ପଦ୍ମପୁର : ପଦ୍ମପୁର ସହରର ପ୍ରତିଷ୍ଠିତ ବ୍ୟବସାୟୀ ସତ୍ୟନାରାୟଣ ଅଗ୍ରୱାଲଙ୍କ ପରଲୋକ ହୋଇଯାଇଛି।ତାଙ୍କର ମୃତ୍ୟୁ ଖବର ପାଇ ଶତାଧିକ ଅଂଚଳବାସୀ ବାସଭବନକୁ ଆସି ଶେଷ ଦର୍ଶନ କରିଥିଲେ। ବାଲ୍ୟକାଳରୁ ସେ ଜଣେ କର୍ମଠ,କଷ୍ଟସହିଷ୍ଣୁ,ଧର୍ମପରାୟଣ,ପରୋପକାରୀ ବ୍ୟକ୍ତି ଥିଲେ।ଶଗଡ ଗାଡିରେ ଲୁଗା ବୋହି ବିଭିନ୍ନ ଗ୍ରାମରେ ବିକ୍ରି କରି ଜନପ୍ରିୟ ହୋଇଥିଲେ।୧୯୯୧ ପରେ ସେ ସହରରେ ଏକ ସ୍ଥାୟୀ ତେଜରାତି ଦୋକାନ କରି ପ୍ରତିଷ୍ଠା ଲାଭ କରିଥିଲେ। ମୃତ୍ୟୁ ପରେ ସ୍ତ୍ରୀ ରାମଦୁଲାରୀ, ପୁଅ ପବନ, ବୈଦ୍ୟନାଥ, ପୁରୁଷୋତ୍ତମ ଓ ସଂପର୍କିୟଙ୍କୁ ଛାଡି ଚାଲିଯାଇଛନ୍ତି। ସ୍ଥାନୀୟ ଶ୍ମଶାନରେ ଶେଷକୃତ୍ୟ ସଂପନ୍ନ ହୋଇଥିଲା। ବଡପୁଅ ପବନ ମୁଖାଗ୍ନି ଦେଇଥିଲେ।