ଓଡ଼ଗାଁ ୨୯।୧୨(ଶ୍ରୀକାନ୍ତ କୁମାର ମିଶ୍ର): ନୟାଗଡ଼ ଜିଲ୍ଲା ଓଡ଼ଗାଁ ବ୍ଳକ ରଙ୍ଗଣୀପାଟଣା ରାଧାକାନ୍ତ କ୍ରିକେଟ ଆସୋସିଏସନ୍ (ଆରସିଏ) ଦ୍ବାରା ଆୟୋଜିତ ରାକେଶ ମେମୋରିଆଲ ୫ମ କ୍ରିକେଟ୍ ଟୁର୍ଣ୍ଣାମେଣ୍ଟ ଆରସିଏ କପ୍ ୨୦୨୪ ୪ର୍ଥ ଦିନର ପ୍ରଥମ ଲିଗ୍ ମ୍ୟାଚ ରଙ୍ଗଣୀପାଟଣା ଓ ବାଙ୍କତରା ମଧ୍ୟରେ ଅନୁଷ୍ଠିତ ହୋଇଥିଲା । ରଙ୍ଗଣୀପାଟଣା ନିର୍ଦ୍ଧାରିତ ୮ ଓଭରରେ ୩ ଉଇକେଟ ବିନିମୟରେ ୧୧୬ ରନ ସଂଗ୍ରହ କରିଥିବା ବେଳେ ପ୍ରତିପକ୍ଷ ବାଙ୍କତରା ନିର୍ଦ୍ଧାରିତ ଓଭରରେ ୬ ଉଇକେଟ ହରାଇ ୮୮ ରନ ସଂଗ୍ରହ କରି ପରାଜୟ ବରଣ କରିଥିଲା । ଏହି ମ୍ୟାଚରେ ଅଜୟା ନନ୍ଦ ବେହେରା ମ୍ୟାନ ଅଫଦି ମ୍ୟାଚ ଘୋଷିତ ହୋଇଥିଲେ । ସେହିପରି ଆଜିର ଦ୍ବିତୀୟ ଲିଗ୍ ମ୍ୟାଚରେ ଚଡୟାପଲ୍ଲୀ ପ୍ରଥମେ ବ୍ୟାଟିଂ କରି ୮ ଓଭରରେ ୧୧୪ ରନ ସଂଗ୍ରହ କରିଥିଲା । ପ୍ରତିପକ୍ଷ ମଶାବାରି ନିର୍ଦ୍ଧାରିତ ଓଭରରେ ୬ ଉଇକେଟ ହରାଇ ୧୦୮ ରନ ସଂଗ୍ରହ କରି ମାତ୍ର ୬ରନ ଅନ୍ତରରେ ପରାଜୟ ବରଣ କରିଥିଲା । ଆଜିର ତଥା ଟୁର୍ଣ୍ଣାମେଣ୍ଟର ଚତୁର୍ଥ କ୍ବାଟର ଫାଇନାଲ ମ୍ୟାଚ୍ ଉଭୟ ଲିଗ୍ ମ୍ୟାଚ ବିଜୟୀ ଦଳଙ୍କ ମଧ୍ୟରେ ଅନୁଷ୍ଠିତ ହୋଇଥିଲା । ଚଡୟାପଲ୍ଲୀ ପ୍ରଥମେ ବ୍ୟାଟିଂ କରି ୮ ଓଭରରେ ୩୫ ରନ କରିଥିବା ବେଳେ ଜବାବରେ ରଙ୍ଗଣୀପାଟଣା ମାତ୍ର ୧ ଉଇକେଟ ବିନିମୟରେ ୩ ଓଭରରେ ମ୍ୟାଚକୁ କରାୟତ କରି ସେମିଫାଇନାଲରେ ପହଞ୍ଚିଥିଲେ । ଏହି ମ୍ୟାଚରେ ବିଜୟୀ ରଙ୍ଗଣୀପାଟଣାର ରିଙ୍କୁ ୭ ବଲରେ ୨୫ ରନ ସଂଗ୍ରହ କରି ମ୍ୟାନ ଅଫଦି ମ୍ୟାଚ ହୋଇଥିଲେ । ଆଜିର ମ୍ୟାଚରେ ରଙ୍ଗଣୀପାଟଣା ସରପଞ୍ଚ ସସ୍ମିତା ପାତ୍ରଙ୍କ ସହିତ ଗ୍ରାମର ପୂର୍ବତନ ଖେଳାଳୀ ମାନେ ଅତିଥି ଭାବେ ଯୋଗଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ । ସୋମବାର ୫ମ ଦିବସରେ ୨ ଗୋଟି ସେମିଫାଇନାଲ ମ୍ୟାଚ ଅନୁଷ୍ଠିତ ହେବ । ପ୍ରଥମ ମ୍ୟାଚ ପଞ୍ଚରିଡା ମାନପୁର ସହିତ ଶାଳଝରିଆ ଏବଂ ଦ୍ବିତୀୟ ମ୍ୟାଚ ରଙ୍ଗଣୀପାଟଣା ଓ ମାଛିପଡା ମଧ୍ୟରେ ଅନୁଷ୍ଠିତ ହେବ । ଚିତ୍ତରଞ୍ଜନ ସାହୁ, ସାର୍ଥକ ଷଡ଼ଙ୍ଗୀ, ସୁକାନ୍ତ କୁମାର ସାହୁ, ଭେଙ୍କଟେଶ୍ବର ପାଣିଗ୍ରାହୀ ଆଜିର ଖେଳ ପରିଚାଳନା କରିଥିଲେ ।