ଜଗତସିଂହପୁର/ସୁମନ୍ତ କୁମାର ଦାସ:ଆଜି ଜଗତସିଂହପୁର ଜିଲ୍ଲା ପ୍ରଶାସନ ଓ ପୌରପରିଷଦ ମିଳିତ ଆନୁକୂଲ୍ୟରେ ବିଶିଷ୍ଠ ଶିକ୍ଷାବିତ୍ ଶ୍ରୀରାମ ଚନ୍ଦ୍ର ଦାଶଙ୍କ ଶ୍ରାଦ୍ଧ ଦିବସ ପାଳିତ ହୋଇଯାଇଅଛି l ଏହି ଅବସରରେ କଲେଜ ଛକଠାରେ ଥିବ ଶ୍ରୀରାମ ଚନ୍ଦ୍ର ଦାଶଙ୍କ ପ୍ରତିମୂର୍ତ୍ତିରେ ପୌରପରିଷଦ ଅଧ୍ୟକ୍ଷା ଶ୍ରୀମତୀ ଅର୍ଚ୍ଚାନା ସିଂ, ଉପାଧ୍ୟକ୍ଷ ଶ୍ରୀ ରାଜେନ୍ଦ୍ର କୁମାର ବିଶୋଇ,ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଶ୍ରୀ କାମିନୀ ରଞ୍ଜନ ପଟ୍ଟନାୟକ, ପୌରପରିଷଦ ନିର୍ବାହୀ ଅଧିକାରୀ ଶ୍ରୀ ଅଶୋକ କୁମାର କର୍ଣ୍ଣ ପୁଷ୍ପମାଲ୍ୟ ଅର୍ପଣ କରିଥିଲେ l ଶ୍ରୀରାମ ଚନ୍ଦ୍ର ଦାଶ ଓଡିଶାର ଜଣେ ଶିକ୍ଷାବିତ୍,ପ୍ରାବନ୍ଧିକ ଓ ସମ୍ବିଧାନ ବିଶେଷଜ୍ଞ ଥିଲେ l ରାଜନୀତି ବିଜ୍ଞାନକୁ ଏକ ସ୍ୱତନ୍ତ୍ର ବିଷୟ ଭାବରେ ପରିଚିତ କରାଇବା ଦିଗରେ ସେ କାମକରିଥିଲେ l ନିଜ ପୁସ୍ତକ ୟୁରୋପରେ ମୋ ଅନୁଭୂତି ପାଇଁ ସେ ଓଡିଶା ସାହିତ୍ୟ ଏକାଡେମୀ ତରଫରୁ ପୁରସ୍କାର ଲାଭ କରଥିଲେ l ଏହି କାର୍ଯ୍ୟକ୍ରମରେ ପୌରପରିଷଦ ବରିଷ୍ଠ ସହାୟକ ଶ୍ରୀ ଦୀପକ ପଟ୍ଟନାୟକ, ସାମ୍ବାଦିକ ଶ୍ରୀ ସରୋଜ କୁମାର ସାହୁ, ଶ୍ରୀ ମନୋଜ ଦାଶ ପ୍ରମୁଖ ଶ୍ରୀ ରାମ ଦାଶଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ l