ବିଜେପୁର /ସୁଶାନ୍ତ ସାହୁ ବରଗଡ ଜ଼ିଲ୍ଲା ବିଜେପୁର ବ୍ଲକ ଅନ୍ତର୍ଗତ ତାଳପଦର ପଞ୍ଚାୟତ ମହାବିଦ୍ୟାଳୟ ଠାରେ ବାର୍ଷିକ କ୍ରୀଡା ଅନୁଷ୍ଠିତ ହୋଇଛି l ଅଧ୍ୟାପକ ଓ ଅଧ୍ୟାପିକା ମାନେ ମା କନପୁରିଏନ ମନ୍ଦିର ଠାରେ ପୂଜାପାଠ କରି ମସାଲଯାତ୍ରା କରିଥିଲେ l ଏଥିରେ ଅଧ୍ୟକ୍ଷ ପଞ୍ଚାନନ ମିଶ୍ର ସମେତ ଅନ୍ୟାନ୍ୟ ଅଧ୍ୟାପକ ଅଧ୍ୟାପିକା ଉପସ୍ଥିତ ଥିଲେ l ଛାତ୍ରଛାତ୍ରୀ ମାନଙ୍କ ମଧ୍ୟରେ ବିଭିନ୍ନ ଖେଳ ଉପରେ ପ୍ରତିଯୋଗିତା କରାଯାଇଥିଲା l ସମସ୍ତ ଖେଳକୁ ଖେଳ ଅଧ୍ୟାପକ ଶିଶୁପାଳ ପଧାନ ଓ ତାଳପଦର ହାଇସ୍କୁଲ ଖେଳ ଶିକ୍ଷକ ଚିତ୍ତରଞ୍ଜନ ସାହୁ ଶାନ୍ତିଶୃଙ୍ଖଳା ର ସହ ପରିଚାଳନା କରିଥିଲେ l ସମସ୍ତ ଖେଳରେ ପ୍ରଥମ ଦ୍ଵିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀଙ୍କୁ ଆଗାମୀ ବାର୍ଷିକ ଉତ୍ସବରେ ମାନପତ୍ର ସହ ପୁରସ୍କୃତ କରାଯିବାର ଅଧ୍ୟକ୍ଷ ଶ୍ରୀମାନ ମିଶ୍ର ସୂଚନା ଦେଇଛନ୍ତି