ନବରଙ୍ଗପୁରରୁ ଅଶୋକ ସାହୁ: ଭାରତ ସରକାର ଙ୍କ ନିର୍ଦ୍ଦେଶ କ୍ରମେ ନବରଙ୍ଗପୁର ମହିଳା ସ୍ନାତକ ମହାବିଦ୍ୟାଳୟ ରେ ବିଭାଜନ ବିଭୀଷିକା ର ସ୍ମୃତିଚାରଣ ଦିବସ (14 ଅଗଷ୍ଟ)ପାଳିତ ହୋଇଯାଇଛି। ଏଥିରେ ଇଂରାଜୀ ବିଭାଗ ର ଅଧ୍ୟାପକ ଶ୍ରୀ ବିନୋଦ ବିହାରୀ ପ୍ରଧାନ ସଭାପତିତ୍ବ କରିଥିବା ବେଳେ ଯୁବ ରେଡକ୍ରସ ର ସଂଯୋଜିକା ଡ ସଂଯୁକ୍ତା ପଣ୍ଡା ମଞ୍ଚ ପରିଚାଳନା କରିଥିଲେ। ଏହି ସଭାର ଅତିଥି ରୂପେ ନବରଙ୍ଗପୁର ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ ର ଅର୍ଥନୀତି ବିଭାଗ ର ଅଧ୍ୟାପିକା ଶ୍ରୀମତୀ ସୁନୀତା ପାତ୍ର, ବରିଷ୍ଠ ଆଇନଜୀବୀ ଶ୍ରୀ ଶିବ ପ୍ରସାଦ ପାତ୍ର ଏବଂ ଶ୍ରୀମତୀ ପ୍ରଣତି ପାତ୍ର ସମେତ ମହିଳା ସ୍ନାତକ ମହାବିଦ୍ୟାଳୟ ର ଅଧ୍ୟାପିକା ଶ୍ରୀମତୀ ରଞ୍ଜୁସା ପ୍ରହରାଜ ଭାରତ ବିଭାଜନ ଓ ବିଭୀଷିକା ସ୍କୃତିଚାରଣ ବିଷୟରେ ବକ୍ତବ୍ୟ ରଖି ଛାତ୍ରୀ ମାନଙ୍କ ମଧ୍ୟରେ ଭାରତୀୟ ଏକତା, ଅଖଣ୍ଡତା, ସଂହତି ବର୍ଦ୍ଧନ କରିବା ପାଈଁ ସଚେତନତା ର ବାର୍ତ୍ତା ଦେଇଥିଲେ। ଅଧ୍ୟାପିକା ଶ୍ରୀମତୀ ସୁନୀତା ପାତ୍ର, ଏମ ରୋହିଣୀ ରାଣୀ, ଅଧ୍ୟାପକ ଶ୍ରୀ ଲକ୍ଷ୍ମୀକାନ୍ତ ସୌରା ତଥା ବହୁ ସଂଖ୍ୟା ରେ ଛାତ୍ରୀ ମାନେ ଯୋଗ ଦେଇଥିଲେ।