ଚନ୍ଦାହାଣ୍ଡି ତ୍ରିଲୋଚନ ବେଶ୍ରା :ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଅନ୍ତର୍ଗତ ଧୋଡ଼ିପାଣି ଗ୍ରାମ ପଂଚାୟତ ରେ ତା. 10-11-2024 ରିଖ ରବିବାର ଛୁଟି ଦିନରେ ସରକାରୀ କଲ୍ୟାଣମଣ୍ଡପ ବିଡ଼ିଓ ଙ୍କ ଅଜାଣତରେ ଉଟଘାଟନ କରାଯାଇଛି /ସରକାର ଙ୍କ ଦ୍ୱାରା ନିର୍ମିତ ଏହି କଲ୍ୟାଣମଣ୍ଡପ କୁ ବ୍ଲକ ଅଧକ୍ଷା, ଉପାଧ୍ୟକ୍ଷ, ସରପଞ୍ଚ, ସମିତିସଭ୍ୟା, ୱାର୍ଡ ସଭ୍ୟା ଉଦଘାଟନ କରିଛନ୍ତି | ଫଳକରେ ସାଂସଦ କିମ୍ବା ବିଧାୟକ ଙ୍କ ନାମ ନଥିବା ଯୋଗୁଁ ଅସନ୍ତୋଷ ପ୍ରକାଶ ପାଇଛି | ବିଧାୟକ ଓ ସାଂସଦ ଙ୍କ ନାମ ଲେଖା ନ ହେବା ଏଂବ ଛୁଟିଦିନରେ କିଭଳି ଉଦଘାଟନ କରାଗଲା ବୋଲି ବିଧାୟକ ପ୍ରତିନିଧି ପ୍ରତାପ ବାଘ ପ୍ରଶ୍ନ କରିଛନ୍ତି | ଧୋଡ଼ିପାଣି ଠାରେ ବ୍ଲକ ପ୍ରଶାସନ ପକ୍ଷରୁ 35ଲକ୍ଷ ଟଙ୍କା ଖର୍ଚ୍ଚରେ ଏହା ନିର୍ମାଣ କରାଯାଇଛି | ବ୍ଲକ ଅଧକ୍ଷା ସୁମିତ୍ରା ପୂଜାରୀ, ଉପାଧ୍ୟକ୍ଷ ବାସୁଦେବ ଗୌଡ଼, ଜିଲ୍ଲା ପରିଷଦ ସଭ୍ୟା କେତକୀ ମଲ୍ଲୀ ଗୌଡ଼, ସରପଞ୍ଚ ଦୁଲବ ପୂଜାରୀ, ସମିତି ସଭ୍ୟା ଭାନୁମତି ମାଝୀ, ପଂଚାୟତ ନିର୍ବାହୀ ଅଧିକାରୀ ରାଜେନ୍ଦ୍ର ସାହୁ ଏଂବ ଧୋଡ଼ିପାଣି ପଂଚାୟତ ର ସମସ୍ତ ୱାର୍ଡସଭ୍ୟ ଙ୍କ ନାମ ଫଳକରେ ଉଲ୍ଲେଖ ରହିଛି | ଏହାକୁ ନେଇ ବରିଷ୍ଠ ବିଜେପି ନେତା ଗୋବିନ୍ଦ ଜୈନ, ବିଧାୟକଙ୍କ ପ୍ରତିନିଧି ପ୍ରତାପ ବାଘ, ସାଂସଦଙ୍କ ପ୍ରତିନିଧି ବସନ୍ତ ମାଝୀ ଅସନ୍ତୋଷ ପ୍ରକାଶ କରିଛନ୍ତି ଓ ବ୍ଲକ ପ୍ରଶାସନ ର ଅଜାଣତରେ କିଭଳି ଉଦଘାଟନ ହେଲା ବୋଲି ବିଡ଼ିଓ ଙ୍କୁ ପ୍ରଶ୍ନ କରିଛନ୍ତି /ଏ ବିଷୟ ରେ ଜିଲ୍ଲା ପ୍ରଶାସନ କୁ ଅବଗତ କରାଯାଇଛି ବୋଲି ବିଡ଼ିଓ କହିଛନ୍ତି |