ବିଜେପୁର :- ସୁଶାନ୍ତ ସାହୁ ପାରିବାରିକ ବୋଝ ତଥା ବିଭିନ୍ନ ସମସ୍ୟା ସତ୍ତ୍ୱେ ସଂଗଠନ ଓ ସଚେତନତା ପାଇଁ ସମର୍ପିତ ନାରୀଟିଏ ହେଉଛନ୍ତି ସଞ୍ଜୁ ରଣା l ତାଙ୍କ ଘର ହେଉଛି ବିଜେପୁର ବ୍ଲକ ତାଳପଦର ଗ୍ରାମରେ l ମା'ମନୀଷା ସ୍ୱାୟଂସହାୟକ ଗୋଷ୍ଠୀର ସଦସ୍ୟା ସଂଜୁ ଜଣେ ମୋବିଲାଇଜର ଭାବରେ କାମ କରି ଆସିଛନ୍ତି l ବେକାରୀ ଓ ବେରୋଜଗାର ମହିଳା ମାନେ କିଭଳି ଭାବରେ ସ୍ୱାବଲମ୍ବୀ ହୋଇପାରିବେ ସେ ଉଦ୍ୟମ କରି ଆସିଛନ୍ତି l ମହିଳା ମାନେ ନର୍ସିଂ ଟ୍ରେନିଂ, ସିଲାଇ ଶିକ୍ଷା, ବିଦ୍ୟୁତ କାମ ତଥା ବିଭିନ୍ନ କ୍ଷୁଦ୍ର ଶିଳ୍ପ ମାଧ୍ୟମରେ ସ୍ୱାବଲମ୍ବୀ ହେଵା ପାଇଁ ସେ ମାର୍ଗଦର୍ଶନ କରିଆସୁଛନ୍ତି l ସ୍ଥାନୀୟ ବିଭିନ୍ନ ସ୍ୱୟଂସହାୟକ ଗୋଷ୍ଠୀମାନଙ୍କୁ ଦୃଷ୍ଟିଦେଇ   ସେସବୁର ସୁପରିଚାଳନା ପାଇଁ କାମ କରୁଛନ୍ତି l ତେଣୁ ତାଙ୍କ ସଚେତନତା ଓ ସାଙ୍ଗଠନିକ ଦକ୍ଷତା ଅନ୍ୟନ୍ୟା ମାନଙ୍କପାଇଁ ଉଦାହରଣ ହୋଇଛି l