ସୁବର୍ଣ୍ଣପୁର, ଶାସକ ପ୍ରଶାସକ (ପ୍ରକାଶ କୁମାର ହାତୀ): ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ସ୍ଥାନୀୟ ଉଚ୍ଚ ପ୍ରାଥମିକ ବିଦ୍ୟାଳୟ ରେ ସୁରେନ୍ଦ୍ର ସାଏ ଦିବ୍ୟଦୃଷ୍ଟି ଯୋଜନା ର ଓରିଏଣ୍ଟେସନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଗୋଷ୍ଠୀସମ୍ବଳ ଶିକ୍ଷକ ମନୋଜ ସାହୁ ଙ୍କ ସଭାପତିତ୍ବ ରେ ଅନୁଷ୍ଠିତ ବୈଠକ କୁ ବରିଷ୍ଠ ଗୋଷ୍ଠୀ ସହଶିକ୍ଷା ଅଧିକାରୀ ଗଞ୍ଜଳୁ ମିର୍ଧା ମୁଖ୍ୟ ଅତିଥିଭାବେ ଯୋଗଦେଇ ଉଦଘାଟନ କରିଥିଲେ l ଏବିଇଓ ବଟକୃଷ୍ଣ ପାଢ଼ୀ ମୁଖ୍ୟବକ୍ତା ଭାବେ ଯୋଗଦେଇ ଛାତ୍ରଛାତ୍ରୀ ଙ୍କ ଆଖି ଜନିତ ସମସ୍ୟା ର ସମାଧାନ ପାଇଁ ଅବିଭାବକ ଓ ଶିକ୍ଷକ ଶିକ୍ଷୟିତ୍ରୀ ଙ୍କ ଭୂମିକା,ବିଭିନ୍ନ ସରକାରୀ ଯୋଜନା ର ଉପଲବ୍ଧତା, ବୀର ସୁରେନ୍ଦ୍ର ସାଏ ଦିବ୍ୟ ଦୃଷ୍ଟି ଯୋଜନା ବିଷୟରେ ଆଲୋକପାତ କରିଥିଲେ l

ଇଛାପୁର, ସହଲା, ସର୍ଗୁଲ, ଚେରୁପାଲି, ଡୁଙ୍ଗୁରିପାଲି, ଶୁଖା କ୍ଲଷ୍ଟର ର ପ୍ରାୟ 50 ଜଣ ଶିକ୍ଷକ ଶିକ୍ଷୟିତ୍ରୀ ଅଂଶଗ୍ରହଣ କରିଥିଲେ l ଡୁଙ୍ଗୁରିପାଲି ମୁଖ୍ୟ ଡାକ୍ତରଖାନା ର ଚକ୍ଷୁସ୍ୱାସ୍ଥ୍ୟ ପରାମର୍ଶଦାତା ସାହୁ ପ୍ରଶିକ୍ଷଣ ଦେଇଥିଲେ l ଆଇଇଭି ଲୋଚନ ସାହୁ,ହିମାଂଶୁଶେଖର ସାହୁ,ହେମସାଗର ଗଡତିଆ ଓ ସ୍ଥାନୀୟ ବିଦ୍ୟାଳୟ ର ଶିକ୍ଷକଶିକ୍ଷୟିତ୍ରୀ ସହଯୋଗ କରିଥିଲେ l ସିଆରସିସି ନରେନ୍ଦ୍ର ପୁରୋହିତ ସଭା ସଂଯୋଜନା ଓ ଧନ୍ୟବାଦ ଅର୍ପଣ କରିଥିଲେ l