ମେଲଛାମୁଣ୍ଡା(ଶାସକ ପ୍ରଶାସକ)-ମେଲଛାମୁଣ୍ଡା ଥାନା ଅର୍ନ୍ତଗତ ଖଲିଆମୁଣ୍ଡା ଗ୍ରାମରେ ସଦାନନ୍ଦ ସାହୁ (୬୫)ଙ୍କର ମୃତ ଶରୀର ଗ୍ରାମ ନିକଟସ୍ଥ ରିର୍ଜଭ ଜଙ୍ଗଳର ଏକ ଗଛରେ ଝୁଲୁଥିବା ଲୋକେ ଦେଖି ତାଙ୍କ ପରିବାର ବର୍ଗ ସହ ମେଲଛାମୁଣ୍ଡା ପୁଲିସକୁ ଖବର ଦେଇଥିଲେ । ଖବର ପାଇ ପୁଲିସ ଘଟଣା ସ୍ଥଳରେ ପହଂଚି ଶବଟିକୁ ଜବତ କରି ପଦ୍ମପୁର ଡାକ୍ତରଖାନାକୁ ବ୍ୟବଛେଦ ପାଇଁ ପଠାଇଥିଲେ । ଏ ନେଇ ମେଲଛାମୁଣ୍ଡା ଥାନା ୟୁଡି କେସ ନଂ ୮/୨୨ ରେ ଏକ ମାମଲା ରୁଜୁ କରି ଏଏସଆଇ ଶ୍ରଦ୍ଧାକର କନ୍ଧ ତଦନ୍ତ କରୁଛନ୍ତି । ପୁଲିସସୂତ୍ରରୁ ପ୍ରାପ୍ତସୂଚନାନୂସାରେ ବୁଧବାର ଦିନ କୌଣସି କଥାକୁ ନେଇ ମୃତ ସଦାନନ୍ଦ ଏବଂ ତାଙ୍କ ପୁତ୍ରବଧୁ ମଧ୍ୟରେ ଗଣ୍ଡଗୋଲ ହୋଇଥିଲା । ମୃତକ ଉତ୍ୟକ୍ତ ହୋଇ ଏକ କୁରାଢିରେ ପୁତ୍ରବଧୁକୁ ଆକ୍ରମଣ କରିଥିଲେ । ପୁତ୍ରବଧୁ ଜଣକ ଗୁରୁତର ଅବସ୍ଥାରେ ମେଲଛାମୁଣ୍ଡା ଥାନାକୁ ଆସି ଶଶୁର ସଦାନନ୍ଦ ନାମରେ ଅଭିଯୋଗ କରିବାରୁ ପୁଲିସ ସଦାନନ୍ଦଙ୍କ ନାମରେ ଏକ ମାମଲା ରୁଜୁ କରିସାରିଛି । ଅନ୍ୟ ପଟେ ଗଣ୍ଡଗୋଲ ପରଠୁ ସଦାନନ୍ଦ ଘରୁ ଫେରାର ଥିଲେ । ହେଳେ ବୁଧବାର ଦିନ ଅଚାନକ ଭାବେ ସଦାନନ୍ଦ ନିଜେ ଫେରିବା ପରିବର୍ତେ ତାଙ୍କ ମରଶରୀର ଘରକୁ ଫେରିଥିଲା । ଘଟଣାଟି ଅଂଚଳରେ ଚର୍ଚ୍ଚାର ବିଷୟ ପାଲଟିଛି ।