ପଦ୍ମପୁର:- ୱିନର ବ୍ରାଇଟ୍ ଫ୍ୟୁଚର ସ୍କୁଲର ନୂଆ କ୍ୟାମ୍ପସ ଖୁଣ୍ଟପାଲିରେ ଆଜି ୭ ଘଟିକା ସମୟରେ ଉଦ୍ଘାଟିତ ହୋଇଛି । ଅପରାହ୍ଣ ୫ ଘଟିକା ସମୟରୁ ଅତି ସୁନ୍ଦର ଭାବରେ ଅତିଥି, ଶିକ୍ଷକ, ଅଭିଭାବକ ,ଦାଦା ଦାଦି ଙ୍କୁ ନେଇ ଖୁଣ୍ଟପାଲି ଗାଁର ମନ୍ଦିରରୁ ସ୍କୁଲ ପର୍ଯ୍ୟନ୍ତ ଯାଇଥିଲା । ସେଠାରେ ସମସ୍ତଙ୍କର ସ୍ୱାଗତ ବିଦ୍ୟାଳୟର ଚେୟାରମ୍ୟାନ ଶ୍ରୀଯୁକ୍ତ ଶ୍ରୀକାନ୍ତ ମିଶ୍ର , ଅଧ୍ୟକ୍ଷା ଶ୍ରୀମତୀ ଅପାଳି ଅପରାଜିତା ଦାସ ଏବଂ କୋଡିନେଟର ଶ୍ରୀମତୀ ନିବେଦିତା ଦାଶଙ୍କ ଦ୍ୱାରା ସ୍ୱାଗତ କରାଯଇଥିଲା । ଦାଦା ଦାଦି ଏବଂ ଅଭିଭାବକଙ୍କ ହାତରେ ସ୍କୁଲ ପରିସରରେ ବୃକ୍ଷ ରୋପଣ କରାଯାଇଥିଲା । ଅପର ପକ୍ଷରେ ୟୁକେଜି ପିଲାଙ୍କ ସ୍ନାତକ ଦିବସ ଆରମ୍ଭ ହୋଇ ଦୁଇ ରାଉଣ୍ଡ ପ୍ରଶ୍ନୋତ୍ତର କାର୍ଯ୍ୟ କରାଯାଇଥିଲା ପରେ ମିଷ୍ଠର ଆଣ୍ଡ ମିସ୍ ୱିନର ଙ୍କୁ ବଛାଯାଇଥିଲା , ଦାଦା ଦାଦି ଙ୍କ ସହିତ ବିଭିନ୍ନ ପ୍ରକାର ଖେଳ କରାଯାଇଥିଲା । ମୁଖ୍ୟ ଅତିଥି ଅତିରିକ୍ତ ଜିଲ୍ଲା ମାଜିଷ୍ଟ୍ରେଟ୍ ଶ୍ରୀଯୁକ୍ତ କୁନାଲ ମୋତିରାମ ଚଭନ ,ସମ୍ମାନିତ ଅତିଥି ଏଡଭୋକେଟ୍ ଶ୍ରୀଯୁକ୍ତ ଚିନ୍ମୟ କୁମାର ପଣ୍ଡା ,ଟ୍ରଷ୍ଟି ଶ୍ରୀମତୀ ସଂଯୁକ୍ତା ମିଶ୍ର , ଅତିଥି ଡ.ନିଶାନ୍ତ ଦେବତା ଏବଂ ଅଧ୍ୟକ୍ଷା ଶ୍ରୀମତୀ ଅପାଲି ଅପରାଜିତା ଦାସ ଓ ଚେୟାର ମ୍ୟାନ ଶ୍ରୀଯୁକ୍ତ ଶ୍ରୀକାନ୍ତ ମିଶ୍ରଙ୍କ ଅଧ୍ୟକ୍ଷତାରେ ମଂଚ ପରିଚାଳନା ହୋଇଥିଲା । ଠିକ୍ ୭ ଘଟିକା ସମୟରେ ଧମାକେଦାର ଓ ବିଭିନ୍ନ ଆଲୋକ ସଜା ମଧ୍ୟରେ ସ୍କୁଲର ଚମତ୍କାର ଭାବେ ଉଦ୍ଘାଟନ ହୋଇଥିଲା । ଉପସ୍ଥିତ ସମସ୍ତେ ଆଲୋକ ସାରଣୀର ମଜ୍ଜା ନେଇଥିଲେ ,ଓ ସେଥିରେ ମଜ୍ଜି ଯାଇଥିଲେ ।