ବିଜେପୁର :-ବରଗଡ ଜ଼ିଲ୍ଲା ବିଜେପୁର ବ୍ଲକ ଅନ୍ତର୍ଗତ ବରମୁଣ୍ଡା ଗ୍ରାମରେ ଦୁଇଦିନିଆ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ମହା ଆଡ଼ମ୍ବରପୂର୍ଣ୍ଣ ଭାବରେ ଅନୁଷ୍ଠିତ ଏହି କାର୍ଯ୍ୟକ୍ରମ ର ପ୍ରଥମ ସନ୍ଧ୍ୟାରେ ସଭାପତି ଶ୍ରୀଯୁକ୍ତ ଚନ୍ଦ୍ରଗୁପ୍ତ ନାଏକ, ସାମ୍ନାନିତ ଅତିଥି ପୂର୍ବତନ ମନ୍ତ୍ରୀ ରିତା ସାହୁ ,ଶିକ୍ଷକ ହିମାଂଶୁ ଶେଖର ସାହୁ ,ମଧୁସୂଦନ ପଧାନ,ଡ଼ଃ ମନୋଜ କୁମାର ସାହୁ,ସ୍ଥାନୀୟ ସରପଞ୍ଚ ସୁମନ୍ତ ବଗର୍ତ୍ତି , ଅତିରିକ୍ତ ବ୍ଲକ ଶିକ୍ଷାଧିକାରୀ ପୂର୍ଣ୍ଣଚନ୍ଦ୍ର ପଧାନ , ଅଧ୍ୟାପକ ପ୍ରଶାନ୍ତ ସାହୁ, ନାରାୟଣ ନାଏକ,ଅବସରପ୍ରାପ୍ତ ଡାକ ଅଧିକାରୀ ଛତ୍ରପତି ବେହେରା, ସମିତି ସଭ୍ୟ ବ୍ୟାସଦେବ ମାଝୀ ଓ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ସୁରଜ ବିଶି ଯୋଗଦାନ କରିଥିଲେ । କାର୍ଯ୍ୟକ୍ରମ ର ପ୍ରଥମ ସନ୍ଧ୍ୟା ର ମୁଖ୍ୟ ଆକର୍ଷଣ ଗ୍ରାମର ଗୌନ୍ତିଆ ଶ୍ରୀଯୁକ୍ତ ଚନ୍ଦ୍ରଗୁପ୍ତ ନାଏକ ଙ୍କୁ "ବରମୁଣ୍ଡା ଅମୁଲ୍ୟ ରତନ୍" ସମ୍ମାନ ରେ ସମ୍ମାନିତ କରାଯାଇ ,ବରମୁଣ୍ଡା ଗ୍ରାମର ପ୍ରଥମ ବ୍ୟକ୍ତି ଭାବରେ ବାୟୁସେନା ରେ ନିଯୁକ୍ତି ପାଇଥିବା ଅବସରପ୍ରାପ୍ତ ଅଧିକାରୀ ଶ୍ରୀଯୁକ୍ତ ପ୍ରସନ୍ନ ନାଏକ ଓ ସ୍ଥାନୀୟ ନାରୀ କବି ଅହଲ୍ୟା ପାଧାନ ଙ୍କୁ ସମ୍ମାନିତ କରାଯାଇଥିଲା । ଗ୍ରାମର ସୁନାମ ଅର୍ଜନ କରିଥିବା ବରିଷ୍ଠ କଳାକାର ଓ ଚାଷୀ ମାନଙ୍କୁ ମଧ୍ୟ ସମ୍ମାନିତ କରାଯାଇଥିଲା । ଏହାସହିତ ନୂଆଁଖାଇ ଉପଲକ୍ଷେ ଅନୁଷ୍ଠିତ ହୋଇଥିବା କେରମ୍ ପ୍ରତିଯୋଗିତର କୃତି ପ୍ରତିଭାକୁ ପୁରସ୍କୃତ କରାଯାଇ, ଏକ ଭବ୍ୟ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଯେଉଁଥିରେ ବରଗଡ଼,ନୂଆପଡ଼ା ଓ ପଡୋଶୀ ଛତିଶଗଡ଼ ରୁ ପ୍ରସିଦ୍ଧି ଅର୍ଜନ କରିଥିବା ନୃତ୍ୟଶିଳ୍ପୀ ମାନେ ନୃତ୍ୟ ପ୍ରଦର୍ଶନ କରିଥିଲେ ଓ ଅଗଣିତ ଦର୍ଶକ ଏହାକୁ ଉପଭୋଗ କରିଥିଲେ ।ଉକ୍ତ କାର୍ଯ୍ୟକ୍ରମ ରେ ଡଃ ବୃନ୍ଦାବନ ନାଏକ ,ଶିକ୍ଷକ ଶିବୁ ପଧାନ, ଆଶିଷ ପଧାନ ମଞ୍ଚ ପରିଚାଳନା କରିଥିଲେ ଓ ପରିଶେଷରେ ଶେଷଦେବ ପଧାନ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।