ଭୂବନେଶ୍ୱର : ଅତ୍ୟାବଶ୍ୟକ ସାମଗ୍ରୀର ଦରବୃଦ୍ଧି ଓ ଉତ୍କଟ ବେକାରୀ ସମସ୍ୟା ପ୍ରତିବାଦରେ କେନ୍ଦ୍ର ସରକାରଙ୍କ ବିରୋଧରେ ଅଖିଳ ଭାରତ କଂଗ୍ରେସ କମିଟି ନିର୍ଦ୍ଦେଶକ୍ରମେ ଦିଲ୍ଲୀର ରାମଲୀଳା ମଇଦାନରେ ଆହୁତ ମହଙ୍ଗାଇ ପର ହଲ୍ଲା ବୋଲ - ଚଲୋ ଦିଲ୍ଲୀ ସମାବେଶ ଆସନ୍ତା ଅଗଷ୍ଟ ୨୮ ତାରିଖ ପରିବର୍ତେ ସେପ୍ଟେମ୍ବର ୪ ତାରିଖ ଦିନ ଅନୁଷ୍ଠିତ ହେବ । ତେଣୁ ଓଡ଼ିଶାରୁ ଯୋଗ ଦେବାକୁ ଯାଉଥିବା କର୍ମୀ ଓ ନେତୃବୃନ୍ଦ ୩ ତାରିଖ ସୁଦ୍ଧା ନୂଆଦିଲ୍ଲୀରେ ପହଂଚିବା ଅନିବାର୍ଯ୍ୟ । ଏହି ସମାବେଶରେ ଓଡ଼ିଶାରୁ ବିଭିନ୍ନ ଜିଲ୍ଲାରୁ ଯେଉଁମାନେ ଯୋଗ ଦେବେ ସେମାନଙ୍କ ଯାତାୟତ ସଂପର୍କୀତ ସବିଶେଷ ବିବରଣୀ ଜିଲ୍ଲା ସଭାପତି ଓ ପର୍ଯ୍ୟବେକ୍ଷକମାନଙ୍କ ସହ ସମନ୍ୱୟ ରକ୍ଷା କରି ଆସନ୍ତା ଅଗଷ୍ଟ ୨୮ ତାରିଖ ସୁଧା ଉପଲବ୍ଧ କରାଇବା ପାଇଁ ପ୍ରଦେଶ କଂଗ୍ରେସ କମିଟି ପକ୍ଷରୁ ଉପସଭାପତି ଶ୍ରୀ ଯଜେ୍ଞଶ୍ୱର ବାବୁ ସୂଚନା ଦେଇଛନ୍ତି ।