ନବରଙ୍ଗପୂର: 02.10.2024,ଅଶୋକ ସାହୁ, ଶାସକ ପ୍ରଶାସକ,ଆଜି ନବରଙ୍ଗପୁର ଜିଳ୍ଲାର ର ସାତ ଗୋଟି ପଞ୍ଚାୟତରେ ଜନ ଯୋଜନା ଅଭିଯାନ ଅନ୍ତର୍ଗତ ସ୍ୱତନ୍ତ୍ର ଗ୍ରାମ ସଭା ଓ ପ୍ରଶିକ୍ଷଣ କାର୍ଯ୍ୟକ୍ରମ ଆଯୋଜିତ ହୋଇଯାଇଛି I ବିକଶିତ ଭାରତ ବିକଶିତ ପଞ୍ଚାୟତ ରୂପେ ଗଢି ତୋଳିବା ପାଇଁ ସବୁ କ୍ଷେତ୍ରରେ ପ୍ରଯାସ ଜାରି ରହିଛି । ଏହି ଅବସରରେ
ନବରଙ୍ଗପୁର ତେନ୍ତୁଳିଖୁଣ୍ଟି, ଡାବୁଗାଁ, ନନ୍ଦାହାଣ୍ଡି ଓ ପାପଡାହାଣ୍ଡି ବ୍ଲକ ର ସାତଟି ଗ୍ରାମ ପଞ୍ଚାୟତରେ ବିଶେଷ ଗ୍ରାମ ସଭା ସହ ପ୍ରଶିକ୍ଷଣ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମ ପିପୁଲ୍ସ ପ୍ଲାନ୍ କ୍ୟାମ୍ପେନ୍ (୨୦୨୪-୨୫) ର ଅଂଶ ଭାବରେ ଆୟୋଜନ କରାଯାଇଥିଲା, ଯାହା ଗ୍ରାମ ସ୍ତରରେ ଅଧିକ ସମାବେଶୀ ଏବଂ ଜଣ ଭାଗିଦାରୀ ଯୋଜନା ନିର୍ମାଣ ପାଇଁ ସମାଜକୁ ଅଂଶଗ୍ରହଣ କରାଇବା ଉଦ୍ଦେଶ୍ୟ ନେଇ ହୋଇଥିଲା। ନବରଙ୍ଗପୁର କୁ କିପରି ଆକାଂକ୍ଷୀ ଜିଲାରୁ ପ୍ରେରଣା ଦାୟୀ ଜିଲା ରେ ପରିଣତ କରିବାର ଲକ୍ଷ୍ୟକୁ ସାକାର କରିବା ତା ପ୍ରତି ଗୁରୁତ୍ବ ଦିଆଯାଇଛି।
ପୋଡାଲଗୁଡା ଗ୍ରାମ ପଞ୍ଚାୟତରେ ଏହି ବିଶେଷ ଗ୍ରାମ ସଭାରେ ମୁଖ୍ୟ ଅତିଥି ଭାବେ ମାନ୍ୟବର ବିଧାୟକ ନବରଙ୍ଗପୁର ଶ୍ରୀ ଗୌରୀ ଚରଣ ମାଝି, ମୁଖ୍ୟ ଉନ୍ନୟନ ଅଧିକାରୀ, ଜିଲ୍ଲା ପରିଷଦ ଶ୍ରୀ ବି ଏନ ଦର୍ବାନ, ଉପ ନିର୍ଦେଶକ ଓ ପିରାମଲ୍ ଫାଉଣ୍ଡେସନ୍ ର ପ୍ରୋଗ୍ରାମ୍ ମ୍ୟାନେଜର୍ ଶ୍ରୀ ବିକ୍ରମ କିଶୋର ରଣା ଅଂଶଗ୍ରହଣ କରିଥିଲେ। କାର୍ଯ୍ୟକ୍ରମର ମୂଳ ଉଦ୍ଦେଶ୍ୟ ହୋଇଥିଲା ଗ୍ରାମୀଣ ବିକାଶ ଏବଂ ସୁସ୍ଥ ଶାସନ ନେଇ ସମ୍ପୃକ୍ତ ସାମୁଦାୟିକ ଅଂଶଗ୍ରହଣ ନିଶ୍ଚିତ କରିବା, ଏହା ସହିତ ବରିଷ୍ଠ ନାଗରିକଙ୍କ ଓ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ସମାଜନାୟକମାନଙ୍କୁ ସମ୍ମାନ ଦେବା।