ବିଜେପୁର :-ସୁଶାନ୍ତ ସାହୁ ବରଗଡ଼ ଜିଲ୍ଲା ବିଜେପୁର ସହର ସ୍ଥିତ ପ୍ରକୃତି ବିହାର ରେଡିଏନ୍ସ ଶିକ୍ଷାନୁଷ୍ଠାନରେ ବିଦାୟ ସମ୍ବର୍ଦ୍ଧନା ଉତ୍ସବ  ଅଧ୍ୟକ୍ଷ ପ୍ରଫେସର୍ ଘନଶ୍ୟାମ ମେହେରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଛାତ୍ରୀ ଗାୟତ୍ରୀ ପଟେଲ ସୁନ୍ଦର ମଞ୍ଚ ପରିଚାଳନା କରିଥିବା ବେଳେମୁଖ୍ୟ ଅତିଥି ଭାବେ ଚେୟାରମେନ୍ ଶ୍ରୀ ଅଜିତ କୁମାର ମେହେର ଓ ଅନୁଷ୍ଠାନର  ଏକାଡେମିକ୍ ଡାଇରେକ୍ଟର ଗୋବିନ୍ଦ ମେହେର, ଆଡମିନିଷ୍ଟ୍ରେଟିଭ୍ ଡାଇରେକ୍ଟର ନେତ୍ରମଣୀ ମେହେର, ଉପାଧ୍ୟକ୍ଷ ସଞ୍ଜୟ ବାରିକ,ସ୍କୁଲର ଅଧ୍ୟକ୍ଷା ଶ୍ରୀମତୀ ମୋହିନୀ ମେହେର,ଅଧ୍ୟାପିକା ରିତା ପ୍ରଧାନ, ସଂଜଳୀ ପଟେଲ,ଟିକି ସାହୁ, ସୁଜାତା ପ୍ରଧାନ,ଜ୍ୟୋତି ପ୍ରଧାନ, ଦିପାଞ୍ଜଳି ମେହେର, ହେଲିସା ବେହେରା, ନିଲମ୍ ସାହୁ,ଅଧ୍ୟାପକ ପ୍ରଫୁଲ୍ଲ ପ୍ରଧାନ, ସୁଶାନ୍ତ ସାହୁ,ଲୟକାନ୍ତ କୁମ୍ଭାର,ଆଲୋକ ପୋଢ଼ ଓ ସମସ୍ତ ଛାତ୍ରଛାତ୍ରୀ ତଥା ଅନୁଷ୍ଠାନର ସମସ୍ତ କର୍ମଚାରି ଉପସ୍ଥିତ ଥିଲେ। ଚେୟାରମେନ୍ ଶ୍ରୀଯୁକ୍ତ ମେହେର ଛାତ୍ରଛାତ୍ରୀ ମାନେ ଦେଶର ଭବିଷ୍ୟତ ବୋଲି ମତ ରଖିଥିବା ବେଳେ ଅଧ୍ୟକ୍ଷ ଛାତ୍ର ଛାତ୍ରୀ ମାନେ ଗୁରୁ ମାନଙ୍କର ଅମୂଲ୍ୟ ରତ୍ନ କହିଥିଲେ।ଶେଷରେ ଛାତ୍ରୀ ଆସିକା ନାୟକ ଧନ୍ୟବାଦ ଅର୍ପଣ କରିଥିଲେ।ଛାତ୍ର ପୀୟୂଷ,ପ୍ରତ୍ୟୁଷ, କିସାନ୍ ,ନୂତନ,ଭୋଲାଶଙ୍କର,ଖୁସିରାମ, ଶୁଭମ୍,ଛାତ୍ରୀ ସୀମା,ନମ୍ରତା,ଶିବାନୀ ପ୍ରମୁଖ ଖାଦ୍ୟ ବଣ୍ଟନରେ ସହଯୋଗ କରିଥିଲେ। ଛାତ୍ରଛାତ୍ରୀ ମାନଙ୍କ ଦ୍ଵାରା ସୁନ୍ଦର ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ଉପାଧ୍ୟକ୍ଷ ଶ୍ରୀବାରିକ ଛାତ୍ରଛାତ୍ରୀ ଶୃଙ୍ଖଳାକୁ ଭୂୟସୀ ପ୍ରଶଂସା କରିଥିଲେ ଓ ଏବର୍ଷ ମଧ୍ୟ ପରୀକ୍ଷାରେ ଛାତ୍ରଛାତ୍ରୀ ମାନେ ଭଲ ପ୍ରଦର୍ଶନ କରିବେ ବୋଲି ମତ ପ୍ରକାଶ କରିଛନ୍ତି।