ନୂଆଁଖାଇ ତିହାରରେ ମନ ଛନ ଛନ, ନକଲି ମଦ ପ୍ରତି ହୁଅ ସାବଧାନ

User Rating: 5 / 5

Star ActiveStar ActiveStar ActiveStar ActiveStar Active
 

ବଲାଙ୍ଗିର, ଶାସକ ପ୍ରଶାସକ (ଘନଶ୍ୟାମ ନାଗ):- ସମଗ୍ର ଓଡ଼ିଶାର ଘରେ ଘରେ ପାଳିତ ହେଉଥିବା ଚାଷୀ ମାନଙ୍କ ଖୁସିର ମହାନ ଗଣ ପର୍ବ ପବିତ୍ର ନୂଆଁଖାଇ ଅତି ପ୍ରସିଦ୍ଧ । ଏହା ମୁଖ୍ୟତଃ ପଶ୍ଚିମ ଓଡ଼ିଶାରେ ମହାଆଡମ୍ବରରେ ଶାନ୍ତି, ସମତା, ଏକତା, ଭାଇଚାରାର ଭାବନାରେ ଅତି ଆନନ୍ଦ ଉଲ୍ଲାସରେ ପାଳିତ ହୋଇଥାଏ । ସମ୍ବଲପୁରୀ ବସ୍ତ୍ର ପରିଧାନ, ସମ୍ବଲପୁରୀ ଗୀତ ଓ ବାଦ୍ୟର ତାଳେ ତାଳେ ମହୁଲି ରସ ପାନର ମିଳନ ଏକ ବିଶେଷ ଦୃଷ୍ଟି ଆକର୍ଷଣ କରିଥାଏ । ନୂଆଁଖାଇରେ ଅନେକ ଗୁଡ଼ିଏ ବିଷୟ ପ୍ରତି ଜନସାଧାରଣଙ୍କୁ ସତର୍କତା ଅବଲମ୍ବନ କରିବା ନିହାତି ଜରୁରୀ । ତନ୍ମଧ୍ୟରୁ ନକଲି ମଦ ପ୍ରତି ସାବଧାନ ରହିବା ନିହାତି ଆବଶ୍ୟକ। ଚଳିତ ବର୍ଷ ବିଶେଷ ସୂତ୍ର ଖବର ଆଗତ ହୋଇଥିବ ଅନୁଯାୟୀ ସମଗ୍ର ବଲାଙ୍ଗିର ଜିଲ୍ଲାରେ ଉଭୟ ଦେଶୀ ଓ ବିଦେଶୀ ନକଲି ମଦ ବହୁ ପରିମାଣରେ ବଜାରକୁ ଆସି ବିକ୍ରୟ ହେବା ସମ୍ଭାବନା ରହିଛି। ଏହାର ମୂଖ୍ୟ କାରଣ ହେଲା, ନୂଆଁଖାଇ ପର୍ବ ସମୟରେ ବିଭାଗୀୟ ଅଧିକାରୀମାନେ ନିଜ ନିଜ ଘରକୁ ଛୁଟିରେ ଯାଇଥିବା ବେଳେ, ଏହାର ଲାଭ ଉଠାଇ ଅସାଧୁ ବ୍ୟବସାୟୀ ମାନେ ନକଲି ମଦ କୁ ପ୍ରଚୁର ପରିମାଣରେ ବିକ୍ରୟ କରୁଛନ୍ତି । ନିରୀହ ଲୋକେ କେଉଁଟା ଅସଲି କେଉଁଟା ନକଲି ଜାଣି ନ ପାରି ନିର୍ଭୟରେ ପିଉଛନ୍ତି। ଜିଲ୍ଳା ପ୍ରଶାସନ ତରଫରୁ ଏଥିପ୍ରତି କିଭଳି ପଦକ୍ଷେପ ନିଆ ଯାଇଛି, ଲୋକେ ଜାଣି ପାରୁ ନାହାଁନ୍ତି। ଏହାର ସଚେତନ ନିମନ୍ତେ ବିଭାଗୀୟ ଅଧିକାରୀମାନେ ଆଦୌ ପଦକ୍ଷେପ ନେଉ ନାହାନ୍ତି ବୋଲି ପ୍ରଶ୍ନବାଚୀ ସୃଷ୍ଟି ହେଉଛି। ଜିଲ୍ଲା ପ୍ରଶାସନ ତଥା ଜିଲ୍ଲାପାଳ ଲୋକଙ୍କ ଜୀବନ ପ୍ରତି ବିପଦ ସୃଷ୍ଟି କରୁଥିବା ଅବୈଧ ଓ ଆସାଧୁ ନକଲି ମଦ ବ୍ୟବସାୟୀମାନଙ୍କୁ ସଠିକ ତଦନ୍ତ କରି ଉଚିତ କାର୍ଯାନୁଷ୍ଠାନ ଗ୍ରହଣ କରିବାକୁ ସମଗ୍ର ବଲାଙ୍ଗିର ଜିଲ୍ଲାବାସୀଙ୍କ ଦୃଢ ଦାବି ହେଉଛି।

0
0
0
s2sdefault