ଏହି କାର୍ଯ୍ୟକ୍ରମ ରେ ସାମୁଦାୟିକ ଭାଗୀଦାରିକୁ ସୁନିଶ୍ଚିତ କରିବା ପାଇଁ ବିଶେଷ ପ୍ରଚାର ଓ ମାଇକିଂ, ଘରେ ଘରେ ଯାଇ ନିମନ୍ତ୍ରଣ କରାଯାଇଥିଲା, ଏବଂ ଏକ ଉତ୍ସାହିତ ରାଲି ସହିତ ବିଭିନ୍ନ ପଦକ୍ଷେପ ନିଆଯାଇଥିଲା।ଏହି ସ୍ୱତନ୍ତ୍ର ଗ୍ରାମ ସଭା ପାଇଁ ରାଲି, ସ୍ୱାସ୍ଥ୍ୟ ପରୀକ୍ଷା ଶିବିର ଏବଂ ସ୍ୱଚ୍ଛତା ହି ସେବା ଅଭିଯାନ ସହିତ ଅନ୍ୟାନ୍ୟ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହା ସହିତ ଏକ ପ୍ରତିକାତ୍ମକ ବୃକ୍ଷରୋପଣ କାର୍ଯ୍ୟକ୍ରମ "ମା ନାମରେ ଗୋଟିଏ ଗଛ' ପରିବେଶ ସୁରକ୍ଷା ପାଇଁ ଆୟୋଜିତ ହୋଇଥିଲା।ସରପଞ୍ଚଙ୍କ ସ୍ୱାଗତ ଭାଷଣ ସହ କାର୍ଯ୍ୟକ୍ରମର ଆରମ୍ଭ ହୋଇଥିଲା, ତା' ପରେ ରାଜ୍ୟ ସଂଗୀତ "ବନ୍ଦେ ଉତ୍କଳ ଜନନୀ" ଓ ବରିଷ୍ଠ ନାଗରିକମାନଙ୍କ ଅଭିଜ୍ଞତା ସହ ବିନିମୟ ହୋଇଥିଲା, ଯାହା ଏକ ସଫଳ ଓ ନିମନ୍ତ୍ରଣୀୟ ଅନୁଭବର ଅଂଶ ହୋଇଥିଲା। ଗ୍ରାମ ବିକାଶ ଲକ୍ଷ୍ୟ ସମ୍ପର୍କରେ ପ୍ରମୁଖ ଅଧିକାରୀମାନେ ସ୍ଥାନୀୟ ସତତ ବିକାଶ ଲକ୍ଷ, ପଞ୍ଚାୟତ ଉନ୍ନୟନ ସୂଚକ, ଗ୍ରାମ ପଞ୍ଚାୟତ ବିକାଶ ଯୋଜନା ୨୦୨୪-୨୫ ଏବଂ ଗ୍ରାମ ପଞ୍ଚାୟତ ଯୋଜନା ସହଯୋଗୀ ଦଳ ଗଠନ ଏବଂ ଏହାର ନିୟ ମିତ ବୈଠକ ବିଷୟରେ ଚର୍ଚ୍ଚା କରାଯାଇଥିଲା | ପିରାମଲ୍ ଫାଉଣ୍ଡେସନ୍ ର ପ୍ରୋଗ୍ରାମ୍ ମ୍ୟାନେଜର୍ ଦ୍ଵାରା ଗ୍ରାମ ପଞ୍ଚାୟତ କିପରି ଶିକ୍ଷା, ସ୍ୱାସ୍ଥ୍ୟ, ପୋଷଣ, କୃଷି, ସହିତ କିପରି ନଅ ଗୋଟି ସ୍ଥାନୀୟ ସତତ ବିକାଶ ଲକ୍ଷ ଆଧାରିତ ଯୋଜନା ପ୍ରସ୍ତୁତ କରି ପଞ୍ଚାୟତର ସମସ୍ତ ଗ୍ରାମ ଏବଂ ବ୍ୟକ୍ତିଙ୍କ ବିକାଶ କରିପାରିବ ଏହା ଉପରେ ବିଶେଷ ଧ୍ୟାନ ଦେଇଥିଲେ |ସଭାରେ ଉପସ୍ଥିତ ସମସ୍ତ ବରିଷ୍ଠ ନାଗରିକ ମାନଙ୍କୁ ସମ୍ମାନୀତ କରାଯିବା ସହିତ ପଞ୍ଚାୟତରେ ଶ୍ରେଷ୍ଠ କାର୍ଯ୍ୟ କରୁଥିବା ଆଶା, ଅଙ୍ଗନବାଡି ଦିଦି, ଏ ଏନ ଏମ, ଶିକ୍ଷକ, ସମାଜ ସେଵୀ ଏବଂ ସମାଜ ସେଵୀ ସଂସ୍ଥା ପିରାମଲ୍ ଫାଉଣ୍ଡେସନ୍ କୁ ସମ୍ମାନୀତ କରାଯାଇ ଥିଲା |
