ଜଗତସିଂହପୁର/ସୁମନ୍ତ କୁମାର ଦାସ: ଜଗତସିଂହପୁର ଜିଲ୍ଲାରେ ଥିବା ନବକୃଷ୍ଣ ଚୌଧୁରୀ ଷ୍ଟାଡିଅମରେ ଅକ୍ଟୋବର ୧୧ ତାରିଖଠାରୁ ୧୭ ତାରିଖ ପର୍ଯ୍ୟନ୍ତ ୧୭ ବର୍ଷରୁ କମ ଅନ୍ତଃ ବିଦ୍ୟାଳୟ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି l ଏହି ଉତ୍ସବରେ ମୁଖ୍ୟ ଅତିଥିଭାବେ ସରକାରୀ ମୁଖ୍ୟ ସଚେତକ ତଥା ବିଧାୟକ ଶ୍ରୀ ପ୍ରଶାନ୍ତ କୁମାର ମୁଦୁଲି କହିଲେ କ୍ରୀଡା ସାରା ବିଶ୍ୱକୁ ବାନ୍ଧି ରଖିଛି ସାରା ଭାରତରେ ଓଡିଶା ଆଜି କ୍ରୀଡାରେ ରୋଲ ମଡେଲ ସାଜିଛି l ଭୁବନେଶ୍ୱରରେ ହକି ବିଶ୍ୱକପ ଓ ଏସିଆଡ୍ ଗେମ ଅନୁଷ୍ଠିତ ହୋଇଛି l ଓଡିଶା ସରକାର ସଫଳ ଭାବରେ କ୍ରୀଡା ଆୟୋଜନ କରି ଇତିହାସ ସୃଷ୍ଟି କରିଛି l ଏହି ଉତ୍ସବରେ ମୁଖ୍ୟବକ୍ତା ଭାବେ ସାଂସଦ ରାଜଶ୍ରୀ ମଲ୍ଲିକ କହିଲେ ଆଜି ରାଜ୍ୟରେ ବିଶ୍ଵାସ୍ତରୀୟ କ୍ରୀଡା ଆୟୋଜିତ ହେଇଛି l କ୍ରୀଡା ଦ୍ୱାରା ପିଲାମାନଙ୍କର ଶାରୀରିକ ଓ ମାନସିକ, ବୌଦ୍ଧିକ ବିକାଶ ସାଧିତ ହୁଏ l ସମ୍ମାନିତ ଅତିଥିଭାବେ ମନୋଜ କୁମାର ଭୋଇ କ୍ରୀଡା ବିଷୟରେ ଆଲୋଚନା କରିଥିଲେ l ସମ୍ମାନିତ ଅତିଥିଭାବେ ଯୋଗଦେଇ ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ଅର୍ଚ୍ଚନା ସିଂ ଓ ଜଗତସିଂହପୁର ପଂଚାୟତ ଅଧ୍ୟକ୍ଷା ଶ୍ରୀମତୀ କନକପ୍ରଭା ଲେଙ୍କା ସମ୍ମାନିତ ଭାବେ ଯୋଗଦେଇ କ୍ରୀଡା ବିଷୟରେ ଭାଷଣ ଦେଇଛନ୍ତି l ଏହି ଫୁଟବଲ କ୍ରୀଡା ପ୍ରତିଯୋଗିତାରେ ପ୍ରତି ବ୍ଲକରୁ ୨ ଟି ଦଳ ବାଳକ ଓ ବାଳିକା ଯୋଗଦେଇଥିଲେ l ପ୍ରତି ଟିମରେ ୧୫ ଜଣ ହିସାବରେ ମୋଟ ୨୪୦ ପ୍ରତିଯୋଗୀ ଅଂଶଗ୍ରହଣ କରିଥିଲେ l ବାଳିକା ଗ୍ରୁପର ତିର୍ତ୍ତୋଲ ବ୍ଲକ ଚାମ୍ପିୟାନ ହୋଇଥିବା ବେଳେ କୁଜଙ୍ଗ ବ୍ଲକ ଦ୍ୱିତୀୟ ସ୍ଥାନ ଅଧିକାର କରିଥିଲେ l ସେହିପରି ବାଳକ ବର୍ଗରେ ତିର୍ତ୍ତୋଲ ବ୍ଲକ ଚାମ୍ପିୟାନ ହୋଇଥିବା ବେଳେ ବିରିଡି ବ୍ଲକ ରନର୍ସଅଫ ହୋଇଥିଲା l ମୁଖ୍ୟଅତିଥି ଚାମ୍ପିୟାନ ଓ ରନର୍ସଅଫକୁ ସିଲଡ଼ ପ୍ରଦାନ କରିଥିଲେ l ଜିଲ୍ଲା ଶିକ୍ଷା ଅଧିକାରୀ ଶ୍ରୀ ନିରଞ୍ଜନ ବେହେରା ଏହି ଉତ୍ସବର ଅଧ୍ୟକ୍ଷତା କରିଥିଲେ l ପରିଚାଳନା କରିଥିଲେ ଶ୍ରୀ ବିଦ୍ୟାଧର ପ୍ରଧାନ ଓ ମାର୍କଣ୍ଡପୁର ହାଇସ୍କୁଲ ପ୍ରଧାନଶିକ୍ଷକ ଶ୍ରୀ ସୁଭାଷ କୁମାର ରାଉତ ଅତିଥି ପରିଚୟ ପତ୍ର ପ୍ରଦାନ କରିଥିଲେ l ସଂଗୀତ ଓ ସଂସ୍କୃତିକ କାର୍ଯ୍ୟକ୍ରମ ପରିଭେଷଣ ହୋଇଥିଲା l ଶେଷରେ ଅତିରିକ୍ତ ଜିଲ୍ଲା ଅଧିକାରୀ ଶ୍ରୀମତୀ ରାଜଶ୍ରୀ ସାହୁ ଧନ୍ୟବାଦ ଅର୍ପଣ କରିଥିଲେ l