ବିଜେପୁର, ସୁଶାନ୍ତ ସାହୁ : ବିଜେପୁର ବ୍ଲକ ର ବିଭିନ୍ନ ସ୍କୁଲରେ ସିରିଜ ଚୋରି ଅଂଚଳରେ ଚାଞ୍ଚଲ୍ୟ ଖେଳାଇ ଦେଇଛି l ୬ରୁ ଅଧିକ ସ୍କୁଲରୁ ଚାଉଳ ସମେତ ବିଭିନ୍ନ ସାମଗ୍ରୀ ଚୋରି ହୋଇଥିବା ଅଭିଯୋଗ ହୋଇଛି l ଅଭିଯୋଗ ଅନୁସାରେ ଗତ ୩ ତାରିଖ ରାତି ରେ କୁରକୁଟା ଉଚ୍ଚପ୍ରଥମିକ ସ୍କୁଲରେ ତାଲା ଭାଙ୍ଗି ୬ ପକେଟ ଚାଉଳ ଚୋରି ହୋଇଥିବା ବେଳେ ସନ୍ଧିବାହାଳୀ ପ୍ରାଥମିକ ସ୍କୁଲରୁ ୫ ପକେଟ ଚାଉଳ ଚୋରି ହୋଇଛି l ସେହିପରି ବ୍ରାହ୍ମଣୀପାଳି  ସ୍କୁଲ ରୁ ୨ ପକେଟ ଚାଉଳ ସହ ଏକ ସାଉଣ୍ଡ ସେଟ ଚୋରି ହୋଇଥିବା ଜଣାପଡିଛି l ମାନପୁର ଟିକିରା ସ୍କୁଲରୁ ମଧ୍ୟ ସାଉଣ୍ଡ ସେଟ ଚୋରି ହୋଇଛି l ଅନୁରୂପ ଭାବେ ଜେ ଶ୍ରୀଗୀଡା ଓ ବାଉଁଶପୋଲା ଉଚ୍ଚପ୍ରାଥମିକତା ସ୍କୁଲରୁ ଯଥା କ୍ରମେ ୪ ଓ ୩ ପକେଟ ଚାଉଳ ଚୋରି ହୋଇଛି l ଜେ ଶ୍ରୀଗୀଡା ସମେତ କେତକ ସ୍କୁଲର ପ୍ରଧାନ ଶିକ୍ଷକ ଏନେଇ ବିଜେପୁର ଥାନରେ ଏତାଲା ଦେଇଛନ୍ତି l ଅଭିଯୋଗ ଆଧାର ରେ ମାମଲା ରୁଜୁକରି ତଦନ୍ତଜାରି ରହିଥିବା ବିଜେପୁର ଥାନା ଅଧିକାରୀ ଜଗ ବରିହା ସୂଚନା ଦେଇଛନ୍ତି l ମଧ୍ୟାହ୍ନ ଭୋଜନ ପାଇଁ ଉକ୍ତ ଚାଉଳ ଥିଲା l ତେବେ ଚୋରି ହୋଇଥିବା ପରେ ପିଲାଙ୍କୁ ଖାଦ୍ୟପ୍ରଦାନ ରେ ସ୍କୁଲ କର୍ତ୍ତୃପକ୍ଷ ନାହିଁନଥିବା ଅସୁବିଧାର ଶମ୍ଭୁଖିନ ହୋଉଥିବା ଅଭିଯୋଗ କରିଛନ୍ତି l