ଜଗତସିଂହପୁର/ସୁମନ୍ତ କୁମାର ଦାସ-ଆଜି ଉତ୍କଳ ଦିବସ ଶୁଭ ଅବସରରେ ଜଗତସିଂହପୁର ଜିଲ୍ଲାର ଜିଲ୍ଲା ପରିଷଦ କାର୍ଯ୍ୟାଳୟ, ରଘୁନାଥପୁର ବ୍ଲକ, ନାଉଗାଓଁ ବ୍ଲକ ଏବଂ ଜଗତ୍ସିଂହପୁର ବ୍ଲକରେ ୪ଟି ମିଶନ ଶକ୍ତି କାଫେ ଉଦ୍ଘାଟନ କରାଯାଇଥିଲା l ଜଗତ୍ସିଂହପୁର ବ୍ଲକ, ଏରାସାମା ବ୍ଲକ ଏବଂ ଜିଲ୍ଲା ପରିଷଦ ପରିସରରେ ଥିବା କାଫେଗୁଡିକ କଲେକ୍ଟର ଆଣ୍ଡ ଡିଏମ ଶ୍ରୀମତୀ ପାରୁଲ ପଟାୱାରୀ ମହୋଦୟା ଉଦ୍ଘାଟନ କରିଛନ୍ତି I ଏହି କାର୍ଯ୍ୟକ୍ରମରେ ମୁଖ୍ୟ ବିକାଶ ଅଧିକାରୀ ତଥା କାର୍ଯ୍ୟନିର୍ବାହୀ ଅଧିକାରୀ ଡକ୍ଟର ରୁଦ୍ର ନାରାୟଣ ଦାଶ, ଅଧ୍ୟକ୍ଷ, ଜିଲ୍ଲା ପରିଷଦ ଶ୍ରୀ ମନୋଜ ଭୋଇ, ସମ୍ପୃକ୍ତ ବ୍ଲକ ବିକାଶ ଅଧିକାରୀ ଏବଂ ମିଶନ ଶକ୍ତି, ଓଏଲଏମ ଏବଂ ଓଆରଏମଏସର ସମସ୍ତ କର୍ମଚାରୀ ଉପସ୍ଥିତ ଥିଲେ। ସେହିଭଳି ରଘୁନାଥପୁର ବ୍ଲକ ଏବଂ ନାଉଗାଓଁ ବ୍ଲକରେ ସମ୍ପୃକ୍ତ ବ୍ଲକ ଅଧ୍ୟକ୍ଷା ଏହି କାଫେ ଉଦ୍ଘାଟନ କରିଛନ୍ତି। ବ୍ଲକ୍ ବିକାଶ ଅଧିକାରୀଙ୍କ ସହିତ ମିଶନ୍ ଶକ୍ତି ଏବଂ ଓଏଲ୍ଏମ୍ କର୍ମଚାରୀ ମାନେ ଉପସ୍ଥିତ ଥିଲେ। ମିଶନ୍ ଶକ୍ତିର ଜିଲ୍ଲା ପ୍ରକଳ୍ପ ସଂଯୋଜକ ଶ୍ରୀ. ଅଭିକ୍ ନରେନ୍ ଏବଂ OLM ର ଜିଲ୍ଲା ପ୍ରକଳ୍ପ ପରିଚାଳକା ଶ୍ରୀମତୀ ପ୍ରେମସୀ ନାୟକ, ORMAS ର ପ୍ରୋଜେକ୍ଟ ଏଜୁକ୍ୟୁଟିଭ୍, OLM ଏବଂ ମିଶନ ଶକ୍ତି ର YPs ଏବଂ ବ୍ଲକ କର୍ମଚାରୀ ଏହି କାର୍ଯ୍ୟକ୍ରମରେ ମଧ୍ୟ ଉପସ୍ଥିତ ଥିଲେ । ଏହି ମିଶନ୍ ଶକ୍ତି କାଫେଗୁଡିକ ଗ୍ରାମାଞ୍ଚଳର ମହିଳା SHG ସଦସ୍ୟମାନଙ୍କୁ ଏକ ଉତ୍ତମ ଜୀବିକା ଉତ୍ପାଦନ ତଥା ସାମାଜିକ-ଅର୍ଥନତିକ ସ୍ଥିତିର ଉନ୍ନତି ପାଇଁ ସେମାନଙ୍କର ଉଦ୍ୟୋଗୀ ଦକ୍ଷତାର ବୃଦ୍ଧି ଦିଗରେ ଏକ ଉତ୍ତମ ପ୍ଲାଟଫର୍ମ ପ୍ରଦାନ କରିବ | ଉନ୍ନତ ସେବା ଯୋଗାଇବା ପାଇଁ ସେମାନଙ୍କୁ ଭୁବନେଶ୍ୱରର ଇନଷ୍ଟିଚ୍ୟୁଟ୍ ଅଫ୍ ହୋଟେଲ ମ୍ୟାନେଜମେଣ୍ଟରେ ଆତିଥ୍ୟ ପରିଚାଳନା ଉପରେ ତାଲିମ ଦିଆଯାଇଛି।