ଆଠମଲ୍ଲିକ :- ଆଠମଲ୍ଲିକ ଠାରେ ଏକ ମେଗା ଆଇନସେବା ସଚେତନତା ଶିବିର କୁ ତାଲୁକ ଆଇନସେବା କମିଟି, ଆଠମଲ୍ଲିକ ଓ ଜିଲା ପ୍ରଶାସନ, ଅନୁଗୋଳ ର ମିଳିତ ସହଭାଗିତା ରେ ରବିବାର ସ୍ଥାନୀୟ ମିନି ଷ୍ଟାଡିଅମ ଖେଳ ପଡିଆ ଠାରେ ଅନୁଷ୍ଠିତ ହୋଇଥିବା ଜଣାଯାଇଛି l ଏହି ଶିବିର ରେ ମୁଖ୍ୟଅତିଥି ଭାବେ ଜିଲା ଦୌରାଜଜ ପ୍ରଣବ କୁମାର ପାତ୍ର, ସମ୍ମାନିତ ଅତିଥିଭାବେ ଅନୁଗୋଳ ଅତିରିକ୍ତ ଜିଲାପାଳ ରଜନୀକାନ୍ତ ସ୍ୱାଇଁ, ଅତିରିକ୍ତ ଆରକ୍ଷୀ ଅଧିକ୍ଷକ ପ୍ରତାପ କୁମାର ବିଶ୍ୱାଳ, ଉପଜିଲ୍ଲାପାଳ ତରଣୀ ସୁନା ଯୋଗଦେଇଥିଲେ l ଜିଲା ଦୌରାଜଜ ଶ୍ରୀ ପାତ୍ର ଓ ଅନ୍ୟ ଅତିଥିମାନଙ୍କୁ ପ୍ରଥମେ ବସଷ୍ଟାଣ୍ଡ ସ୍ଥିତ ହନୁମାନ ମନ୍ଦିର ଠାରେ ଆଠମଲ୍ଲିକ ଆଇନଜୀବି ମାନଙ୍କ ପକ୍ଷରୁ ସ୍ୱାଗତ କରାଯାଇଥିଲା l ସେଠାରୁ ଦୁଲଦୁଲି ବାଜା ବଜାଯାଇ ଓ ଆଠମଲ୍ଲିକ ମହାବିଦ୍ୟାଳୟ ର ଏନସିସି କ୍ୟାଡେଡ଼ ମାନଙ୍କ ଦ୍ୱାରା ପରେଡ କରାଯାଇ ମିନିଷ୍ଟାଡିଅମ ନିକଟକୁ ଅତିଥିମାନଙ୍କୁ ଶୋଭାଯାତ୍ରା ରେ ନିଆଯାଇଥିଲା l ଜିଲା ଦୌରାଜଜ ଶ୍ରୀ ପାତ୍ର ଅନ୍ୟ ଅତିଥିମାନଙ୍କ ସହ ପ୍ରଥମେ ଶିବିର ରେ ନିର୍ମାଣ ହୋଇଥିବା ଷ୍ଟଲ କୁ ଫିତାକାଟି ଉଦଘାଟିତ କରିବା ପରେ ମେଗା ଆଇନସେବା ଶିବିର କୁ ଜଗନ୍ନାଥ ଙ୍କ ଠାରେ ଜିଲା ଦୌରାଜଜ ଶ୍ରୀ ପାତ୍ର ପ୍ରଦୀପ ପ୍ରଜ୍ବଳନ କରି ସଚେତନତା ଶିବିର କୁ ଆନୁଷ୍ଠାନିକ ଭାବେ ଉଦଘାଟିତ କରିଥିଲେ l ଏହାପରେ ଜାତୀୟ ଆଇନସେବା କ୍ଷମତା ବିଷୟବସ୍ତୁ ଥିବା ସଂଗୀତ ଗାନ କରାଯାଇଥିଲା l ଏହି ଶିବିର କୁ ଏସଡିଜେଏମ ମାନସୀ ପ୍ରଧାନ ପରିଚାଳନା କରିଥିଲେ l ଅତିଥିମାନଙ୍କ ପରିଚୟ ପ୍ରଦାନ ପରେ ସରସ୍ବତୀ ଶିଶୁ ବିଦ୍ୟାମନ୍ଦିର ର ଛାତ୍ରୀମାନଙ୍କ ଦ୍ୱାରା ବନ୍ଦେ ଉତ୍କଳ ଜନନୀ ଗାନ କରାଯାଇଥିଲା l ଶିକ୍ଷକ ଶ୍ରୀକାନ୍ତ ମାହାର ଙ୍କ ଦ୍ୱାରା ରଚନା ଓ ନିର୍ଦେଶନା ଦିଆଯାଇଥିବା ବାଳିକା ଶିଶୁ ଶୋଷଣ ଉପରେ ଆଧାରିତ ସଚେତନତା କାର୍ଯ୍ୟକ୍ରମ "ଜାଗୃତି " କୁ ସ୍ଥାନୀୟ ସରସ୍ବତୀ ଶିଶୁ ବିଦ୍ୟାମନ୍ଦିର ଛାତ୍ରୀମାନେ ପରିବେଷଣ କରିଥିଲେ l କିଆକଟା ୟୁପି ସ୍କୁଲ ଛାତ୍ରୀମାନଙ୍କ ଦ୍ୱାରା ନୃତ୍ୟ ମାଧ୍ୟମରେ ନାରୀ ସଶକ୍ତିକରଣ ଭିତ୍ତିକ ସଚେତନତା କାର୍ଯ୍ୟକ୍ରମ କରାଯାଇଥିଲା l ଶେଷରେ ବାହାଳୀ ୟୁପି ସ୍କୁଲ ଛାତ୍ରୀମାନଙ୍କ ଦ୍ୱାରା ନାରୀଶିକ୍ଷା ଉପରେ ସଚେତନତା ସୃଷ୍ଟି କରାଯାଇଥିଲା l ମୁଖ୍ୟ ଅତିଥି ଜିଲା ଦୌରାଜଜ ଶ୍ରୀ ପାତ୍ର ଓ ଅତିରିକ୍ତ ଜିଲାପାଳ ଶ୍ରୀ ସ୍ୱାଇଁ ଙ୍କ ଦ୍ୱାରା ଭିନ୍ନକ୍ଷମ ଗୁରୁଦେବ ମହାନନ୍ଦିଆ ଙ୍କୁ ତିନିଚକିଆ ସାଇକେଲ, ମିତା ଲହରା ଓ ପ୍ରବାସ କର୍ଣ୍ଣ ଙ୍କୁ ହୁ୍ୱିଲ ଚେୟାର , ମଞ୍ଜୁଳ ବେହେରା ଓ ଭ୍ରମରବର ପୃଷ୍ଟି ଙ୍କୁ ବାର୍ଦ୍ଧକ୍ୟ ଭତ୍ତା, ବିଭୁତି କଅଁର ଙ୍କୁ ଭିନ୍ନକ୍ଷମ ବିଭାହ ସହାୟତା, ଧିରେନ ବେହେରା ଓ ବିଶ୍ଵାମିତ୍ର ସିଙ୍ଗିରା ଙ୍କୁ ଜମିପଟ୍ଟା, ରୋହିତ ଅଦାବର ଓ ତପନ ଦନ୍ତା ଙ୍କୁ ଶ୍ରମକାର୍ଡ, ହରିପୁର ଗ୍ରାମର ବୀଣାପାଣି ସ୍ୱୟଂ ସହାୟକ ଗୋଷ୍ଠୀ ଓ ପାଇକସାହି ର ଜଗତଜନନୀ ସ୍ୱୟଂ ସହାୟକ ଗୋଷ୍ଠୀ ଙ୍କୁ ଋଣ ଯୋଜନାକୁ ବଣ୍ଟନ କରାଯାଇଥିଲା l ଏହି ଶିବିର ରେ ତାଲୁକ ଲିଗାଲ ଆଇନସେବା ସମେତ ସମୁଦାୟ ୩୬ ଟି ସରକାରୀ ବିଭାଗ ର ଷ୍ଟଲ କରାଯାଇଥିବା ଜଣାଯାଇଛି l ଶ୍ରମବିଭାଗ ପକ୍ଷରୁ ୯0 ଟି ଶ୍ରମକାର୍ଡ ଓ ୨୮ ଟି ଅଣ ସଂଗଠିତ କାର୍ଡ, ସାମାଜିକ ନ୍ୟାୟ ଓ ସଶକ୍ତି କରଣ ବିଭାଗ ପକ୍ଷରୁ ୫0 ଜଣ ଙ୍କୁ ବାର୍ଦ୍ଧକ୍ୟ ଭତ୍ତା, ୨ ଟି ହୁଇଲ ଚେୟାର, ୧ ଟି ୩ ଚକିଆ ସାଇକେଲ, ସମନ୍ବିତ ଶିଶୁ ବିକାଶ ପ୍ରକଳ୍ପ ବିଭାଗ ପକ୍ଷରୁ ୨ ଟି ସ୍ୱୟଂ ସହାୟକ ଗୋଷ୍ଠୀ ଙ୍କୁ ୫0 ହଜାର ଓ ୧ ଲକ୍ଷ ଋଣ ପ୍ରଦାନ, ଆଠମଲ୍ଲିକ ଓ କିଶୋରନଗର ବ୍ଲକ ପକ୍ଷରୁ ଦିନଦୟାଲ ଉପାଧ୍ୟାୟ ଗ୍ରାମୀଣ କୌଶଲ୍ୟ ଯୋଜନାରେ ୨0 ଜଣଙ୍କୁ ମାନପତ୍ର ଓ ଉପଢୌକନ ପ୍ରଦାନ, ୨0 ଜଣଙ୍କୁ ଗୋଷ୍ଠୀ ନିବେଶ ପାଣ୍ଠି ଦ୍ୱାରା ୨ ଟି ୫0 ହଜାର ଲେଖାଏଁ,୧ ଟି ୭0 ହଜାର ଓ ୧୭ ଜଣଙ୍କୁ ୧ ଲକ୍ଷ ଲେଖାଏଁ ପ୍ରଦାନ, ଆଠମଲ୍ଲିକ ତହସିଲ କାର୍ଯ୍ୟାଳୟ ପକ୍ଷରୁ ୩୨ ଜଣଙ୍କୁ ଉତ୍ତରାଧିକାରୀ ସାର୍ଟିଫିକେଟ, ୨୨ ଜଣଙ୍କୁ ଜମିପଟ୍ଟା ଓ ୧0ଜଣଙ୍କୁ ଅନ୍ୟାନ୍ୟ ସାର୍ଟିଫିକେଟ ପ୍ରଦାନ, କିଶୋରନଗର ତହସିଲ ପକ୍ଷରୁ ୨୨ ଜଣଙ୍କୁ ଜମିପଟ୍ଟା ପ୍ରଦାନ, ଶ୍ରମ ବିଭାଗ ପକ୍ଷରୁ ୨ ଜଣ ଶ୍ରମିକ ଙ୍କୁ ବିଭାହ ପାଇଁ ୫0ହଜାର ଲେଖାଏଁ,୨ ଜଣ ଶ୍ରମିକ ଙ୍କ ମୃତ୍ୟୁ ପାଇଁ ୨ ଲକ୍ଷ ୫ ହଜାର ଲେଖାଏଁ, ଶିକ୍ଷାଦାନ ପାଇଁ ୩ ଜଣଙ୍କୁ ୪, ୫ ଓ ୭ ହଜାର ଟଙ୍କା ଲେଖାଏଁ ସହାୟତା ଓ ଶେଷରେ ଆଠମଲ୍ଲିକ ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ୬ ଜଣଙ୍କୁ ବାର୍ଦ୍ଧକ୍ୟ ଭତ୍ତା, ୨ ଜଣଙ୍କୁ ୩ ହଜାର ଲେଖାଏଁ ହରିଶ୍ଚନ୍ଦ୍ର ଯୋଜନା ଓ ୫ ଜଣଙ୍କୁ ଜାଗାମିଶନ ଯୋଜନାରେ ଜମିପଟ୍ଟା ପ୍ରଦାନ କରାଯାଇଥିଲା l ଉକ୍ତ ମେଗା ଆଇନସେବା ସଚେତନତା କାର୍ଯ୍ୟକ୍ରମ ରେ ଅନ୍ୟମାନଙ୍କ ମଧ୍ୟରେ ଅତିରିକ୍ତ ଜିଲାଜଜ ଲକ୍ଷ୍ମୀନାରାୟଣ ରାୟ ଚୌଧୁରୀ, ସବଜଜ ବିନୋଦ କୁମାର ସାହୁ, ଗୋଷ୍ଠୀ ଉନ୍ନୟନ ଅଧିକାରୀ ସୌଭାଗ୍ୟ ବେହେରା,ତହସିଲଦାର ଯଶୋବନ୍ତ ଦେହୁରୀ, କିଶୋରନଗର ଗୋଷ୍ଠୀ ଉନ୍ନୟନ ଅଧିକାରୀ ବିନୋଦ କୁମାର ବେହେରା, ତହସିଲଦାର ଶାନ୍ତିସ୍ୱରୂପ ମିଶ୍ର ଓ ସହକାରୀ ଜିଲାପାଳ କୁଳମଣି ଦଳେଇ ଉପସ୍ଥିତ ରହି ଶିବିର କୁ ପରିଚାଳନା କରିଥିଲେ l ଏହି କାର୍ଯ୍ୟକ୍ରମ ରେ ଆଠମଲ୍ଲିକ ସିଭିଲ କୋର୍ଟ ରେ କାର୍ଯ୍ୟରତ ଆଇନଜୀବୀ ମାନଙ୍କ ସହ ହଜାର ହଜାର ସଂଖ୍ୟାରେ ହିତାଧିକାରୀ ଓ ଜନସାଧାରଣ ଯୋଗ ଦେଇଥିଲେ l