ନବରଙ୍ଗପୁର ତା ୩୦.୧୦.୨୦୨୫:ଅଶୋକ ସାହୁ, ସ୍ଥାନୀୟ ଅଶୋକ ମେହେଟା ସମ୍ମିଳନୀ ଗୃହରେ ଜିଲ୍ଲାପାଳ ଡ଼ ମହେଶ୍ବର ସ୍ୱାଇଁ ଙ୍କ ଅଧ୍ୟକ୍ଷତା ରେ ଜିଲ୍ଲା ସ୍ତରୀୟ ସଡ଼କ ସୁରକ୍ଷା କମିଟି ବୈଠକ ଅନୁଷ୍ଠିତ ହୋଇଯାଇଛି।ଆରକ୍ଷୀ ଅଧିକ୍ଷକ ମଡ଼କର ସନ୍ଦୀପ ସମ୍ପଦ,ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡ ସନ୍ତୋଷ କୁମାର ପଣ୍ଡା ଏବଂ ଆଞ୍ଚଳିକ ପରିବହନ ଅଧିକାରୀ ଜୀତେନ୍ଦ୍ର କୁମାର ଭୋଇ ପ୍ରମୁଖ ଉପସ୍ଥିତ ଥିଲେ। ଆର୍ ଟି ଓ ଜୀତେନ୍ଦ୍ର ଭୋଇ ଏଯେଣ୍ଡା ଅନୁଯାୟୀ ସଭାକୁ ପରିଚାଳନା କରିଥିଲେ।ସରକାରଙ୍କ ନିର୍ଦ୍ଦେଶ କ୍ରମେ ଜିଲ୍ଲାରେ ନଭେମ୍ବର ୧ ତାରିଖ ରୁ ୧୫ ତାରିଖ ପର୍ଯ୍ୟନ୍ତ ସଡ଼କ ସୁରକ୍ଷା ର ବିଭିନ୍ନ କାର୍ଯ୍ୟକ୍ରମ ଅନୁସାରେ "ଶୁନ ଦୁର୍ଘଟଣା ମୃତ୍ୟୁହାର ପକ୍ଷ" ପାଳନ କରାଯିବ।ଜିଲ୍ଲାରେ ମଦ ପିଇ ଗାଡ଼ି ଚଳାଇବା,ହେଲମେଟ ଓ ସିଟ୍ ବେଲ୍ଟ ନ ପିନ୍ଧି ଗାଡ଼ି ଚଳାଇବା,ବିନା ଲାଇସେନ୍ସ ରେ ଗାଡି ଚଳାଇବା, ମାଲବାହୀ ଯାନ ରେ ଯାତ୍ରୀ ନେବା, ଦୃତ ବେଗରେ ଗାଡ଼ି ଚଳାଇବା , ଟ୍ରାଫିକ ଉଲ୍ଲଘଂନ,ବେଆଇନ୍ ପାର୍କିଂକୁ ଦୃଢ ହସ୍ତ ରେ ଦମନ କରାଯିବ , ଫାଇନ ସହ ଡ୍ରାଇଭିଂ ଲାଇସେନ୍ସ ରୁଦ୍ଧ କରାଯିବ।ଶୁନ ଦୁର୍ଘଟଣା ମୃତ୍ୟୁହାର ରୋକିବା ନିମନ୍ତେ ପରିବହନ,ପୋଲିସ, ସ୍ଵାସ୍ଥ୍ୟ,ଜାତୀୟ ରାଜପଥ,ରାସ୍ତା ଓ ଗୃହ ନିର୍ମାଣ,ଶିକ୍ଷା,ନଗର ଉନ୍ନୟନ ବିଭାଗ, ଓ ଏସ ଆର୍ ଟି ସି ମିଳିତ ଭାବରେ କାର୍ଯ୍ୟ କରିବେ। ଜାତୀୟ ଓ ରାଜ୍ୟ ରାଜପଥ ରୁ ବୁଲା ଗାଈ ଗୋରୁ ଆଦିଙ୍କୁ ହଟାଇବା ପାଇଁ ନିର୍ବାହୀ ଅଧିକାରୀ ,ପୌରପାଳିକା ନବରଙ୍ଗପୁରଙ୍କୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ।ଜାତୀୟ ରାଜପଥରେ ବେଆଇନ୍ ଭାବେ ପାର୍କିଂ କରିଥିବା ଗାଡ଼ିକୁ ଫାଇନ ସହ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ପାଇଁ ଆର୍ ଟି ଓ ଙ୍କୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ।ବୈଠକରେ ଜିଲ୍ଲା ସଡ଼କ ସୁରକ୍ଷା କମିଟିର ସମସ୍ତ ସଭ୍ୟ, ଆର୍ ଏଣ୍ଡ ବି, ଏନ୍ ଏଚ ର ନିର୍ବାହୀ ଯନ୍ତ୍ରୀ,ଡି ଆଇ ପି ଆର୍ ଓ,ନିର୍ବାହୀ ଅଧିକାରୀ,ପୌରପାଳିକା, ,ଘରୋଇ ବସ୍ ମାଲିକ ସଂଘ ଓ ଟ୍ରକ ମାଲିକ ସଂଘର କର୍ମକର୍ତା ଉପସ୍ଥିତ ଥିଲେ।