ଜଗତସିଂହପୁର/ସୁମନ୍ତ କୁମାର ଦାସ:ଜଗତସିଂହପୁର ଜିଲ୍ଲା ଜୁନିଅର ରେଡ଼କ୍ରସ ସଂଗଠନ ତରଫରୁ ଏକ ଜିଲ୍ଲା ସ୍ତରୀୟ ନିଶାମୁକ୍ତ ଶପଥ ଗ୍ରହଣ କାର୍ଯ୍ୟକ୍ରମ ସ୍ଥାନୀୟ ଜଗନ୍ନାଥ ସରକାରୀ ଉଚ୍ଚ ବିଦ୍ୟାଳୟ, ମଧୁସୂଦନପୁର ସ୍ଥାନରେ ଅନୁଷ୍ଠିତ ହୋଇଯାଇଛି l ଜିଲ୍ଲା ଶିକ୍ଷା ଅଧିକାରୀ ଶ୍ରୀଯୁକ୍ତ ନିରଞ୍ଜନ ବେହେରାଙ୍କ ନିର୍ଦେଶରେ ଏହି କାର୍ଯ୍ୟକ୍ରମରେ ଜିଲ୍ଲା ଶାରୀରିକ ଶିକ୍ଷା ପରିଦର୍ଶକ ଶ୍ରୀଯୁକ୍ତ ବିଦ୍ୟାଧର ପ୍ରଧାନଙ୍କ ସଭାପତିତ୍ୱ କରିଥିଲେ l ଏହି ନିଶାମୁକ୍ତ ଶପଥ ଗ୍ରହଣ ସମାରୋହରେ ସମ୍ମାନିତ ଅତିଥି ଭାବେ ଜିଲ୍ଲା ଜୁନିଅର ରେଡ଼କ୍ରସର ପରାମର୍ଶଦତ୍ତା ଶ୍ରୀ ଶରତ ଚନ୍ଦ୍ର ବାରିକ, ଶ୍ରୀ ବିଜୟ କୁମାର ରଥ, ନାରାୟଣ ଚନ୍ଦ୍ର ବାରିକ ପ୍ରମୁଖ ଅଂଶ ଗ୍ରହଣ କରିଥିଲେ l ସଭାରେ ଜିଲ୍ଲା ଜୁନିଅର ରେଡ଼କ୍ରସ ଅଧିକାରୀ ଶ୍ରୀ ତ୍ରିଲୋଚନ ସହୂ ସଭାର ଉଦ୍ଦେଶ୍ୟ ଜ୍ଞାପନ କରିଥିବା ବେଳେ ଶିକ୍ଷୟତ୍ରୀ ଅନୁସୟା ମଲ୍ଲିକ ଧନ୍ୟବାଦ ପ୍ରଦାନ କରିଥିଲେ l ସଭାରେ ଅନ୍ୟମାନଙ୍କ ମଧ୍ୟରେ ଶୁଭଶ୍ରୀ ମଲ୍ଲିକ, କ୍ଷଣପ୍ରଭା ସାହୁ, କିର୍ତ୍ତୀବାଳା ରାଉତରାୟ, ରଶ୍ମିରଂଜନ ମହାପାତ୍ର, ବିଷ୍ନୁପ୍ରିୟା ପାଢ଼ୀ, ପ୍ରଭାସ ମଲ୍ଲିକ, ନାରାୟଣ ରଥ ଓ ସମସ୍ତ ବ୍ଲକର ଜେଆର୍ଶୀ ସଂଯୋଜକମାନେ ଯୋଗ ନେଇଥିଲେ l ସର୍ବଶେଷରେ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ନିଶାମୁକ୍ତ ଦେଶ ଗଠନ ନିର୍ମିତ ଶପଥ ଗ୍ରହଣ କରିଥିଲେ l ଏହି ସମସ୍ତ କାର୍ଯ୍ୟକ୍ରମକୁ ଜିଲ୍ଲା ପରାମର୍ଶଦାତା ଚନ୍ଦନ ବେହେରା ପରିଚାଳନା କରିଥିଲେ l