ମେଲଛାମୁଣ୍ଡା(ମନୋଜ ଭୋଇ)-ମେଲଛାମୁଣ୍ଡାସ୍ଥିତ ପ୍ରାଥମିକ କୃଷି ସମବାୟ ସମିତି (ପେକ୍ସ)ର ନବନିର୍ବାଚିତ ବୋର୍ଡ ସଭ୍ୟ ସଭ୍ୟାଙ୍କ ଶପଥ ଗ୍ରହଣ ଉତ୍ସବ ବୁଧବାର ଦିନ ସଭା କକ୍ଷରେ ଅନୁଷ୍ଠିତ ହୋଇଯାଇଛି । ପେକ୍ସ ସଂପାଦକ ରାଜନାରାୟଣ ସାହୁ ନବ ନିର୍ବାଚିତ ବୋର୍ଡ ସଭାପତି ପ୍ରତ୍ୟୁଷ ରଂଜନ ଭୋଇ ଏବଂ ଉପ ସଭାପତି ସନ୍ତୋଷିନୀ ପଣ୍ଡାଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ କରିବା ସହ ଶପଥ ପାଠ କରାଇଥିଲେ । ଶପଥ ପାଠ ଉତ୍ସବରେ ଲକ୍ଷପତୀ ମହାନନ୍ଦ, କିର୍ତନ ବାରିକ, ସନ୍ତୋଷ ଭୋଇ, ଦ୍ରୋପଦୀ ରଣା, ନାରାୟଣ ବାଗ, ସୁଫଳ ଗଡତିଆ, ପ୍ରଦୀପ ସାହୁ, ଜତିନ ସାହୁ, ସୋମନାଥ ସାହୁ, ଜିତେନ ସାହୁ, ଲକ୍ଷ୍ଣଣ ଭୁଏ, ଭାସ୍କର ଭୁଏ ଓ ମନୋଜ ଭୋଇ ପ୍ରମୁଖ ଡାଇରେକ୍ଟର ଉପସ୍ଥିତ ଥିଲେ । ଦାୟିତ୍ୱ ଗ୍ରହଣ ପରେ ସଭାପତି ଶ୍ରୀଯୁକ୍ତ ଭୋଇ ଏବଂ ଉପସଭାପତି ଶ୍ରୀମତୀ ପଣ୍ଡା ପେକ୍ସର ସର୍ବାଙ୍ଗିନ ଉନ୍ନତିରେ ଡାଇରେକ୍ଟର ମାନଙ୍କର ସହଯୋଗ କାମନା କରିଥିଲେ । କାର୍ଯ୍ୟକ୍ରମ ସବୁକୁ ପେକ୍ସ କର୍ମଚାରୀ ମହେନ୍ଦ୍ର ଜାଲ, ବିଜୟ ମହାନନ୍ଦ, ଦିବ୍ୟ ବିଶି, ରୋହିତ ଭୋଇ ସହଯୋଗ କରିଥିଲେ । ଶେଷରେ ପେକ୍ସ ତରଫରୁ ରିଙ୍କୁ ଗଡତିଆ ଧନ୍ୟବାଦ ଅର୍ପଣ କରିଥିଲେ ।