ସୁବର୍ଣ୍ଣପୁର,୨୨/୧୨/୨୦୨୪ଶାସକ ପ୍ରଶାସକ (ପ୍ରକାଶ ହାତୀ): ସୁବର୍ଣ୍ଣପୁର ଜିଲ୍ଲା ବିନିକା ର ବରିଷ୍ଠ କଳାକାର ତଥା ସମାଜସେବୀ ଅନଙ୍ଗ ସେଠୀ ଙ୍କ ପଣ୍ଡକିଟାଲ ସ୍ଥିତ ଝିଅ ସୁନିତା ସେଠୀ ଓ ଜ୍ୱାଇଁ ହାରାଧନ ବେରିଆ ଙ୍କ ବାସଭବନ ରେ ପରଲୋକ ହୋଇଯାଇଛି l ମୃତ୍ୟୁ ବେଳକୁ ତାଙ୍କୁ 76 ବର୍ଷ ବୟସ ହେଉଥିଲା l ମୃତ୍ୟୁ ଶଯ୍ୟା ନିକଟରେ ତାଙ୍କ ଧର୍ମପତ୍ନୀ ହେମପ୍ରଭା ସେଠୀ, ପୁତ୍ର ବଧୂ ଅନିତା ବାଗ,ନାତି ଶୁଭ୍ରାଂଶୁ, ରାଜାରାମ,ରାଧେଶ୍ୟାମ, ନାତୁଣୀ ରୋଜି, ରାଜଲକ୍ଷ୍ମୀ ଉପସ୍ଥିତ ଥିଲେ l ବିନିକା ସ୍ଥିତ ଶ୍ମଶାନ ଘାଟରେ ତାଙ୍କ ଶେଷକୃତ୍ୟ ସମ୍ପନ୍ନ ହେବାବେଳେ ତାଙ୍କ ବନ୍ଧୁ ପରିଜନ ଉପସ୍ଥିତ ଥିଲେ l ବଡ଼ ପୁଅ ସୁନୀଲ କୁମାର ସେଠୀ ମୁଖାଗ୍ନି ଦେଇଥିଲେ l ସେ ବିନିକା ସାଂସ୍କୃତିକ ସଂସଦ ର ବରିଷ୍ଠ ସଦସ୍ୟ,ଧୂରୀଣ ବାଦ୍ୟକାର,ଉଦଣ୍ଡ କୀର୍ତ୍ତନ ଗୁରୁ,ନାଟ୍ୟକାର, ନାଟ୍ୟ ନିର୍ଦ୍ଦେଶକ,କଷ୍ଟ୍ୟୁମ ଡିଜାଇନର ଥିଲେ l ସେ ଜଣେ ମେଳାପୀ,ସ୍ନେହୀ,ଭଦ୍ର, ନମ୍ର,ଶିଷ୍ଟ, ଅମାୟିକ ବ୍ୟକ୍ତିତ୍ୱ ର ଅଧିକାରୀ ଥିଲେ l ଠାକୁର ଅନୁକୂଳ ଚନ୍ଦ୍ର ଙ୍କ ଦୀକ୍ଷା ରେ ଦୀକ୍ଷିତ ହୋଇ ତାଙ୍କ ସତସଙ୍ଗ ରେ ନିଜକୁ ଉତ୍ସର୍ଗୀକୃତ କରିଥିଲେ l ଇଷ୍ଟପ୍ରାଣ ତାଙ୍କ ଜୀବନର ବ୍ରତ ଥିଲା l ବୃତ୍ତି ରେ ଦରଜୀ କାମ ରେ ଅଂଚଳ ରେ ସୁଖ୍ୟାତି ଲାଭ କରିବା ସହ ନିଜ ପୁତ୍ର କନ୍ୟା ଙ୍କୁ ଉଚ୍ଚ ଶିକ୍ଷିତ କରାଇପାରିଥିଲେ l ତାଙ୍କ ପରଲୋକ ରେ ବିନିକା ଓ ଡୁଙ୍ଗୁରିପାଲି ଅଂଚଳ ରେ ଶୋକ ର ଛାୟା ଖେଳିଯାଇଛି l