗାଚରଣ ତନ୍ତୀ, ଓଡ଼ିଶା ସରକାରଙ୍କ ଅତିରିକ୍ତ ମୁଖ୍ୟ ଶାସନ ସଚିବ, ଆଇଏଏସ ଶ୍ରୀ ହେମନ୍ତ ଶର୍ମାଙ୍କ ସମେତ ଅନ୍ୟାନ୍ୟ ବରିଷ୍ଠ ଅଧିକାରୀ, ଶିଳ୍ପ ନେତୃବୃନ୍ଦ ଏବଂ ଅଂଶୀଦାରମାନେ ଉପସ୍ଥିତ ଥିଲେ।
ବିଭିନ୍ନ ଆଲୋଚନାତ୍ମକ ପ୍ରଦର୍ଶନୀ ଏବଂ ସଚେତନତା ଶିବିର ମାଧ୍ୟମରେ ଟିପିସିଓଡିଏଲ୍ ଉପଭୋକ୍ତା ସଶକ୍ତିକରଣ, ଶକ୍ତି ଦକ୍ଷତା ଏବଂ ଦୀର୍ଘସ୍ଥାୟୀ ଶକ୍ତି ସମାଧାନ ଉପରେ ଧ୍ୟାନ ଦେଇ ସ୍ମାର୍ଟ ମିଟରିଂ ଏବଂ ପିଏମ୍ ସୋଲାର ୟୁଏଲଏ ମଡେଲର ଲାଭ ବିଷୟରେ ଆଲୋକପାତ କରିଥିଲା। ଏହି ପଦକ୍ଷେପଗୁଡ଼ିକର ଉଦ୍ଦେଶ୍ୟ ହେଉଛି ସ୍ୱଚ୍ଛତା ବୃଦ୍ଧି କରିବା, ସେବା ପ୍ରଦାନରେ ଉନ୍ନତି ଆଣିବା ଏବଂ ଉପଭୋକ୍ତାମାନଙ୍କ ମଧ୍ୟରେ ଅକ୍ଷୟ ଶକ୍ତିର ବ୍ୟବହାରକୁ ପ୍ରୋତ୍ସାହିତ କରିବା। ଏଣ୍ଟରପ୍ରାଇଜ୍ ଓଡ଼ିଶା କନକ୍ଲେଭ ଏବେ ଏହାର ୨୫ତମ ସଂସ୍କରଣରେ ପହଞ୍ଚିଛି, ଯାହା ଓଡ଼ିଶାର ଶିଳ୍ପ ଅଭିବୃଦ୍ଧି, ଉଦ୍ୟୋଗୀକରଣ, ନବସୃଜନତା ଏବଂ ପୁଞ୍ଜି ବିନିଯୋଗର ଯାତ୍ରାକୁ ପାଳନ କରୁଥିବା ଏକ ଐତିହାସିକ ମଞ୍ଚ। ବିଗତ ଅଢ଼େଇ ଦଶନ୍ଧି ମଧ୍ୟରେ ଏହି ପ୍ରମୁଖ ପଦକ୍ଷେପ ନୀତିଗତ ଆଲୋଚନା, ସହଯୋଗ ସ୍ଥାପନ, ଏମଏସଏମଇ ଓ ଷ୍ଟାର୍ଟଅପ୍ଗୁଡ଼ିକୁ ସଶକ୍ତ କରିବା ଏବଂ ସମଗ୍ର ରାଜ୍ୟରେ ନୂତନ ବ୍ୟବସାୟିକ ସୁଯୋଗ ଆକର୍ଷିତ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି। ଏହି କନକ୍ଲେଭରେ ଟିପିସିଓଡିଏଲ୍ର ଅଂଶଗ୍ରହଣ, ଏକ ଭରସାଯୋଗ୍ୟ, ଦୀର୍ଘସ୍ଥାୟୀ ଏବଂ ଉପଭୋକ୍ତା-କୈନ୍ଦ୍ରିକ ବିଦ୍ୟୁତ୍ ବିତରଣ ବ୍ୟବସ୍ଥା ପାଇଁ ଓଡ଼ିଶା ସରକାରଙ୍କ ଦୂରଦୃଷ୍ଟିକୁ ସମର୍ଥନ କରିବା ଦିଗରେ କମ୍ପାନୀର ନିରନ୍ତର ପ୍ରତିବଦ୍ଧତାକୁ ପ୍ରତିଫଳିତ କରୁଛି।
ଏହି ଅବସରରେ ଟିପି ସେଣ୍ଟ୍ରାଲ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ୍ (ଟିପିସିଓଡିଏଲ୍) ର ସିଇଓ ଶ୍ରୀ ଅରଭିନ୍ଦ ସିଂ କହିଛନ୍ତି ଯେ, "ସିଆଇଆଇ ଏଣ୍ଟରପ୍ରାଇଜ୍ ଓଡ଼ିଶା କନକ୍ଲେଭ ହେଉଛି ଶିଳ୍ପ ନେତୃବୃନ୍ଦ ଏବଂ ନୀତି ନିର୍ଦ୍ଧାରକମାନଙ୍କ ସହ ଜଡ଼ିତ ହେବା ପାଇଁ ଏକ ଗୁରୁତ୍ୱପୂର୍ଣ୍ଣ ମଞ୍ଚ। ଶକ୍ତି ବିଭାଗର ପାଭିଲିୟନରେ ଆମର ଅଂଶଗ୍ରହଣ ଉପଭୋକ୍ତା ସଚେତନତା ଏବଂ ଦୀର୍ଘସ୍ଥାୟୀ ବିକାଶ ପ୍ରତି ଟିପିସିଓଡିଏଲ୍ର ଦୃଢ଼ ପ୍ରତିବଦ୍ଧତାକୁ ଦର୍ଶାଉଛି। ସ୍ମାର୍ଟ ମିଟରିଂ ଏବଂ ପିଏମ୍ ସୋଲାର ୟୁଏଲଏ ମଡେଲ ଭଳି ପଦକ୍ଷେପଗୁଡ଼ିକୁ ପ୍ରଦର୍ଶନ କରି ଆମେ ଅଧିକ ସ୍ୱଚ୍ଛତା, ଉନ୍ନତ ସେବା ପ୍ରଦାନ ଏବଂ ସ୍ୱଚ୍ଛ ଶକ୍ତି ସମାଧାନକୁ ଆପଣେଇ ଉପଭୋକ୍ତାମାନଙ୍କୁ ସଶକ୍ତ କରିବାକୁ ଲକ୍ଷ୍ୟ ରଖିଛୁ। ରାଜ୍ୟ ପାଇଁ ଏକ ଭରସାଯୋଗ୍ୟ, ଦକ୍ଷ ଏବଂ ଭବିଷ୍ୟତ ପାଇଁ ପ୍ରସ୍ତୁତ ବିଦ୍ୟୁତ୍ ବିତରଣ ବ୍ୟବସ୍ଥା ଗଠନ କରିବା ପାଇଁ ଟିପିସିଓଡିଏଲ୍ ଓଡ଼ିଶା ସରକାରଙ୍କ ସହ ମିଳିତ ଭାବେ କାର୍ଯ୍ୟ ଜାରି ରଖିବ।"
