ବରଗଡ : ବିଜୁ ଜନତା ଦଳର ୨୫ତମ ବର୍ଷ ପୂର୍ତ୍ତି ଅବସରରେ ଆଜି ବରଗଡ ଜିଲ୍ଲା ବିଜୁ ମହିଳା ଜନତା ଦଳ ସ୍ଵେଛାକୃତ ରକ୍ତ ଦାନ ଶିବିର ଓ "ଗୋଟିଏ ଗଛ କୋଟିଏ ଜୀବନ" ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବରଗଡ ଜିଲ୍ଲା ମହିଳା ଜନତା ଦଳ ର ସଭାନେତ୍ରୀ ଶ୍ରୀମତୀ ନୀଳକୁମାରୀ ନାଏକଙ୍କ ନେତୃତ୍ବରେ ହସ୍ତତନ୍ତ ବୟନ ଶିଳ୍ପ ଓ ହସ୍ତ ଶିଳ୍ପ ମନ୍ତ୍ରୀ ଶ୍ରୀମତୀ ରୀତା ସାହୁ ବରଗଡ଼ ଆନନ୍ଦ ମଣ୍ଡପ ଠାରେ ଏହି କାର୍ଯ୍ୟକ୍ରମର ଶୁଭ ଉଦଘାଟନ କରିଥିଲେ । ଉକ୍ତ କାର୍ଯ୍ୟକ୍ରମରେ ମୂଖ୍ୟ ଅତିଥିଭାବରେ ମହିଳା ଜନତା ଦଳର ରାଜ୍ୟ ସଭାନେତ୍ରୀ ତଥା ଅତାବିରା ବିଧାୟିକା ଶ୍ରୀମତୀ ସ୍ନେହାଙ୍ଗିନୀ ଛୁରୀଆ , ବରଗଡ ବିଧାୟକ ଦେବେଶ ଆଚାର୍ଯ୍ୟ, ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ମାନିନୀ ଭୋଇ , ବରଗଡ଼ ମୁନସିପାଲଟି ଅଧ୍ୟକ୍ଷା ଶ୍ରୀମତୀ କଳ୍ପନା ମାଝୀ , ବିଜୁ ଯୁବ ଜନତା ଦଳ ସଭାପତି ପ୍ରଦ୍ୟୁମ୍ନ ତ୍ରିପାଠୀ, ଓଡିଶା ମୋ ପରିବାର ଜିଲ୍ଳା ସଂଯୋଜକ ଗୌରହରିମିଶ୍ର, ଛାତ୍ରଜନତା ଦଳର ସଭାପତି ଶ୍ରୀ କରନ୍ ସିକନ୍ଦର ଓ ଅନେକ ମହିଳା ନେତ୍ରୀଗଣ ଉପସ୍ଥିତ ରହିଥିଲେ ।ଏହି ଶିବିରରେ ମୋଟ୍ ୫୨ ୟୁନିଟ ରକ୍ତ ସଂଗୃହୀତ ହୋଇଥିଲା । ସମସ୍ତ ରକ୍ତ ଦାତାଙ୍କୁ ଅତିଥି ଗଣ ଉତ୍ସାହିତ କରିଥିଲେ ବୋଲି ବରଗଡ଼ ଜିଲ୍ଲା ବିଜୁ ମହିଳା ଜନତା ଦଳର ସଂଜୋଜିକା ରଶ୍ମିତା ମେହେର ସୂଚନା ଦେଇଥିଲେ।