ବାଇକ ଦୁର୍ଘଟଣାରେ ଦେହରୁ ଅଲଗା ହୋଇ କ୍ରେନ୍ ରେ ଝୁଲି ରହିଲା ହାତ

User Rating: 0 / 5

Star InactiveStar InactiveStar InactiveStar InactiveStar Inactive
 


ବେଲଗୁଣ୍ଠା,-(ଶିବରାମ ଚୌଧୁରୀ )-, ଗୁରୁବାର ଅପରାହ୍ଣ ୩ ଘଣ୍ଟା ସମୟରେ ଗଂଜାମ ଜିଲ୍ଲା ବେଲଗୁଣ୍ଠା ଥାନା ଉଢୁରା ଛକ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ଯୁବକଙ୍କ ଦେହରୁ ହାତ ଅଲଗା ହୋଇଯାଇଛି I ଯୁବକ ଜଣଙ୍କ ହେଉଛନ୍ତି ଜଗନ୍ନାଥ ପ୍ରସାଦ ଥାନା ପଞ୍ଚଭୂତି ଗ୍ରାମର ଗୋବିନ୍ଦ ବିଷୋୟୀ (୪୫) I ସୂଚନା ପ୍ରକାରେ ଆଜି ଅପରାହ୍ଣରେ ଗୋବିନ୍ଦ OD07 AM 3650 ନମ୍ବର୍ ବିଶିଷ୍ଟ ମୋଟରସାଇକେଲ୍ ଯୋଗେ ବେଲଗୁଣ୍ଠା ପଟୁ ନିମପଦର ଶଶୁର ଘରକୁ ଯାଉଥିବା ସମୟରେ ଭାରସାମ୍ୟ ହରାଇ ଜଗନ୍ନାଥପ୍ରସାଦ ରାସ୍ତାର ଉଢୁରା ଗ୍ରାମ ଛକ ଠାରୁ ଅଳ୍ପ ଦୁରରେ ବହୁ ଦିନରୁ ରାସ୍ତାକଡ଼ରେ ରହିଥିବା ଏକ କ୍ରେନ ସହିତ ଧକ୍କା ହୋଇଥିଲେ I ଫଳରେ ଗୋବିନ୍ଦଙ୍କ ବାମ ପଟ ହାତ କାନ୍ଧ ପାଖରୁ କିଛି ଅଂଶ ଛାଡ଼ି ଅବଶିଷ୍ଟ ଛିଣ୍ଡି ଯାଇ କ୍ରେନ୍ ରେ ଝୁଲି ରହିଥିଲା I ସେଠାରେ ଗୋବିନ୍ଦ ପଡିଯିବା ସହ ବାଇକଟି ବାମ ପଟରୁ ପ୍ରାୟ ୨୦୦ ମିଟର ରାସ୍ତା ଅତିକ୍ରମ କରି ଡାହାଣ ପଟ ବିଲକୁ ଖସି ଯାଇଥିଲା I ସ୍ଥାନୀୟ ଲୋକେ ୧୦୮ ଆମ୍ବୁଲାନସ୍ କୁ ଖବର ଦେଇଥିଲେ ମଧ୍ୟ, ଦୀର୍ଘ ସମୟ ପର୍ଯ୍ୟନ୍ତ ଆମ୍ବୁଲାନସ ନ ଆସିବାରୁ ସେମାନେ ଏକ ଅଟୋ ସାହାଯ୍ୟରେ ଗୋବିନ୍ଦଙ୍କ ପରିବାର ଲୋକ ସହିତ ଛିଣ୍ଡି ଯାଇଥିବା ହାତ ଧରି ଭଂଜନଗର ମେଡିକାଲକୁ ପଠାଇ ଥିଲେ I ଖବର ପାଇ ବେଲଗୁଣ୍ଠା ଥାନା ଅଧିକାରୀ ରେବତୀ ଶବରଙ୍କ ନିର୍ଦ୍ଦେଶକ୍ରମେ ଏ.ଏସ.ଆଇ ପ୍ରମୋଦ କୁମାର ଚେଟି ତାଙ୍କ ଟିମ୍ ସହିତ ଘଟଣା ସ୍ଥଳରେ ପହଞ୍ଚି ଦୁର୍ଘଟଣାକୁ ଅନୁଧାନ କରିବା ସହିତ ବାଇକ ଜବତ କରିଥିଲେ I ବାଇକ ଚାଳକ ଗୋବିନ୍ଦଙ୍କ ପରିସ୍ଥିତି ବର୍ତ୍ତମାନ ସଂକଟାପନ୍ନ ଥିବା ଜଣାପଡିଛି I

0
0
0
s2sdefault