ବରଗଡ :- ବରଗଡ ଜିଲ୍ଲା ପାଇକମାଲ ବ୍ଲକ କେଛୋଦାଦର ଗ୍ରାମରେ ରହିଛି ଏକ ସେବାଶ୍ରମ ଛାତ୍ରୀ ନିବାସ । ରାଜ୍ୟ ସରକାର ଙ୍କର ଅଧିବାସୀ ହରିଜନ ବିଭାଗ ଦ୍ଵାରା ପରିଚାଳିତ ଏହି ସେବାଶ୍ରମ ଛାତ୍ରୀ ନିବାସ ରେ ପ୍ରାୟ 95 ଜଣ ଛାତ୍ରୀ ରୁହନ୍ତି । ଆଜି ପବିତ୍ର ରାଖୀ ପୂର୍ଣ୍ଣିମା ଅବସରରେ ପାଇକମାଲ ବ୍ଲକ ବିଜୁ ଯୁବ ଜନତା ଦଳର ଅଧ୍ୟକ୍ଷ ଶ୍ରୀ ଗୌତମ ସିଂ ଓ ସ୍ଥାନୀୟ ଯୁବ ସରପଞ୍ଚ ଶ୍ରୀ ଚିତ୍ତ ରଞ୍ଜନ ପ୍ରଧାନ ଛାତ୍ରୀ ନିବାସକୁ ଯାଇ ରାଖୀ ପର୍ବ ପାଳନ କରିଥିଲେ । ନିଜ ଘର ଛାଡ଼ି ଛାତ୍ରୀ ନିବାସ ରେ ରହି ପାଠ ପଢ଼ୁଥିବା କୁନି କୁନି ଝିଅ ମାନେ ଉଭୟ ଯୁବନେତା ଙ୍କୁ ରାଖୀ ପିନ୍ଧାଇ ଅତ୍ୟନ୍ତ ଖୁସି ଅନୁଭବ କରିଥିଲେ । ରାଖୀ ପର୍ବ ସରିବା ପରେ ଗୌତମ ସିଂ ସମସ୍ତ ଛାତ୍ରୀ ମାନଙ୍କୁ ସାମାନ୍ୟ ଉପହାର ମଧ୍ୟ ପ୍ରଦାନ କରିଥିଲେ । ସେବାଶ୍ରମ ର ଅନ୍ତେବାସୀ ଭଉଣୀ ମାନଙ୍କର ସହିତ ରାଖୀ ପର୍ବ ପାଳନ କରି ଅତ୍ୟନ୍ତ ଖୁସି ଅନୁଭବ କରିଥିବା ଉଭୟ ଯୁବନେତା ପ୍ରକାଶ କରିଛନ୍ତି |