ଓଡ଼ଗାଁ, ୩।୪(ଶ୍ରୀକାନ୍ତ କୁମାର ମିଶ୍ର): ନୟାଗଡ଼ ଜିଲ୍ଲା ଓଡ଼ଗାଁ ତହସିଲ କାର୍ଯ୍ୟଳୟରେ କାର୍ଯ୍ୟରତ ଜଣେ କିରାଣି ଗୁରୁବାର ସକାଳେ ସାଇବର ଠକେଇରୁ ଅଳ୍ପକେ ବର୍ତ୍ତିଯାଇଛନ୍ତି । ଡିଜିଟାଲ ପେମେଣ୍ଟ ପ୍ରକ୍ରିୟା ଜଣାନଥିବାରୁ ସେ ବଞ୍ଚି ଯାଇଥିଲେ । ଗୁରୁବାର ସକାଳ ପ୍ରାୟ ୧୦ ବେଳେ ଓଡ଼ଗାଁ ତହସିଲ କାର୍ଯ୍ୟାଳୟ ପରିସର ଷ୍ଟାପ କ୍ବାଟରକୁ ଜଣେ ଫେରି ଲଟେରିବାଲା ପହଁଞ୍ଚି ପୁରୁଣା ବୈଦୁତିକ ଉପକରଣ ବଦଳରେ ନୂଆ ବୈଦ୍ୟୁତିକ ଉପକରଣ ଯୋଗାଇଦେବା ପାଇଁ ଲଟେରୀ ଟିକେଟ କାଟିବାକୁ କିରାଣୀ ଙ୍କ ଠାରୁ ପ୍ରଥମେ ୧୦୦ ଟଙ୍କା ନେଇଥିଲେ । ଲଟେରି କୁପନ ସ୍କ୍ରାଚ୍ କଲା ପରେ ଗୋଟିଏ ଟିଭି ସହିତ ଅନ୍ୟ ଏକ ବୈଦୁତିକ ଉପକରଣ ଯୋଗାଇ ଦେବାବା ପାଇଁ ଜଣାପଡ଼ିଥିଲା । ଠକ ବ୍ୟକ୍ତିର କହିବା ଅନୁସାରେ ଓଡ଼ଗାଁ ଷ୍ଟେଟବ୍ୟାଙ୍କ ଶାଖା କାର୍ଯ୍ୟାଳୟ ନିକଟରେ ଖୋଲାଯାଇଥିବା ଏକ ନୂଆ ଦୋକାନର ପ୍ରମୋଟ ପାଇଁ ସେମାନେ ଏହି ଲଟେରିର ବ୍ୟବସ୍ଥା କରିଛନ୍ତି । ଏଣୁ ସ୍କ୍ରାଚ୍ ଭାଉଚର ଅନୁସାରେ ୪ କିସ୍ତିରେ ୪ ହଜାର ଟଙ୍କା ଜମା ଦେବା ପାଇଁ ବ୍ୟବସ୍ଥା ରହିଥିବା ବେଳେ ପ୍ରଥମ କିସ୍ତିର ୧ ହଜାର ଟଙ୍କା ଡିଜିଟାଲ ମାଧ୍ୟମରେ ଦେବାକୁ କହିଥିଲେ । ତେବେ ଜମା ଖାତାରେ ଟଙ୍କା ନଥିବା ଦର୍ଶାଇ କିରାଣି ଜଣକ ନଗଦ ଆକାରରେ ଦେବାକୁ କହିଥିଲେ । ହେଲେ ଠକମାନେ ଡିଜିଟାଲ ମାଧ୍ୟମରେ ୫ ଶହ ଟଙ୍କା ଦେବାକୁ କହିଥିଲେ ‌। ଏହାକୁ ମନା କରିବା ପରେ ଅନ୍ୟ କାହା ମାଧ୍ୟମରେ ଦେବାକୁ ତାଙ୍କୁ ପ୍ରବର୍ତ୍ତାଇଥିଲା । ତେବେ ଅନଲାଇନ ମାଧ୍ୟମରେ ପେମେଣ୍ଟ ପାଇଁ ବାରମ୍ବାର ବାଧ୍ୟ କରୁଥିବାରୁ କିରାଣୀଙ୍କ ମନରେ ସନ୍ଦେହ ଉପୁଜିଥିଲା । ସେ ଅନ୍ୟ ସହ କର୍ମିଙ୍କୁ ଧରି ପେମେଣ୍ଟ ଦେବାକୁ ଆସିବା ବେଳକୁ ଘଟଣା ସ୍ଥଳରୁ ଠକମାନେ କେଉଁଆଡେ ଚମ୍ପଟ ମାରିଥିବା ଜଣାପଡିଛି ।