ବିଜେପୁର /ସୁଶାନ୍ତ ସାହୁ ବରଗଡ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ବୈରଖପାଲି ସରକାରୀ ଉଚ୍ଚ ବିଦ୍ୟାଳୟରେ ନୂତନ ବିଦ୍ୟାଳୟ ପରିଚାଳନା କମିଟି ଗଠନ କରାଗଲା l ଉକ୍ତ ବୈଠକରେ ବିଦ୍ୟାଳୟର ଅଧ୍ୟୟନରତ ଛାତ୍ରଛାତ୍ରୀଙ୍କ ପିତାମାତା ତଥା ଅଭିଭାବକବୃନ୍ଦ ଉପସ୍ଥିତ ରହିଥିଲେ l ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ରଶ୍ମିତା ଦେଈଙ୍କ ସଭାପତିତ୍ୱରେ ବୈଠକ ଆରମ୍ଭ ହୋଇଥିଲା l ଶିକ୍ଷକ ଶ୍ରୀ ଲିଙ୍ଗ ଦୀପ ସଭା ପରିଚାଳନା କରିଥିଲେ ଓ ସହକାରୀ ଶିକ୍ଷକ ଶ୍ରୀଯୁକ୍ତ ଦିବ୍ୟଚନ୍ଦ୍ର ସାହୁ ବିଦ୍ୟାଳୟର ଉନ୍ନତି ବିଷୟରେ ଓ ବୈଠକର ଆଭିମୁଖ୍ୟ ପ୍ରଦାନ କରିଥିଲେ l ବିଦ୍ୟାଳୟ ପରିଚାଳନା କମିଟିରେ ଗଙ୍ଗାଧର ସାହୁ,ସୁଭଦ୍ରା ମେହେର,ସନ୍ତୋଷ ବାଗ, ଦୀପାଞ୍ଜଳି ସାହୁ,ମହେନ୍ଦ୍ର ମେହେର,ଭାମା ଧରୁଆ, ନରେଶ ମେହେର, ପିଙ୍କି ଧରୁଆ, ରମେଶ ମେହେର, ପ୍ରତିମା ସାହୁ, ଦଶରଥ ମେହେର ଓ ସୁବାସିନୀ ସାହୁ ମେମ୍ବର ରହିଛନ୍ତି l ଉକ୍ତ କମିଟିରେ ଗଙ୍ଗାଧର ସାହୁଙ୍କୁ ଚେୟାରମେନ୍ ଓ ପ୍ରତିମା ସାହୁଙ୍କୁ ଭାଇସ୍ ଚେୟାରମେନ୍ ଭାବେ ମନୋନୀତ କରାଗଲା l ପରିଶେଷରେ ଶିକ୍ଷକ ଅନିଲ ବାରିକ ଧନ୍ୟବାଦ ଅର୍ପଣ କରି ସଭା ସାଙ୍ଗ କରିଥିଲେ l