ନବାନ୍ନ ପ୍ରସାଦ ପାଇବାକୁ ଭକ୍ତ ଙ୍କର ପ୍ରବଳ ଗହଳି

ବରଗଡ :- ପ୍ରସିଦ୍ଧି ତୀର୍ଥ କ୍ଷେତ୍ର ଶ୍ରୀ ଶ୍ରୀ ନୃସିଂହନାଥ ମହାପ୍ରଭୁଙ୍କ ମନ୍ଦିରରେ , ମହାପ୍ରଭୁ ମାର୍ଜରକେଶରୀ ଙ୍କର ନିକଟରେ ଆଜି ପୂର୍ବ ନିର୍ଦ୍ଧାରିତ ଲଗ୍ନ ଅନୁସାରେ ସମ୍ପୁର୍ଣ୍ଣ ନୀତି ନୀୟମ ରେ ନବାନ୍ନ ଅର୍ପଣ କରାଯାଇଛି । ଆଜି ମନ୍ଦିର ସେବାୟତ ଓ ପୂଜକ ମାନଙ୍କ ଦ୍ୱାରା ନିର୍ଦ୍ଧାରିତ ସମୟରେ ପାର୍ଶ୍ଵ ଦେବଦେବୀ ଙ୍କୁ ନିମନ୍ତ୍ରଣ ପରେ ବିଶେଷ ନୀତି କରାଯିବା ପରେ ମହାପ୍ରଭୁ ଓ ପାର୍ଶ୍ଵ ଦେବା ଦେବୀଙ୍କୁ ନବାନ୍ନ ଭୋଗ ଅର୍ପଣ କରାଯାଇଥିଲା । ଗତ ଦୁଇ ବର୍ଷ ଧରି କୋରୋନା କଟକଣା ପାଇଁ ନବାନ୍ନ ସମୟରେ ଭକ୍ତ ଙ୍କ ପାଇଁ ରହିଥିବା କଟକଣା କାରଣରୁ ନାବାନ୍ନ ଦିନ ଭକ୍ତ ଓ ଶ୍ରଦ୍ଧାଳୁ ନାବାନ୍ନ ପାଇବାରୁ ବଞ୍ଚିତ ହେଉଥିଲେ । ଚଳିତ ବର୍ଷ କୋଣସି କଟକଣା ନଥିବା କାରଣରୁ ନବାନ୍ନ ପ୍ରସାଦ ପାଇବା ପାଇଁ ପ୍ରବଳ ଜନସମାଗମ ହୋଇଥିଲା । ଚଳିତ ବର୍ଷ ଛତିଶଗଡ଼ ରାଜ୍ୟରୁ ବହୁ ସଂଖ୍ୟାରେ ଭକ୍ତ ନବାନ୍ନ ଅବସରରେ ମହାପ୍ରଭୁ ଙ୍କର ଦର୍ଶନ ଲାଭ କରିବା ସହିତ ନବାନ୍ନ ମହାପ୍ରସାଦ ପାଇଥିଲେ । କଟକଣା ହଟିବା ପରେ ଚଳିତ ବର୍ଷ ପ୍ରବଳ ଭିଡକୁ ଦେଖି ମନ୍ଦିର ପ୍ରଶାସନ ତରଫରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଥିଲା ବୋଲି ଶ୍ରୀ ଶ୍ରୀ ନୃସିଂହନାଥ ମନ୍ଦିର କାର୍ଯନିର୍ବାହୀ ଅଧିକାରୀ ଶ୍ରୀ ପୁରୁଷୋତ୍ତମ ପ୍ରଧାନ ଜଣାଇଛନ୍ତି ।