କାଦୁଅ କରୁଥିବା ବେଳେ ଓଲଟିଲା ଟ୍ରାକ୍ଟର, ଚାଲିଗଲା ଜୀବନ
ବରଗଡ :- ବରଗଡ଼ ଜିଲ୍ଲା ପାଇକମାଲ ବ୍ଲକ ମାଣ୍ଡୋସିଲ ଗ୍ରାମ ନିକଟସ୍ଥ ମଣ୍ଡି ସମ୍ମୁଖରେ ଚାଷ କରୁଥିବା ସମୟରେ ଏକ ଟ୍ରାକ୍ଟର ଓଲଟି ଚାଳକ ଙ୍କର ମୃତ୍ୟୁ ହୋଇଯାଇଛି । ପ୍ରାପ୍ତ ସୂଚନା ଅନୁସାରେ ଧରୋଲ ଗ୍ରାମର ପୂର୍ଣ ଚନ୍ଦ୍ର ରଣା (୨୬) ପି : ଭାଳେଶ୍ୱର ରଣା ମାଣ୍ଡୋସିଲ ଗ୍ରାମର ଜଣେ ଚାଷୀ ଙ୍କର ଜମିରେ କାଦୁଅ କରୁଥିବା ସମୟରେ ଟ୍ରାକ୍ଟର ଟି ଓଲଟି ପଡିଥିଲା । ଆଖପାଖରେ ଥିବା ଲୋକ ତୁରନ୍ତ ତାଙ୍କୁ ଘରକୁ ଆଣିଥିଲେ ହେଲେ ଘରେ ପହଂଚିବା ପରେ ତାଙ୍କର ମୃତ୍ୟୁ ହୋଇଯାଇଥିବା ସୂଚନା ରହିଛି । ପାଇକମାଲ ପୋଲିସ ଘଟଣା ସ୍ଥଳକୁ ପହଂଛି ଶବ ଜବତ କରିବା ସହିତ ବ୍ୟବଚ୍ଛେଦ ପାଇଁ ଉପଖଣ୍ଡ ଡାକ୍ତରଖାନା କୁ ପଠାଇବା ସହିତ ଘଟଣାର ତଦନ୍ତ ଜାରି ରଖିଥିବା ପାଇକମାଲ ଥାନା ଅଧିକାରୀ ଶ୍ରୀ ବିଶ୍ଵଜିତ ମନବୋଧ ସୂଚନା ପ୍ରଦାନ କରିଛନ୍ତି ।
