ବେଲଗୁଣ୍ଠା, -(ଶିବରାମ ଚୌଧୁରୀ )-, ବେଲଗୁଣ୍ଠା ବିଜ୍ଞାପିତ ଅଞ୍ଚଳ ପରିଷଦ ଆନୁକୂଲ୍ୟରେ ସ୍ଵଚ୍ଛ ଚର୍ଚ୍ଚା ଦିବସ ଏବଂ ବଡ଼ାଖାନା କାର୍ଯ୍ୟକ୍ରମ କିରାପଲି ସ୍ଥିତ ମଳ ଉପଚାର କେନ୍ଦ୍ର ଠାରେ ଅନୁଷ୍ଠିତ ହୋଇଯାଇଛି I କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ବେଲଗୁଣ୍ଠା ନଗରପାଳ ଫିରୋଜ କୁମାର ସେଠୀ ଯୋଗ ଦେଇଥିବା ବେଳେ ସମସ୍ତ କାଉନସିଲର୍ ସମ୍ମାନୀତ ଅତିଥି ରୂପେ ଯୋଗ ଦେଇଥିଲେ I ଏହି ଅବସରରେ ପରିମଳ ବ୍ୟବସ୍ଥାରେ ଉତ୍ତର ଦାୟିତ୍ୱ ଏବଂ ସ୍ଵଚ୍ଛତା ଦିଗରେ ଉପସ୍ଥିତ ସମସ୍ତ ସଫେଇ କର୍ମଚାରୀ ,ସ୍ଵଚ୍ଛ କର୍ମୀ, ସ୍ଵଚ୍ଛ ସାଥୀ ଏବଂ ବ୍ୟବସ୍ଥା ସହିତ ଜଡ଼ିତ ସମସ୍ତ କର୍ମଚାରୀ ଆଲୋଚନା କରିଥିଲେ I ସମସ୍ତ କାର୍ଯ୍ୟକ୍ରମକୁ ସହର ମିଶନ୍ ପରିଚାଳକ ପ୍ରଫୁଲ୍ଲ ଷଡ଼ଙ୍ଗୀ ପରିଚାଳନା କରିଥିବା ବେଳେ ପରିମଳ ବିଶେଷଜ୍ଞ ଜି ପ୍ରବୀଣ କୁମାର ଦୈନନ୍ଦିନ କାର୍ଯ୍ୟରେ ଅନୁଭୂତ ସମସ୍ୟା ସମ୍ପର୍କରେ ଆଲୋକପାତ କରିଥିଲେ I ଗୋଷ୍ଠୀ ସଂଗଠିକା ଅଞ୍ଜଳି କୁମାରୀ ପଣ୍ଡା ଧନ୍ୟବାଦ ଜ୍ଞାପନ କରିଥିଲେ I